個風響零晨3點打到黎，訓果陣都聽到呼呼聲，
朝早起身10點幾已經10號波，心諗，
唉，咁早掛10號，今晚乜風都散晒啦，
其實之前諗住可以今晚先打到黎，
咁聽日星期1可以賺1日假期，無希望啦。

今年1個颱風或者黑雨o既假期都無！
咁難得有個風可以打到10號偏偏響禮拜日，
搞錯呀！遲1日黎咪好囉！做乜咁早黎？
d人掃乜野3日乾糧呀？你睇，1日之嘛！
係d垃圾o既1號3號風球先至掛到3日，
你幾時見過8號掛超過1日？風越勁走得越快。

好啦，抱怨完，講下到目前為止o既災情，
衣家夜晚7點，都仲10號緊，但頂唔得幾耐，
天文台話風力最多維持多兩3個鐘，
facebook同whatapps都瘋傳各種風災，
最誇張o既係連大廈都吹到搖下搖下，
有d人屋企爆玻璃窗，響屋企都唔安全得去邊，
爆窗o既未有人命損傷，如果訓響窗下面，
1爆就pk，新聞都有講某單位1床都係玻璃碎，
事主好彩走左出廳睡房先有巨響，要還神，
然後仲有紅碪果邊某座玻璃大樓千蒼百孔，
d紙張(?)滿天飛，好似曬契錢咁，
有大廈跌外牆，有大樹壓爛的士，
籃球場o既籃球架moonwalk，有條片仲誇，
睇住個龍卷風轉緊埋黎，沿途轉爆前面d廠房，
不過條片似響大6，聽口音亦非純正香港人，
可能唔係今次山竹，只係d人混水摸魚forward，
颱風又唔係龍卷風而且當時應該仲未吹到大6。

我望出窗外，樓下似乎無乜災情，
只係跌左1棵樹，其他細樹依然無事，
遠處空擴地方仲有1堆的士同van仔拍響果度。

希望聽日1係仲8號，1係好天唔好阻住我番工，
最憎就係3號+紅雨，唉唔好話我咁都講中，
根據過往經驗，呢種情況出現率好高！

超強颱風山竹將會響聽晚登陸本港，
天文台罕有地早1個禮拜就宣佈會掛8號，
呢個被喻為世紀最強颱風，又話11號風球，
今日只係1號戒備訊號，陽光普照，
可能就係所謂暴風雨來臨前風平浪靜。

見唔少店舖玻璃廚窗都用膠布貼米字，
響商場入面間大家樂都貼(商場反而無貼)
網上消息更指1卷膠紙炒到50蚊以上，
唉，呢d趁火打劫o既舖頭輸晒口悲囉，
除非間野租約期滿打算下個月就摺姐，
唔係o既話d街坊都長期抵制佢，何必呢？
我放工經過樓下間JHC都真係無晒膠紙，
睇住有人問店員有無膠紙賣店員答無，
樓下間百佳亦比人掃晒d屈臣氏精漏水，
部份杯麵貨架亦將近清空，我亦影左相，
幫公司整左篇搶購恐慌o既facebook圖，
不過，呢個係假像，又未至於掃晒，
同區o既7-11或偉哥都仲有大把杯麵賣，
就算百佳無精漏水都仲有其他飲品囉，
我係有心就角度只影d清空左o既貨架，
拿，網絡假新聞就係咁樣做出黎啦！
幫公司做野姐，唔係咁邊製造到話題？
再講，打風頂多1兩日又唔會打足1個禮拜，
你估日本果d大地震咩？洗乜掃貨丫？

公司附近某屋院上年比天鴿洗禮，
d樹比風連根拔起剷起晒，地磚都爛埋，
今次都仲未識驚，唔見有咩特別防風措施，
最多係搵3枝竹頂住d樹，不過又係o既，
可以做得d乜丫？唔通將d樹收晒入貨倉咩？

我就無做任何防風配套，窗口亦無痴膠紙，
我唔多信痴果兩塊咁簿o既膠紙會有咩幫助，
窗口對面亦有大廈檔住，阻到唔少風壓啦？
亦唔見對面住戶有貼膠紙，個個大安旨意，
d無敵海景豪宅就驚啦，準備禮拜1掃玻璃。

新居張埃pen椅軸心傾斜，坐得唔舒服不突止，
仲驚佢坐坐下突然壓爛將我個人扇落地，
我要將重心坐響另1邊高d果邊黎平衡番，
呢張埃pen椅已經係第2張，2016年年頭換o既，
498蚊，坐到衣家兩年零8個月都唔夠3年。

唔知點解公司d埃pen椅往往都坐得最舒服，
不論辣椒又好，印廠又好，連衣家CG都係，
明明果d款應該係最簡單最豆泥果隻丫。

有見及此，呢次我都專登揀張最簡單果d款，
響屋企樓下間JHC買張唔夠300蚊o既埃pen椅，
開箱果陣已經幫我組裝得7788，剩番3part野，
插個埃pen落個座墊(?)度再插埋枝棍落隻腳，
搞掂，真係方便，說明書仲寫要上螺絲又盛，
例如將個L架裝落個埃pen，座墊要上個金屬架，
個金屬架先可以套到條棍，呢d工驟都慳番。

坐落去，well，好穩陣，感覺良好過舊果張，
當然係指舊果張未傾斜之前啦，幾舒服，
美中不足係包晒玻璃膠，坐落去綴唔實條褲，
好易將我sir落去，仲諗住遲d先拆d玻璃膠，
結果即日就拆晒，拆左坐落去就perfect！

JHC仲有賣另1張500蚊o既類似我舊果隻款，
目測除左色水之外完全無分別，直情同1款，
之前果張明明都唔係JHC買，又會似到咁o既，
but呢張平d反而仲舒服，又證明平野唔1定差。

舊果張仲未掉，上次丟左入伙果時買果張，
亞媽都嘈又話我浪費又話仲用得，頂，
坐果個唔係佢，有無諗過我長期坐姿不正確？
呢次唔好掉住，比佢試坐陣先，廢事煩。

動漫題材經常好跟風，果期hit乜野就1堆果d作品，
例如以前釘宮帶起傲嬌熱潮，就1堆傲嬌作品，
跟住後宮熱，就1堆後宮番，未睇都估得到咩套路，
刀劍神域創網遊劇情，明明只係劍與魔法世界，
都1堆作品硬要加入網遊呢個設定，真係唔多明，
連國產全職高手都係玩網遊，睇住兩條友PVP，
另1邊廂係咁敲keybroad，仲話佢打字手速幾快幾快，
輸左又不痛不癢，有乜意思？比起就咁打更有質感？
可能只要係網遊觀眾投入d掛？我個人就唔多like，
少左網遊框架，生命無take2，咁先緊張架嘛，
其實網遊可以玩合法血腥，反正殺死o既只係虛擬角色，
呢方面SAO、GGO都有玩，將人分屍呀射斷晒d手腳呀，
只係角色斷面果度睇唔到內臟，咁就唔踩界。
早排興轉生到異世界又1窩風，直接異世界故事唔得？
係要1個現代人唔知咩野意外先走入異世界，
係咪想觀眾幻想自己可能有日訓醒就生處響中世紀？
再近期d就異世界開掛，又幾套同類型作品，
不過呢d係睇得爽o既，唔洗用腦睇，只要代入到主角，
好好享受響異世界要風得風要雨得雨開埋後宮。
網遊+轉生異世界+魔王又兩套，做魔王咪魔王囉，
都硬要加個本來係課金玩家呢種設定。

超市、便利店等都有推出自家品牌o既食品，
包裝較簡陋相對亦較有名品牌同類產品平，
但試過後味度或口感通常都係強差人意，
抱住中伏o既心態就比1次機會759呢隻薯條，
1試之下，水準同卡樂B同卡迪邦平分秋色，
完全喜出望外，價錢亦相當平，唔洗10蚊，
1大包有5細包，性價比方面贏9條街。

我試呢隻勁脆薯條係原味橙色包裝果隻，
最接近M記d薯條炸到最脆果種口感&味道，
卡樂B個Jagabee系列759有過之而無不及，
但相比上卡迪邦黎講口感應該略輸少少，
卡迪邦咬落去脆中帶柔，759呢隻只有脆，
都無問題o既，包裝都寫到明勁脆丫，
會繼續買，又再次打破平野無好o既定論。