1到聖誕新年呢d日子總有公司飯局走唔甩，
呢次我提議響公司打邊爐，我帶電磁爐，
老闆接納左，其實早響聖誕果餐我就提出，
只係果陣佢無任何表態，響公司食咪幾好，
唔洗去埋d唔知咩地方又要搵車答麻Q煩，
但係taxi又話公司食無乜氣氛喎，
唔想食餐飯都好似平時工作咁局促掛？
所以響飯局前席我再提議不如搞個放映會，
我帶埋部投影機番黎播葉問4，再獲批準。

本來呢我係想臨開餐前去附近1田買食材，
我出錢請晒大家又點話？但老闆唔讚同，
佢話我唔識揀野，嫌我買d野唔靚，
咁又係o既，我不嬲都唔做買送呢d師奶野，
佢又話我開個價，交比佢地買啦，
1下口快開左1千蚊，其實想6百至8百左右，
橫掂佢地經常話我收晒d遲到罰款要請大家食，
趁呢次我就拎1千出黎衾住大家把咀啦。

到食野果陣，本來想拎最大塊牆黎放映，
但調校需時，d人又阻住晒搞到對唔到位，
結果就用我座位角落果塊牆黎播，細好多，
而且佢地堅持要開住燈播，令放映質素大降，
無辦法發揮到部野高清投射o既震撼力，
放毒放得唔順利，畫面唔夠大又唔夠sharp，
好在當時用netflix播映鬼影特工套片夠清，
可惜放映途中老闆又同d同事賭錢，浪費晒。

之所以唔播葉問4住係因為好多同事已睇左，
鬼影特工播完再播未來戰士4，都係唔受歡迎，
結果都係播番葉問4，可惜係戲院偷拍版好蒙。

其實個邊爐都係買多左送有大半數食唔晒，
結果d和牛(?)黑毛豬又用保鮮紙包番入雪櫃，
開波前叫taxi買左d生菜餐肉甜士油都無用過，
而佢地訂個雞煲呢，d垃圾湯渣就多過主菜，
飯局完畢都係要倒晒落垃圾袋。

眼見近年d文具店執下又1間執下又1間，
上年文具世代、奇趣天地都相繼結業，
仲有公司附近唔記得乜名o既衣紙文具舖，
今個禮拜公司附近又1間珊糊執埋粒，
想買枝蜻蜓牌走珠筆都唔知要去邊買啦，
淨番日本城果d雜牌10蚊3枝包埋1包果d。

咁又係o既，今時今日o既舖租咁貴，
你諗下賣1枝8蚊o既筆純利係幾多錢？
可能賣1枝先賺得果3蚊，都唔知有無，
1日賣到幾枝？可能1個禮拜先賣出3枝，
計埋其他文具1日唔知賣唔賣到50樣野，
每樣當賺10蚊啦，咁先回到500蚊本，
咁就死得啦！租金+人工都唔夠比，
仲有燈油火蠟呢？蝕住咁做落去？
我估好多文具舖d筆擺半年舖晒塵賣唔出，
我1直都唔明白呢d舖點樣營運落去，
而且執果幾間舖頭面積都出奇地幾大下，
最細果間都夠開間些粉果種size。

以我所知屋企或公司附近o既文具舖，
執淨1間樂文，果間仲有賣埋d電腦野，
純賣文具肯定無得做。

近年興起網上串流平台netflix，
大約90蚊1個月任睇，我覺得可以接受，
上年12月3號日誌都有寫呢篇唔多講啦，
主要問題係d片唔夠多，動畫或電影都係。

上年睇動畫主要渠道係facebook某專頁，
始終都無版權，最大問題係會比人cut片，
幾個月前比木綿花cut左佢個Alicization，
仲有其他木綿花有版權o既動畫都cut晒，
喂，你木綿花香港有收費播放我都買你丫！
你又無播，但係又要cut人，叫人點睇呀？
以我所知木綿花係賣d周邊產品為主，
如果套野香港無乜人氣周邊鎖量又點會好？
咁你又唔比人睇，又點樣去谷套野鎖量呢？
所以咁做好唔明智，害人兼害己。

無錯，目前仲有BT都可以穩定入手呢d動畫，
只係唔想HD裝住d動畫姐，通常只係睇1次，
我都好少會番兜黎睇，最好串流睇完就算，
呢個亦係唔會買DVD/Blueray最大原因，
土地問題丫嘛，邊有位草呀？

好在，最近搵到個網站都有幾多動畫睇，
由於都係無版權o既我就唔響度開名啦，
當初都係響某間餐廳睇佢地播所以知道，
我以為係大陸網站但係又唔係簡體字喎，
又唔似係香港因為無乜港產片或港劇，
唔知係邊個國家啦，可能台灣啦？
用呢個網chromecast播片全程無疾過，
證明唔關部surface唔夠力，係個網問題，
之前用愛奇藝播片(亞媽睇為主)會疾機。

其實出左黎打工真係唔介意比錢睇動畫，
但都要有先有得買假，香港無乜正版渠道，
巴哈果個動畫瘋又鎖ip要翻牆唔比香港睇，
又無其他本地為宅宅而設o既串流平台。

又稱v煞，有d示威者會帶佢個面具(cosplay?)
我以為套戲講外國某場革命o既歷史事件，
仲估係咩野工業革命定係法國大革命之類o既，
原來套戲背景幾近代，有d角色都生於8幾年，
個國家相信係英國，英國近代無發生咩大革命丫，
所以係完全虛構o既故事。

未睇前以為係講個v怪客幾叻去指揮場革命，
其實當marvel或dc果d英雄片睇就差唔多，
雖然v怪客無乜超能力特異功能或高科技裝甲，
但都武藝高超，1個打10個果d葉問級數，
所以佢之所以可以搞到咁多野唔係靠計謀，
而係靠身手，響極權下搞革命？除非你係葉問。

以為呢套電影有乜比d示威者參考o既價值，
其實套戲舖排同對白都相當戲劇化，好唔現實，
除左v煞好好打，d官員又會幫佢捉走總統，
d軍隊又唔會對市民開槍，好多野只係FF。

好耐無試過響呢d唔係好凍o既天氣著住件風褸都無出汗，
但自己又好精神無病到喎，睇番手機個天氣顯示都23度，
其實咁先係正常體質，睇番條街個個都有著褸，
又唔係好厚果d，都係普通風褸咁，平時我就1件t-shirt，
尋晚我居然著住件adidas風褸放工行到番屋企無出汗，
好舒服，點解平時唔係咁呢？尋日同平時有乜分別？
係唔係因為早幾日病左，衣家病好番先有呢種體質？
定係因為早幾日因病連續幾日食少餐飯食量少左，
熱能少左，先至無出汗？

點解篇日誌今日先黎寫？因為今日又打回原形，
今朝番到公司前就已經1身汗，全日都好似夏天咁，
「正常」體質只係維持左1日，sosad。