夢見自己番番辣椒出版工作，公司環境唔同左樣，
個背景可能係基於重組公司o既設定(現實當然無)

夢入面比上司話我慢，我同佢解釋因為我砌得靚，
跟住佢話佢都可以砌得又快又靚，
咁我都注意下自己o既速度，唔搞咁多花臣。

夢入面有新o既女同事出現，又發生無稿砌事件，
我要搵下仲有邊份稿未砌黎保住自己飯碗。

夢o既尾聲係我同上司講我覺得公司都無必要請我，
反正我未入黎做之前原有o既班底都足夠應付，
唔知上司係唔太清楚公司o既方向定唔好意思講丫，
就叫我不如直接同老闆講，我尤疑左陣，黎咪黎！
怕你呀？我之前都有同對上(夢設定)o既老細傾開計，
我行去老闆房門前，度門有個玻璃窗但係磨沙o既，
窗邊好似有位無磨沙我就從個邊裝入去，
想確定老細係咪同緊客傾計或傾緊電話，
老細忙緊果陣搵佢都無意思假，咁就醒左。

呢個夢都唔少劇情，可能反映目前我對職場o既不安，
因為現實做緊果間公司想擴充業務，凡係搞呢d野，
就會混亂，不過正所謂有危先至有機，
或者響職場上可以有更高o既發展。

部iphone個wifi用左咁耐1直都無乜問題，
係經常斷1陣線咁囉，玩手遊好不利。
但前日番到屋企就顯示個wifi連唔上，
開初以為係咪屋企個路油器要重開下？
開電腦連線又正常喎，剩係電話連唔到，
算啦，諗住佢會自己好番。

到今日番到公司依然連唔到線就知奶野啦，
又係其他人連線無問題，得我部iphone連唔到，
只能夠用個台o既上線，但唔單止慢d，
仲有限數據，驚用爆左就額外收費。

點解好地地部iphone個wifi會無端端壞左？
最近搞過d乜黎？有！就係搞過個air drop，
早幾日拍試食麥記片話要air drop send黎，
咁就開左air drop，雖然果下有無壞無留意，
但之後就連唔上，最近只有做過呢樣野。

上google搵下有無類同情況或解決方案啦，
又無喎，唔通我呢個只係個別例子？
可能ios有bug呢？比佢更新下或者可以解決，
之前ipad畫畫會疾都係更新完就無晒問題，
咁就更新啦，點知佢話要連上wifi先比更新，
搞錯呀！我衣家就係連唔上呀！即係無救啦？
唉，搵日上去apple專門店搞搞佢啦，
又要預約時間，麻Q煩。

本來係放假o既今日我食完個lunch就番公司，
再整埋尋日拍o既片，今日主要將d片整合1條，
仲有配音，同埋架埋特效同sound effect。

響屋企都錄左1兩條聲，係扮葛民輝o既腔講野，
番到公司再錄埋其他對白，好在公司無人，
唔係真係幾羞恥play，甚至根本錄唔到落去。

都只係用iphone跟機個錄音apps黎錄，
然後email send比自己，錄左大約30條track，
其實度d對白都用唔少時間，1邊睇片1邊度。
有時段對白長左，我要將條片重覆d動作黎就番，
又或者cut緊d對白，跟住配sound effect，
上網搵d聲效檔，1邊搵1邊試聽都花唔少時間，
加埋d字眼同公仔彈出黎令條片更搞鬼。

整好晒d野最尾先配番個backgroud music(BGM)，
原來呢youtube有好多免費無版權音樂比人下載，
果度搵到唔少其他facebook粉專影片都用o既BGM，
真係做福人民，如果條片無左呢d聲就dry好多。

搞搞下都整到零晨先收工，唔係話熟唔熟隻軟件，
1段兩分鐘o既片我諗我都重覆睇左100次，
呢度100x2都200分鐘啦，剩係睇都用左3個幾鐘，
呢d係硬傷黎架，要睇下d動作同d聲夾唔夾到，
要睇下d動作流唔流暢，要睇下有無穿崩等等。

總算做完條片，自問出黎o既效果亦唔算差，
不過導出o既檔案5gb咁大，用錯格式？
可能啦，我用左avi檔。

公司好想請個又識砌雜誌又識剪片o既人番黎，
前同事亞賢本來符合條件，但佢係是非精，
所以開會公投表決反對佢再次入職廢事麻煩。

之前老細都話想出錢比我去讀d剪片課程，
米搞，用公司錢如果我做得唔好咪好大壓力？
亦唔想欠公司人情，所以我推左佢。

but我覺得以我資質稍為研究下都唔係做唔到o既，
唔洗專登去進修，上youtube睇下d教學片自學囉，
software呢d野都係1理通百理明，呢幾日都有睇片，
都叫做對premiere同after effect介面有1定認知。

話黎就黎啦，公司無厘頭就拍左段試食M記個新餐，
係謝霆鋒出o既鋒味漢堡，拍完條片就話比我搞，
我乜都未準備喎連個software都未download，
乜唔係H同事處理咩？明明之前d片都佢負責架嘛，
雖然佢都只係用mac機跟機個殘廢餐軟件imovie整，
好，黎咪黎！我都想試做，衰左亦唔係我錯呀！
我本來就唔識呢樣野，做唔到好正常姐！

download完個premiere就即刻開波整佢條片，
1開始都未搞清楚最基本o既設定，要先開新項目，
再開序列先開始整片，將素材庫d片拉落序列度，
但拉唔到出現禁止標誌，因為未有序列，
或者將d片以為拉入素材庫度，其實果個係工具列，
佢又係衰o既，將個工具列整到4份1格好多空位，
令我誤會可以將d野拉入去，都係犯埋呢d低級錯誤，
都知道大工程，自動要求聽日禮拜6照番公司整埋佢。

今日只係將段原片cut左d穿崩位，1段1段咁cut出黎，
其實軟件呢家野1直以黎我都係從實戰中學習，
當初亙動o既年代我都無學過freehand架，
咪又係1邊工作1邊學識，跟住indesign又係咁，
然後到illustrator，邊度洗上堂學姐？

如常準時番工，好彩只係3號波無落到雨，
之前話山竹個雨帶好廣，慶幸呢次天文台估錯。

交通1度癱瘓，巴士停洗，van仔的士趁火打勢，
地鐵只維持有限度o既服務，全個月台塞滿人，
有人塞左4粒鐘先番到公司，市民怨聲4起，
雖然我住公司附近步行番公司唔係受害者，
但係都覺得好火滾，政府唔宣佈停工1日，
由得打工仔死活，風災過後，市面危機從從，
大廈棚架、玻璃碎搖搖慾墜可能隨時跌落黎，
街道上o既枝架亦唔穩陣，最大影響o既係，
1500單榻樹報告，阻塞道路行駛，
有途人比樹壓到，有d爛樹仲有蜜蜂竇，
更有人行經呢d樹仲比蜜蜂針呀陰工，
聽講番工途中受傷勞保唔賠，咁都仲要人番工？
係唔係應該先清理好d危險品同埋樹幹？
而且番工o既人潮亦阻礙清理工作進度，
同埋防礙港鐵職員搶修固障機件。

1路行番公司視察災情，我新居果邊榻樹唔嚴重，
奇怪o既係d光管甩出黎吊吊fing但又無打爆玻璃，
正常比風咁吹法應該撞爆d玻璃掛？定爆左唔覺？
到近公司果邊個屋園，榻樹同上年天鴿1樣嚴重，
又有樹根連地磚產起，1地樹葉垃圾，意料之內。

番到公司，男廁果邊o既窗口爆左，吹甩天花版，
假天花係咁滴水滴到1地水，滴左1日都未滴完，
每次入男廁都要間水而行，好煩，對鞋唔防水架！
我同樓下管理處講左，佢話唔係佢地負責範圍內，
叫我聯絡番業主，我打份工之嘛鬼知邊個業主咩？
佢答應幫我通知番業主，我可以做到o既只有咁樣。

老細番到公司都係咁怨，原來佢屋企斷水斷電，
斷是但1樣都慘啦，點解兩樣都無o既？
因為d水都要用電扯上黎，電力恢復番就有水，
衣家佢連沖涼都唔得，but佢有錢可以住住酒店先。

就呢次事例我明白到買糧食真係要買乾糧同埋水，
我前幾日只係買左杯麵、叮飯、叮意粉同叮米粉，
無諗過如果停電o既話果d叮野食就形同虛設，
杯麵好d，只要有熱水就可以錄黎食，但無水呢？
所以麵包、餅乾、罐頭、精漏水呢d最穩陣！
唔怪得之百佳d水同麵包貨架比人掃空晒啦，
好在今次無停水停電，下次入貨要入呢d啦。