聽左咁多集恐怖在線，潘聰請過唔少師父做嘉賓，
但都只係分享個案，無乜野真係現場表演到出黎，
以前有集個師父表演令張銀紙變灣自動繞起，
效果唔大，而且睇落似魔術多過似法術 XD
而呢集有位鄭澤林師父就即場示範開眼法事，
早幾集潘聰就召募有興趣開眼o既聽眾打黎報名，
搵左3位應募o既上佢節目，佢地都係想見已故親人，
第3part就進行儀式，師父會嘗試引導佢地開眼，
不過唔係人人開到，3位應募者都係開唔到o既，
只好由師父代為傳話，叫佢地問問題，
1開始都覺d問答有d行貨，例如問佢有無番黎搵佢，
即使靈體答有或者無都其實唔可以證明有無料到，
唔係有就係無架啦，不過之後就開始有d堅啦，
chatroom上面有高靈人士形容到佢召個靈體咩樣，
第1個就話係肥o既女士，咁唔係肥就係瘦架啦，
然後應募者話係呀佢曾經有肥過但晚年瘦o既，
呢個可圈可點，似應募者配合高靈人士自圓其說，
但之後形容o既特徵同應募者想搵o既親人係吻合，
例如話佢有好大個鼻之類，呢個就好難白撞撞中，
之後另1個話佢帶住條粗o既珠鍊，應募者都嚇親，
話真係有條珠鍊，佢仲有將死者生前條鍊拎出黎，
問靈體有乜想講，靈體問佢地幾時結婚，
呢個好1般傳統家長恨子女快d成家立室o既心態，
不過之後師父代講左句無論佢係親生女定養女，
佢都咁重視，講完呢句應募者感動到情緒失控，
話係呀，呢句野佢親人經常都咁同佢講，
呢句野咁複雜無得白撞啦掛？

除非呢集d應募者其實係演員，師父搵人做媒，
同埋chatroom聲稱高靈人士同係1早夾定，
唔係o既話呢集係咁多集現場示範最堅o既1集！

響旺角信和1間零食店用198蚊買左呢個燈，
係呀，唔係電器舖唔係精品舖係零食店，
仲要係夾糖果d，同場仲有178蚊o既弱化版。

個燈就係夜晚投射海洋波浪映像去天花版，
原理就只係照住塊凹凸不平o既透明玻璃(?)
做出好似波浪o既不規則影像，仲有慢速磨打，
轉住塊玻璃，模仿出波浪o既動態，就係咁。
貴廿蚊呢個係彩色版，平廿蚊只係得藍色，
但其實原來彩色版都可以只係照射藍色光，
所以要買o既唔爭在果廿蚊，買呢個齊晒。

個燈仲有喇叭，不過唔係藍芽係要插線o既，
比你開著部電話用佢黎播歌咁話喎...
咁我做乜唔直接用電話播？你個喇叭靚聲d？
我就未試過，但係2百蚊可以有幾靚聲？

開關製o禁1下開著，o禁多下轉顏色，
可以轉幾種顏色亦可以高速變色好似disco咁，
但要熄左佢就唔方便要o禁好多下先熄到，
想直接熄或者要mon插穌？佢仲識自動熄機，
我開著佢1晚，半夜起身發現已經熄左。

近年穿越異世界題材o既動漫作品大行其道，
Re:zero啦、over lord啦、美好世界祝福啦、
轉生史萊啦、魔王奴隸啦、魔王retry啦、
賢者之孫啦、超能魔術師啦、平凡職業最強啦，
排名不分先後，數之不盡，上面大部份我都睇過，
除左over lord之外，未睇過o既更加無寫出黎。

我經常諗點解唔直接主角本來就係異世界人呢？
而要係1個現代人陰差陽錯之下入左異世界？
通常係主角意外死後入異世界，轉生史萊、
美好世界、能力平均值、帶著手機闖異世界等，
大多數係死於車禍，轉生史萊係比人桶1刀，
然後天神(?)覺得出錯左或覺得主角捨己為人，
所以補償或獎勵主角去到異世界度開掛，
直接入異世界o既仲有Re:zero，落街買野就入左，
超能魔術師就行行下街入左，盾勇者就睇書入左，
都算係被召喚o既，仲有魔王奴隸、零之使魔等，
有d直情點入異世界都無乜交代例如平凡職業，
而入到異世界又會有類似遊戲界面o既有，
轉生史萊、魔王retry、盾之勇者等。
至於要入異世界呢個梗應該係想觀眾有代入感掛？
好多觀眾都希望自己可以成為呢d勇者主角，
但對於身處現實世界o既我地黎講係遙不可及o既事，
只要加入穿越呢個設定等同強行將佢合理化，
而且主角亦以現代o既思考模式去看待異世界事物，
相比原本係異世界o既人黎講更令觀眾有代入感。

而呢d所謂異世界呢，全部係類歐洲中世紀背景，
只係同時存在魔法、怪物、妖精等元素，
異世界就唔可以係高科技o既未來世界？
當中引入遊戲界面o既有轉生史萊、魔王奴隸、
魔王retry、盾勇者等，可以睇到對方幾多Lv，
甚至有埋技能樹，呢d都係相當方便o既設定，
觀眾又有共鳴，又慳番好多過程同交代添。

某網台節目大X講早晨有1part會講哲學，
講到呢個題材，其實好耐之前我都思考過，
以前仲覺得自己係咪傻架？諗埋d咁o既野，
衣家先知原來我係哲學家，無師自通果隻。

入正題，呢個議題牽涉到宗教層面，
有人話你係神創造出黎，所有野都整定o既，
有無辦法超越？好多時話睇相吹吉避兇，
例如師父叫你今日唔好出門避過1劫，
好似破解左宿命丫，可能呢個都係整定o既，
劇本1早就寫左你會聽個師父話而無出到門，
或者你諗緊有乜方法改變命運都係1早寫定，
咁樣做又36唔做又36，不如hea左佢算啦，
甚至hea左佢呢個mindset都係神設定你o既。

喂，咁o既話點解做壞事又要落地獄先？
我做壞事都係神安排架嘛，咁咪可以抵賴囉？
所以後期就設定神要比佢o既子民有自主性，
咁就可以合理化因果孽報o既說法...

anyway，我地的確係感受到我地響度思考，
唔係無意識o既扯線公仔，儘館我地之所以咁諗，
都可能係神o既預設範圍之內，我有咁樣假設過，
其實我地o既靈魂只係1個感受體，無既定形態，
好似粒電心咁，放入個時鐘可以計時間，
放入個鬚刨可以剃鬚，意識形態係跟呢個軀體，
所以你會有咁o既思想都係呢個角色o既預設值，
如果呢個係事實，都無辦法啦，不過無所謂啦，
係又好唔係又好，最緊要自我感覺良好 XD

由於示威活動，全線地鐵站暫停服務，
網民整左張地鐵路線圖，全部站空晒，
真係Empty呀~~ XD

尋日d百佳超市都唔開門，些粉惠康都提早收，
銀行唔開，某d大型商場apm果d亦關閉，
農歷新年佢地都年中無休，8號風球都照開，
居然尋日可以停業，係咪仲恐怖過打風？

睇番新聞台直播，灣仔、旺角等旺區，
又放火又催淚彈放題又水砲車，
仲要星期6日先黎打，商舖唔洗做生意，
平時禮拜1至5d人番工番學唔會行商場，
到星期6日就危險地帶，蝕到入肉啦，
呢種局勢仲要睇落係沒完沒了，
睇怕d老細租約期滿就即刻執左間舖，
可能到何年何月恢復正常時d商場都Empty呀。