又搬老豆以前講過1句「未食5月種寒衣咪亂送」
居然4月o既今日都要我著多件長袖衫衾被訓教，
煮埋個辣麵食埋飲埋d汁都未出汗果隻，
雖然又未去到凍到開暖爐，但係感覺都幾反常。

明明上1個冬天全年都無著過冬天衫咁滯，
就算o岩o岩呢個冬天我都好少可著長袖衫，
今年4月居然覺得凍，其實上個禮拜仲開冷氣，
全球爆發武漢肺炎，d科學家話天氣熱會緩和，
想佢快d夏天佢就偏偏到衣家都仲凍過冬天。

令到天氣咁凍o既幕後功臣就係潮濕+落雨，
全日無太陽，窗口滿佈水珠，摸落間床都濕濕地，
好似倒瀉水未乾晒果隻，不過尋日開抽濕機，
抽左5粒鐘(應該有？)抽到睡房由8x%去到47%，
床單枕頭乾爽晒，訓落舒服好多。

現實世界有武漢肺炎，遊戲世界有伺服器廢延，
本來武肺肆虐o既日子好應該留響家中打機，
但係RO個server響呢段時期先黎又廢又延遲。

兩個星期前o既星期6晚開始就壞公會頻壞組隊，
響公會或者隊頻打字要5分鐘後先出到黎，
有時連個公會都唔見埋o禁ALT+G都無反應，
唔知仲以為比會長踢左出會，組隊亦好多事，
組隊介面睇唔到隊友名啦，在線都顯示離線啦，
開個副本排完隊直接食左副本等聽日CD啦，
根本就無辦法正常運作，超令人扯火！
果日我仲要係o岩o岩入新公會同佢地爬塔。

最火係官方應對態度，求其開d加倍草草了事，
經驗加倍又點？隊都組唔到，係加倍難練呀！
寧願佢地停服幾日作地毯式搜查搵出毛病，
或者每日公告交代處理進度丫！扮下野都好，
錢就識得賺，1早就叫你地換新server機架啦，
明明係隻生金蛋o既雞，都唔好好咁優待下，
拎d錢走去投資開發手遊，厚此薄彼。

不過我都感到驚訝，個server爛左兩個禮拜，
仍然無減玩家o既熱情，練功區依然居火馬龍，
去d熱門區都係人頭擁擁，所以我幾時都咁話，
呢隻原祖版RO仲可以再戰10年。

武漢肺炎肆虐，疫情已經蔓延至全世界，
早前有學者話病菌響高溫下存活時間降低，
1到夏天就有可能解決到，但係唔似囉，
響全年都係夏天o既熱帶國家例如大馬果d，
都有唔少確診數字，雖然無中美意果d誇張，
但證明夏天唔能夠解決，最多只係減緩。

2月果陣就已經每日上網盼望有好o既消息，
不過到今日，武肺o既消息只有越黎越差，
美國、意大利大爆發，確診人數達到10萬，
連英國王子、首相呢d達官貴人都奶野，
南韓好地地都可以1日突然爆過千單出黎，
日本東京奧運搞唔到要延期至出年，
演唱會、發佈會咩公開活動都取消晒啦，
之前仲諗果d逃出中國香港o既人就甩難啦，
衣家你走到邊個國家都無得避，除左北韓。

香港停課不停學，學生要響屋企視像上堂，
d家長就慘啦，本來送左個仔番學就自由，
衣家日日要響屋企臭仔。

最近政府立例飲食業坐檯距離要1.5米，
本來就1潭死水o既食市黎講再百上加斤，
又立限聚令限制出街唔可以多過4個人，
禁止酒吧賣酒，唔賣酒可以賣乜呀？
我唔係受害者都覺得呢條例幾唔啦間，
然後卡啦OK、麻雀館都被迫停業14日，
乜你覺得14日後個疫情就會消失啦咩？
d學者話最快要3年後先好轉，最快炸下！
3年持續咁o既狀態，唔知個世界會點樣。

我覺得呢個病毒會改變人類o既生活模式，
經濟市場黎個大洗牌，好多行業結業，
2020年就係生態大變遷o既1個起點，
果d靠收租o既商廈或商舖無乜人租，
全部人轉晒home office，服務業會熄微，
除左買到物資o既百佳、藥房、些粉之外，
商店轉晒做網購，旅遊業更加係收晒皮，
飲食業全部轉營做外賣或類似波仔叮飯，
呢個係推斷o既未來，大家要同武肺鬥長命，
除非研發出疫苗以及能夠普及化。

心情係悲喜交集，悲o既係痛失舊電腦o既資料，
喜o既係可以響屋企有比較快o既電腦體驗，
開機5秒用得，同公司機1樣快，but米咁開心住，
通常新買o既電腦開機都快，下年仲keep到先開心啦，
公司果部就真係keep到啦，由入職用到衣家都咁快。

第1件事係裝RO(唔計果d set wifi上網之類濕碎野啦)
之前睇巴哈有d人話佢用新電腦好勁o既機反而玩唔到，
唔係唔夠力run，係display card定咩野系統唔相容，
我都驚架，所以即試，好在正常運作，唔單止咁樣，
仲feel到順左！以前響中央銳射射龍蛋頂多秒3至4，
唔好話技能，就咁平射都做唔到秒7，但衣家射好順！
係明顯感覺到分別，射到秒6，明明隻game十幾年前，
理論上我對上果部i5應該可以應付得綽綽有餘丫！
居然要呢部i7先可以行得順？但係雙開都好食機能，
1雙開會聽到風扇轉，幾過份下，雙開仲會hang game，
呢種hang game擺明係有bug唔關夠唔夠力run事。
響新機玩RO都要set up幾多野，畫面尺寸啦、音量啦、
noshift啦、表情啦，最煩係訊息欄，要整番公會專用、
隊頻專用、睇輸出專用、睇經驗值專用等等。
除左順暢左之外，之前開RO第1個中文輸入會疾幾秒，
衣家都係feel到有疾，但應該唔會長過0.5秒。

第2件事係裝photoshop、indesign果d搵食架生啦，
裝完後1開photoshop，哇！幾秒就入到去工作介面！
之前部i5係要等廿秒以上架，我以為CC係要開咁耐，
不過又咁講，除左開software外舊果部用落都順o既，
所以其實我都有諗過再買番i5都足夠應付到架，
不過無理由10年前買i5，5年前亦買i5，衣家都仲i5，
而且考慮到未來可能要應付剪片等更大規模o既需求，
所以先i7，其實舊果部無壞到衣家咪又照用黎工作。
丫佢preset左裝響Program Files果度而唔係(x86)度，
唔係話裝響(x86)果邊會運作得快d架咩？

除左呢d之外其他用落其實同舊果部無乜分別，
不過打字(例如打呢篇野咁)無疾到，舊果部會疾，
唔知點解喎，處理打字咁簡單o既事都可以疾？

由於衣家開機熄機都勁快，我無理由再sleep mode，
呢部熄機開機可能仲快過之前果部sleep mode添。

尋日都出鄰近購物商場o既連鎖電器舖睇電腦，
豐澤睇座檯電腦得1款，其他全部notebook，
而果1款睇落個spec好似好弱雞咁樣，
我問個sales乜衣個年代無晒座檯機電腦咩？
佢話係呀，衣家d notebook勁過檯機架啦，
我印象中notebook係比較唔夠力同埋唔夠穩定，
都幾年無留意電腦野，唔通時代已經變遷？
諗諗下又好似係，我d帶notebook番工o既同事，
收工帶埋部野走，話擺公司佢屋企無電腦用，
我whatsapp問下其他人係唔係咁樣，
得到大多數o既答案係，個sales想昆我姐，
佢間野得notebook賣，咪話無人用檯機囉。

再去穌寧睇，有多幾部勁d o既檯機spec睇啦，
但係i7最平都要過萬，係lenovo o既，
10年前買i5，5年前都係買i5，唔通衣家仲i5？
好想轉部勁d o既，心目中價位大約8千樓下，
因為5年果部i5(即係壞左果部)都係5千蚊左右，
本來諗住今時今日5千蚊可以買到部i7啦，
唔係咩？今日普通o既電腦勁過上年最勁果部，
今日最勁果部出年都變古董丫嘛，事實唔係囉，
i7都仲係高企1萬蚊？i5仍然係6千蚊左右，
呢個價錢比例同5年前有乜分別姐？
出左咁多年應該上到i20啦？仲係i5i7o既？
以前intel d cpu型號都經常轉，又486又奔騰，
anyway啦，今日再出旺角電腦中心睇埋砌機先，
經常聽人講同等價錢砌機比廠機高幾個規格，
我影左廠機個spec執藥咁跟足呢d野砌幾錢？
諗住最少應該平兩至3千掛？佢話差唔多，
頂多平兩舊，下？平咁少我仲砌機黎做乜呀？
我想要o既大約係i7、16Gb ram、GTX1660、
256Gb SSD、2TB HD跟埋win10咁上下之嘛，
8千蚊真係執唔到咩？其實呢期唔係好敢花錢，
香港武肺疫情搞到公司開唔到單唔知涯到幾耐，
如果唔係我都唔介意出夠1萬買部勁d o既。

跟住又去睇番廠機，旺電有間聲稱HP專門店，
佢地居然有部i7係滿足晒我要求只係8千蚊，
仲話係新出o既連平時show spec張桌布都未有，
美中不足o既只係部野無藍芽無wifi要另買，
不過諗住睇多幾間先，然後又行番去豐澤，
旺角o既豐澤係多好多檯機款，睇過d價錢，
i7都係要過萬，佢地有做HP但係無頭先果部HP，
好啦，決定番番旺電間HP專門店買果部野時，
果間野已經落左閘，買唔到，我唔想白行1趟，
唯有再去第間睇啦，百老匯我係未睇過o既，
因為見佢地門口有人渣體溫槍check過先比入，
唔係淨係發哥，我都好憎比人用槍指住個頭，
不過見旺角果間中門大開(應該係職員行開左)
咁我先行入去睇，有部acer都係8千樓下i7喎，
我想要o既都有齊，係爭在獨顯係GT730，
同埋得8Gb ram，有GT730都叫做有好過無丫，
就呢部啦！我第1部電腦牌子就係acer，
之後砌機外連續3部都係HP，重投acer懷抱啦。

買完就即刻截的士番屋企，響樓下附近落，
幾好，拎到番屋企都唔算辛苦丫。