運輸署搵葉得閒拍左條宣揚公共禮儀o既廣告，
響地鐵、巴士鬧果d無公德心o既人，
不過條片浮誇又不切實際，首先，
邊有人會坐地鐵食貴族式high tea？
仲要係個睇落斯斯文文o既OL做d咁o既行為？
係都搵個著住哥德式宮庭服o既貴婦黎演啦，
又有亞嬸耍功夫響地鐵大玩1字馬？
而最唔實在o既係d人比葉得閒鬧兩句就粒晒水，
現實做得呢d行為o既人會咁順灘咩？
最少都還番1句「關你叉事呀？」
咁有悔意當初亦唔會做出呢d事啦，
你試下好似葉得閒咁鬧下呢d人會有乜效果？
大打出手都似，所以話個廣告不切實際。

拍攝手法亦低劣，有幾個位葉得閒又唔出黎鬧，
想點？即係默許呢d行為？係鬧就全部鬧丫嘛，
睇完個廣告只覺得太冗長又唔到位囉。

砌左幾盒模型，開始掌握到d技巧，
例如處理湯口位，之前扭出d散件，
湯口位都會變白色，件野深色o既話，
就好un眼，就算用沙紙磨都磨唔走，
原來唔可以就咁扭件野出黎架！
要明白點解會有呢d白色湯口位o既原理，
初時以為其實舊膠內裡係白色，
得表層係油左色，所以切中間都係白色，
其實唔係，果d白色係舊膠受到屈曲果陣，
結構變異所產生出黎，拎d唔要o既框架，
拎黎屈下就會見到果d屈曲位變白色，
就係咁樣，要盡量減少呢d白色位形成，
要用斜口鉗剪件散件出黎，要留小小湯口，
跟住凸出黎o既湯口就要拎介刀介走，
咁樣件野d湯口位就會無乜白色，
都係無乜架炸，仲係會有好微細o既白色，
要撞手神切得好靚先會完全無白色。

到貼水轉貼，將要貼果塊野剪/介出黎，
浸1浸水大約10秒(我好多時浸超過20秒)
拎番上黎將個水貼推出黎long響個綿花棒度，
再將水貼放落模型指定位置再慢慢移正個位，
大塊水貼貼落平面位置係好容易o既事，
但要圍住d起角形狀3邊咁貼落去就好困難，
好多時又起番上黎貼唔實，就算放1晚風乾左，
點知第2日輕輕用手指推1推又成塊起出黎，
呢d真係唔知點處理。

雖然我係鐘意ACG野，但係好多年都無去C3，
主要係唔想同人迫，而且我未宅到果個程度，
對上1次去C3好似係以半個記者身份入場，
果陣幫以前公司本動漫雜誌採訪影相，
有聲優show仲可以企記者席光明正大影相，
仲做埋編輯寫埋稿添，算係1次寶貴經驗 XD

由於最近有玩模型，玩開隻壽屋香港好少有，
上網睇過C3好似都有攤位賣壽屋野，
咁就去睇下，話唔定買到平時買唔到o既款，
抱住呢個希望就冒住落雨天都出發去C3。

今次響些粉買飛，30蚊印張無圖案o既條碼單，
入場果陣比門口職員用紅外線掃到就入得，
當時係晚上7點左右，唔洗排隊直入，
只係入到去某d攤位有排長龍，
bandai野佔好多，周圍都見到高達模型，
SAO都涉獵幾個攤位，木棉花又見到，
角川又見到，Aniplex又見到，
比較意外o既係bilibili擺幾大個攤位，
估唔到大6公司發展ACG都幾不遺餘力，
到8點就有綾野真白唱歌成為全場焦點，
大部份人都堆晒埋大台位，其他攤位都少左人，
本來要排隊果d都唔洗排隊就入得，
所以都係等呢d歌姬出場果陣先買野最好，
唱歌果陣好大堆fan屎拎晒營光棒打call，
動作都算1致，我自問真係唔識呢尾野啦，
綾野獻唱同時另1邊廂亦有無名氣o既素人表演，
亦有少量粉絲支持住呢d素人唔洗對空氣唱歌，
講真，部份業餘表演者亦靚女有水準，
可惜佢地撞正大名星上台時段，既生俞何生亮。

講番主要目的，想搵壽屋產品，行雲全場，
得1檔有，果檔亦唔係壽屋專櫃，只係有賣姐，
的確搵到平時無o既幾款，但無我最想要o既，
嘛，既然有咁稀有o既貨點都買番1盒支持下，
職員仲送左張紙模型，摺埋係貨櫃箱黎o既，
回程見落幾大雨，張紙模型差唔多A2咁大張，
你估我可以完整咁保住張野唔濕番屋企？
所以掉左，而盒模型好在我有帶定個大膠袋，
將盒野放落大膠袋仲夠位可以捲埋，夠防水。

結果此行只係買左1盒模型咁大把，都算慳家，
我見有d人有買所謂特別版黑白色悟空超西4，
咩野特別版？根本係無上色，擺明搵笨 XD

為左令MD模型有豐富變化，想買多d黎組裝，
而我個人向來對黑直長髮情有獨鐘，
所以想買有呢個髮型o既模型黎替換，
當初買第1個Architect都係貪佢黑直長，
只可惜個髮型係凹陷for佢帶頂帽(?)
拆左頂帽就無左忽肉(?)，所以局限晒。
而MD黑直長旺角見到有Agatsuma Kaede，
可以隨時買到，不過我係有拜開狐仙，
Agatsuma就有白狐耳造型，所以唔買住，
唔係唔靚，係唔想玩具有涉及宗教元素，
驚得罪神明，避忌1下好d。

MD另1個黑直長就係MD系列第2彈o既WISM，
但呢個好多年前，行雲信和階旺都唔見有，
所以話香港好難搵FAG或MD系列o既野，
萌生出想落信和問下有無得落訂o既念頭，
尋日番屋企醒起樓下有間文具舖好似有賣玩具，
心諗呢d偏僻地區邊有咁冷門o既野丫？
入去1睇，就見到朱羅忍者弓兵蒼衣！
估唔到居然有賣呢d野！仲洗乜遠征旺角？
唔好咁開心住，睇真D間野都唔係好多呢系列貨，
都係Bandai高達就堆積如山，可能過千盒，
不過都見仲有賣FAG初音、藍魔鷲之類o既野，
仲見到MD第1彈o既WISM，剩係呢d旺角都唔見有，
問店員有無賣WISM第2彈(用手機開MD網比佢睇)
真係有！呢舖唔洗踏破鐵鞋都得來不費功夫！
爭d仲想搵日落旺角訂添，慳番晒！
仲諗過去d專業模型舖搵畫線筆，果間都有！
去過呢間文具舖咁多次但完全無視左佢個模型部！
衣家先發現原來咁pro，不過間野無賣figma系列。

講埋MD第2彈隻WISM，1盒兩個角色(共用身軀)
1個黑直長1個短髮貓耳(?)，唔係狐耳掛？
狐耳係兩個3角形向前唔係朝向左右，
而臉蛋同髮型方面原來係唔可以同朱羅亙換架！
唔好話FAG唔能夠同MD亙換，連同樣MD系列都唔得！
身體手手腳腳先可以同系列亙換，
無得換臉真係可惜，朱羅臉蛋顏值都係最高，
就算WISM顏值唔算差，但拍埋朱羅相比都係爭緊d，
Architect未訓醒個樣就更加唔洗講 XD

繼尋日買到心頭好，番到屋企都夜啦，
第朝仲要番工，所以今日放工先開波砌，
仲去家品店買左張幼磨沙紙同埋鐵線鉗，
呢次有準備架生，會砌得專業d啦，
唔驚扭d散件扭到手指痛或者出血，
1黎就砌MD呢隻朱羅忍者影衣版。

砌砌下先知原來無買到個鉗同沙紙係做唔到，
例如d接合位比個湯口頂住晒合唔埋啦，
呢d情況就要搵沙紙磨走個湯口先可以合埋，
更大獲係d圓形活動關節位，如果比個湯口卡住，
根本轉唔到，有d散件要好大力先可以合到，
以我人手去唔到果個力度，個鉗又太利，
用黎壓應該會刻左條痕，原來個鉗可以掉轉用！
反方向無利口位(個鉗柄設計仲有包軟膠)
全靠呢個軟膠位幫我壓合左唔少合唔埋o既零件，
點解MD呢個模型反而要用架生先砌得到？
明明FAG果隻Architect我途手就可以砌完，
只係好多礙眼o既湯口位姐，無卡住去唔到下1步驟，
係好運買到盒啤得靚o既？定FAG本身比MD設計得好？

砌完，朱羅忍者o既顏值真係完全拋離之前隻FAG！
只係其實配色無想像中咁靚，明明網上睇好cool，
實際砌出黎因為幾個分色部位顏色太接近無變化，
所以好dry，響未貼轉水貼之前其實唔夠sharp醒，
但我又無貼水貼經驗，而且d湯口位亦好un眼，
未處理好d湯口之前都唔會貼住，只能夠咁樣。

理論上朱羅忍者影衣隻沉色係氣勢更凌勵，
試問上戰場o既戰士點會著到紅當盪？
但最大缺點係部位分色太近似分左等如無分，
如果唔貼水貼整體的確係唔多開胃，
其實最好係果d黑色部位換番原版隻白色，
cool得黎又有層次感，丫，點解網上無人咁玩？
係咪要買多盒原版先玩到？其實又唔洗，
勁果d模型達人自己上色添，想要乜色都得。

好啦，講下同係壽屋旗下o既FAG同MD有乜分別，
雖然同廠但d野好多都唔能夠亙換，
例如髮型同臉蛋o既設計兩者係1凹1凸，
唔好諗住將FAG塊面套落MD，相反亦唔得，
而成品FAG個樣比較細路但居然比MD更高大，
腿部接位又係1個凹1個凸，無得亙換，
腰部FAG係柱體插入胸部MD係球體，
可動性就MD贏晒FAG啦，MD腰部可以屈曲，
可擺到類似灣腰動作，肩部更多個可動關節，
將手臂交叉擺都好自然，據說明書講可以換頭，
係MD換FAG頭，佢有額外跟個頸部關節比你換，
但FAG就無呢樣野，應該唔能夠套到MD頭落去，
but個頸部關節勁實，好難拆出黎，唔係好敢換，
如果唔換個關節呢個球形大細唔同套唔到。