日日都係留意住關於肺炎o既消息，
每日都期望有好消息，例如全面封關呀、
確實研發到解藥之類，可惜每次都失望，
而且仲越睇越火滾，點解唔封關？
全世界都封關就只有香港唔封關，
每日只有新增確診個案，全部都係壞消息，
仲有d相片係地鐵站有人訓左響度，
仲要唔止1個，都米話唔恐怖！
幾廿年黎香港未試過有咁大陣丈o既恐慌，
除非真係有解藥，唔係呢舖香港玩完啦。

雖然港大聲稱話研發到，但未證實，
起碼未見有大事報導，仲話要動物實驗，
有解藥都有望可以舒緩疫情丫。

衣幾日超市d乾糧全部比人掃清光，
口罩更加唔洗講，炒價都照清貨，
amazon訂口罩都比正苦禁運，
我師父都訂唔到。

掃乾糧其實無保於事，過完年咪又要番工，
番工都要出街架啦，除非宣佈可以唔番工，
或者可以日日home office直至穩定為止，
到時開工無人敢出門令個市停罷唔好怪人，
1早封關控制到病情就唔會有更大損失。

習慣寫日誌係響屋企部電腦開個txt檔打完，
之後先貼落qooza度，都係想多個backup炸，
反正唔會有人睇o既，我又唔係d咩網紅KOL，
以前就真係會開住qooza打字o既，
衣家就屋企部電腦先係真正o既日誌，
其實呢樣野已經實行左幾年啦。

不過每次貼完篇野顯示個時間都好大出入，
好似今日咁就有4分鐘誤差，我出post45分，
出到黎顯示時間變49分，雖然問題唔大，
但我個人好講意頭o既，專登避開唔吉利數字，
例如42呀、44呀、53呀我都唔鐘意，
所以出post會揀個數字正常o既時間o禁掣，
但係時間同我電腦個鐘有出入就好難就啦。

其實呢份講意頭o既執著唔單止出文章，
基本上我做任何事都會咁，尤其牽涉電腦，
例如每save1個檔案、或者網遊升個Lv之類，
雖然明知就算數字唔o岩心水都無實際影響，
但係就令心情唔舒暢。

武漢市爆發新型肺炎，據網上消息指死左2千幾人，
響鎖國之前仲有唔少當地人逃離疫區，
到全國各省市，有d仲去到台灣、法國等世界各地，
果d人仲要專登食退燒藥隱瞞撿查過關，
搞到病情4圍擴散難以控制，中央宣佈停晒d運輸，
但香港正苦仍然唔封關繼續中門大開。

d人話其實12月果邊已經知道出事，但封鎖消息，
如同03年sars果陣o既手法，到衣家咪又係封唔住，
佢地諗住得過且過睇少呢個病毒o既威力，
因為1公開消息會影響經濟掛？又驚上面怪罪落黎，
下？衣家當地官員唔止烏沙不保可能要人頭落地添。
經過03年o既教訓都仲唔學精？又再歷史重演？
如果1早防範控制病情，就唔洗搞到咁大單啦！
衣家o既經濟損失更嚴重，仲要唔知蔓延幾耐。

估唔到經歷過sars十幾年後o既今日又再體驗多次，
果種人心惶惶o既日子，而且聽講呢隻比sars更勁，
想當年03果陣唔洗番工日日響屋企耍廢，
d時間都過得好快，衣家要番工局住出門就驚好多，
慶幸o既係衣家放緊農歷年假可以1個禮拜唔出街，
希望呢幾日內病情可以得以控制啦(都知無可能)

本來今日農歷年初2，應該係普天同慶o既日子，
但全港就彌漫住惶恐o既氣氛，修例風波都未平息，
又整多獲肺炎，真係百上加斤，香港呢舖真係杰，
之前sars樓價大跌，有d人趁低入市就賺左1大筆，
但係病毒+政治因素都令香港1沉千丈元氣大傷，
唔知呢次又會唔會再跌，跌完仲有無得升番呢？

期待1年o既長假又黎啦，做1年野都係等呢1刻，
今日年30可以5點半鐘提早收爐，全日無心戀戰，
好唔想做野，附近1帶o既食市就已經全日唔開，
假期安排係由聽日(初1)放到初9(星期日)開工，
你無聽錯，係星期日開工，因為係擇左吉日，
仲要係1點半過後先準入公司，早1分鐘都唔得，
所以係連放8日，其實嚴格黎講只係6日，
因為今年初1初2係星期6同埋星期日，蝕左，
不過其他初5啟市o既打工仔仲唔底，放得兩日，
點都好，都要多得個風水師父先可以放8日，
如果個風水師計過係話初5先係吉日就慘啦。

可以放得比1般打工仔長，係開心o既，
以前次次放完年假番工都見其他舖頭仲係落閘，
心情好差，點解每次都係放得少過人？

呢個假期唔定d咩目標，次次定左都做唔到3成，
好好咁hea左佢其實都係1種享受丫，
唔係下下都要做到d咩先對得住個假o既。

幾時都話903晴朗係最有價值o既電台節目，
有如聽棟督笑，加上林海風把聲夠賤格，
院子健把聲夠抵死，講野係靈舍有味道，
試下同1番說話搵番同台o既曾進華講丫，
搞笑能力應該下跌幾倍。

呢班主持o既轉數急才更加係1絕，
呢排爆發肺炎，佢地即席就改左首榮光，
就咁聽似係即慶作，有如曹直7步成詩，
「何以這感冒又再黎，何以這疫情係肺病，
鼻水每日流又發燒咳嗽，我願健康歸香港」
痴線架，又o岩音唔格硬黎，又合晒意思，
當然，唔排除可能係1早度好晒，
再扮晒講講下野。