就快到夏天，又到可以開住抽氣扇沖涼o既季節，
咁就唔洗搞到廁所滿佈濕氣，洗完衫都可即刻浪，
其實前兩日已經開始開住抽氣扇沖涼，亦唔凍，
點知今日放工番屋企沖涼前開抽氣扇見轉得好慢，
再等左陣，仍然係轉好慢，熄左再開過都1樣，
咁我就拎枝地拖棍堆1堆塊扇葉幫佢轉下都唔得，
熄左佢再用手指推下塊扇葉，好實，推完都唔轉，
再推下廚房果個，輕輕1堆都轉到兩個圈，
心諗會唔會係積左好多塵塞住左搞到轉唔到？
拆塊扇葉落黎睇都無乜塵，拆埋塊扇開掣都唔旭，
咁即係唔個摩打壞左...唉~

食左品客薯片咁多年，近呢1兩年轉左外觀，
個筒幼身左，d薯片size細左，味道亦有少少唔同，
總之就係無左以前果種感覺，硬係爭緊d野，
又未至於好差，但明顯係以前果隻好食d。

原來呢隻幼筒裝o既品客產地係台灣，
以前食開果隻係美國，其實我唔介意台灣出品，
但唔該你跟足d，還原番原版味道丫！
你衣家係想做台灣獨有口感？係就包裝標明啦，
做d唔做d想點姐？最幣係台版充斥響各大超市、
些粉同OK，而入親呢隻貨o既都唔會入埋原版，
慶幸目前又未至於好難先買到美版，
1樣總有1間響左近o既7-11同偉哥就有原版賣，
衣家就緊係唔會再買台版啦。

食番原版o既品客，咬落係脆d，味度再鮮甜d，
個罐粗身d同埋有標明美國製(寫英文)先係正貨，
唔好買錯呀~

我亞媽信左耶穌都有兩年(之前佢係裝香拜神果d)
最近佢身體唔太舒服，佢教會d人話係其他宗教野影響，
所以上去我舊居果邊掉走d耶教以外o既疑似宗教物品，
以前我聽到人地分享類似呢d經歷都覺得好謊謬，
估唔到呢種事居然發生響自己屋企人身上。

其實響佢清走d宗教野前我早就移左d重要o既去新居，
神像、和合爐、張天師卡片等早幾年前都搬晒過新居，
上個月我再check下有無拎漏o既，連d法器同符紙都拎埋，
舊居剩低o既就只有門口土地，唔係新居果邊唔裝得土地，
我都會拎埋去新居門外繼續供奉。

入正題，我想以理性o既角度去講下我對耶教o既睇法，
首先，我無質疑耶教o既存在，如果係唔存在o既，
呢個宗教絕對唔會自古至今仍然咁多信眾屹立不倒，
我質疑o既係聖經記載o既事已經比好多人改到亂78糟，
好多時係當權者為左鞏固政權操控人心而去定制聖經，
先唔講創世記部份唔合符現今科學o既設定，
唔講耶穌應該係夏天誕生而唔係冬天o既聖誕節，
唔講古代祭司譔寫聖經其實係參考左穌美神話o既說法等，
用理性去諗下，如果上帝係所有野o既創造者，
咁所謂其他宗教o既神都係由呢個上帝創造出黎啦，
有必要去憎恨1d崇拜佢創出黎o既神o既人民？
好啦，真係咁介意，去滅左呢d其他宗教o既神囉，
係唔係先？上帝係萬能o既，呢d事唔會做唔到掛？
只要其他宗教o既神比上帝清晒，信眾發現佢o既教派無料到，
就自然唔會再繼續拜落去啦，咁咪唔再信其他宗教囉。
OK，聖經話要比子民有選擇o既自由，但選錯左又要憤怒？
係唔係有d唔合理？講到上帝咁人性化，當佢咁高高在上，
會唔會咁介意d人敬唔敬拜佢？其實唔希罕啦，
正如無乜錢o既人先會著到全身名牌show off驚比人睇唔起，
真正有錢o既人根本唔會在意人地知唔知佢咁有錢，
所以相信呢個容不下其他宗教o既規條係某當權者定出黎，
為左綁住人民o既信仰，唔比佢地跳糟。

耶教徒所追求最高境介o既上天堂，有無諗過天堂真係咁爽？
天堂比人o既感覺係1班人著住白袍響白茫茫o既雲層上，
每日1齊唱住聖詩直至永遠...永遠咁樣喎？唔恐怖咩？
(上面呢兩句係其中1集哲學有計傾o既主持講過o既)
而響天堂你唔可以有貪念啦、傲慢啦、嫉忌啦、怠惰啦、
連望1眼女仔諗咸濕野都有可能比天使打落地獄喎，
乜你認為你真係可以響1個咁o既國度永存咩？
除非你比人洗左腦無晒呢d人性o既本質啦，
如果乜都唔做得o既話，呢個天堂又有幾幸福呢？

以上o既言論真係以理性去討論，並無對耶教有偏見。

由於kotobukiya模型香港好少有得賣，
上星期C3響壽屋o既攤位打聽果度d職員，
問邊度比較多壽屋野賣，佢地答福利，
所以今日去呢個好耐無去過o既深水保，
睇下福利係咩料。

1到福利，第1次見1間模型舖係咁多人，
響店內可以好似行信和咁卡住卡住，
前面有人塞住搞到無辦法向前行果隻，
店員仲要企響凳上面視察人群，
講緊係1間目測大過些粉少少o既地舖，
唔係商場呀，店內已經有4~5名員工，
1間模型舖有咁o既人流實屬誇張。

廚窗外亦有好大個kotobukiya招牌，
以為會有好多相關產品賣，其實亦唔多，
都係同市面上好多大模型店1樣得幾盒，
然後其他都係bandai貨，有少少失望，
不過亦真係有d出面無賣o既款式，
例如有FAG黃金轟雷同埋紅色兔(赤兔？
但我想買o既款依然欠奉。

1場黎到深水保，巡例都要行下高登，
不過行落黃金商場亦好似無乜好行，
主要可能係無乜吸睛o既野好睇，
亦無左以前細個鐘意睇game舖o既童心，
行去另1間叫黃金o既電腦場，
無咁多人行得舒服好多，但亦無乜野睇，
反而睇下有無舊正版軟件o既蒼海唯珠，
真係搵到有賣CS4賣4千幾，但係2手，
其實全盒野最值錢係條code姐，
2手即係條code比人用過，4百都唔值啦！
唔通為左買盒說明書同光碟黎留念咩？
之前我都幾百蚊買過盒2手flash5正版，
又係條code用唔到，仲衰過翻版。

行完深水保，同旺角只係隔兩個地鐵站，
都巡例行埋旺角，行下信和就緊局，
然後行埋好景後面有幾間專業模型舖，
有賣各種模型工具包括滲線液、噴油，
連電動打磨機都有，反而呢d野階旺無賣。

冬天無出汗本來正常，但呢個冬天幾乎日日出汗，
連收音機都講因為暖化，所以冬天好似春天咁，
春天好似夏天咁，我日日都係著住夏天衫番工。

今個星期1朝早，久違果種離開被竇會打乞痴o既感覺，
令我唔願起身想訓多陣，咁先至似冬天架嘛，
不過都就快3月先有呢種冬天感？遲左d喎。

而呢幾日出門番工到放工番屋企都無乜點出汗，
係無乜炸，都有少少，同埋我依然係著住夏天衫，
即係1件短袖T-shirt，先保持到唔洗點出汗。