近年新興「被主動」系列詞語，例如被自殺、被道歉等，
即係明明唔係當事人意願想做，但被迫做以上行為，
而我部iphone4亦都被退休，其實仲好健康運作正常，
只係個home製o禁唔到o既小暗病同埋行得慢，
不過ios已經唔比再更新，日前whatapps都唔比入，
要先更新左whatapps先可以用，但去軟件更新果度，
就話要新ios先比更新，即係無得用whatapps囉！

最憎蘋果系列呢種政策，強行廢你部機武功迫人換機！
而第3方廠商(whatapps)又配合呢個政策迫你廢機，
明明個軟件唔更新都可以正常用到，頂多少d功能，
好可惡！所以我幾時都話煩係d軟件更新實無好野！

目前5G好似講到就快問世咁，其實5G有乜咁勁？
可以1秒將全套電影download落手機？咁又點？
衣家用4G都可以用緩衝1路睇1路download，
由頭睇到落尾都唔洗點等架，有必要去到5G？
就算頻寬去到5G速度，你個硬件受唔受得起？
唔洗5G丫，就講USB手指過file，用到USB3.0，
幾十Gb野咪又係要過十幾分鐘，都無網絡限制，
你個硬碟最快可以1秒食到幾多Gb容量先係問題。

好啦，當5G同埋硬件都成熟可以接受呢個速度啦，
又有乜野野非要去到1秒過幾十Gb容量不可呢？
係咪要1秒將全隻game下載落黎先開心？
等多十零分鐘會死人？都係多餘啦。

其實5乜野G丫？衣家香港連無限4G都未做到，
我所指o既無限4G係無論用幾多都保持4G速度果隻！
唔係用超過6Gb就無左優先使用權將頻寬降到龜速。

假如5G面世，頭3年都唔會普及到，月費肯定超貴，
反正4G都夠用，有乜必要比貴幾倍月費去5G？
3年後或者月費慢慢回落去番個平民價位先多人用。

5G亦係雙面刃，下載越快亦代表資料外洩得越快，
只要電腦被入侵，骸客就可以1秒將全個HD抄落黎，
只係入侵1秒就可以即刻閃人，救都救唔切。

上個禮拜google公佈串流打機平台服務，
唔洗安裝遊戲唔理你老爺機都可以玩到高規格遊戲，
因為處理系統係響google個server果邊，
或者呢種技術可能要配合5G先可以有高質o既表現，
不過我就唔睇好，就算頻寬有幾快唔代表唔斷線，
有乜野技術可以防斷線？會斷線乜都係假，
玩玩下玩到1半停左就無晒癮。

聽大家真風騷梁思浩講話佢細個有咁o既行為，
響屋企1個人演釋1場戰爭，模擬自己係士兵，
呢響床下底幻想響槍林彈雨中作戰，再配埋音，
達達達達達(機關槍聲)、確確(對講機聲)
「報告司令！德軍攻緊過來」又扮希特拉講野，
比亞媽發現滕條蚊豬肉，佢將亞媽當埋德軍，
喊晒口咁「報告司令！任務失敗，比德軍捉左」
甚至有次為左模擬比德軍帶左去北極拷問，
佢自己呢左入個雪櫃入面，非常入戲。

聽起上黎以上行為好似痴線，精神分裂，
但今日o既梁思浩都算係有大量粉絲支持o既藝人，
佢o既成就證明佢細個o既行為其實無乜問題。

其實我細個都有咁做，當然唔係扮演美軍對德軍，
講緊係唱獨腳戲呢種事，果陣讀緊幼稚園o既時代，
我模擬o既係類似多啦A夢o既故事套路，
不過d角色唔係叮噹唔係大雄全部係我原創，
我仲記得摺左隻紙鶴然後就話呢隻係神鳥，
佢可以變出唔同o既法寶去解決任何問題，
跟住自導自編自演自言自語咁演晒全個劇情，
我比較好彩，我亞媽即使見到我咁亦無鬧我，
到到讀小學前我自覺好似有問題就戒左呢種行為，
其實戒o既只係將劇情演出，度劇本至今仲有做，
只係將劇情響腦內呈現(都係得閒果陣或臨訓前)
就算屋企得我1個都唔會再自言自語咁唱獨腳戲。

個大家真風騷係響公司播，聽梁思浩講完呢番野後，
我個同事都話佢細個亦有咁樣唱獨腳戲，
不過佢有比佢亞媽鬧佢係咪傻左而無再繼續落去，
咁我先知原來好多細路都有做過呢種行為，
唔係聽呢集，我仲1直疑惑細個果陣係咪神經病？XD

唔係掛住SAO個名o既話，唔係松岡或茅野粉絲o既話，
呢套野應該只係屬於用黎攝時間番o既質素，
嚴重拖戲啦，可以全集只係對話幾乎無場景轉換，
中間仲攝1集回顧篇，將呢24話壓做12話應該好好多，
呢度只係第1季，下半part要等到10月。

故事講番番現實世界o既桐人參與緊1項實驗，
以潛行裝置響名為under world o既RPG入面生活，
同佢之前玩過o既唔同，桐人係唔知自己係玩家身份，
當正係果個世界o既人民生活，同果度d人1齊成長，
番回現實世界佢又無左響under world入面o既記憶，
桐人同亞絲娜行行下街比1名微笑棺材餘黨襲擊，
桐人昏迷醒唔到，送去under world實驗個地方，
佢以玩家身份響under world生活住先免腦細胞死亡，
呢次佢有番現實世界o既記憶但無under world記憶，
見番同佢1齊長大o既尤吉歐(UGO)再續前緣，
唔知點解呢度o既UGO亦無左之前同桐人長大o既記憶，
佢地細個仲有個叫愛麗絲o既女仔1齊玩，
不過愛麗絲犯左禁忌目錄比統合騎士捉走左，
UGO希望去統合騎士總部救番愛麗絲，桐人拹助佢，
同佢1齊報導劍技學院1齊習武，兩人仲收埋女徒弟，
但女弟子比貴族同學性侵，桐人殺左性侵同學，
犯下禁忌，兩人比成為統合騎士o既愛麗絲捉去坐監，
然後佢地逃獄，比統合騎士追殺，成功擊敗騎士，
再打塔咁1層1層打上頂，打到愛麗絲果關，
桐人同愛麗絲對戰中途雙雙飛左出街，
桐人就同愛麗絲合作爬番上塔兩人建立亙信，
愛麗絲比桐人說得，加入反最高司祭陣營，
點知爬番上塔要對o既統合騎士係比人洗腦o既UGO，
UGO清醒番，桐人、UGO、愛麗絲3人合力打最高司祭，
結果UGO戰死，最高司祭走佬，等10月繼續。

以上劇情好似講左好多細節，其實已經好粗略，
因為果d睇落細節o既位已經係1集o既份量，
可想而知套野水份(吹果隻)有幾多？
亞絲娜戲份好少，得果幾集有出場，
詩乃果d？只係出左1集講完幾句澤城就收工啦。
統合騎士講到幾巴閉咁，只係得果幾個？
重點係，果幾個唔係將領級率領千軍萬馬，
而係全個騎士團就只係得果幾丁友呀！
好歹都整番幕桐人1個打低幾十個士兵，
統合騎士先出黎同佢單挑丫！衣家騎咩野士姐？
長老院就只係得1個長老，其他只係1堆植物人？
咁兒戲o既行政架構就係under world權力核心？
UGO單人就可以打贏騎士長，騎士長亦太弱，
雖然話佢有放水，放水放到輸就係戇居，
算啦，全套野o既亮點應該係愛麗絲，
諗住愛麗絲可以好好表現下，點知全程耍廢，
打大佬都只係出手幾秒然後就訓低左，
我期待佢最少都親手打贏1位統合騎士架嘛，
起碼都打贏洗腦UGO啦，埋左主角堆後做過d乜？

佔兩集戲份o既桐人愛麗絲爬牆果度又要吐下糟，
佢變條鐵插牆，點解要企響條鐵再變多條插上去？
唔可以左手插住右手插高d左手拔出再插高d咁，
左右交替爬上去？點睇都比佢企上條鐵黎得容易，
佢地爬得咁辛苦，愛麗絲暈左桐人1個就帶左佢上塔？
唔交代下桐人點樣獨力咩愛麗絲上去？

仲有好多野無交代，之前打低o既烈日統合騎士，
送左去圖書館治療，但個圖書館理員都死埋，
UGO點解又無左同桐人1齊長大o既記憶？
佢未變統合騎士之前應該無比人洗腦假？
希望10月果陣會交代番啦。

兩個月前出左新謳歌裝打破審判套唯1定論，
因為改變左謳歌公式固詠兩秒固詠變2.5秒，
變相審判套弱化左，新謳裝搭載減固詠功能，
即使唔計輸出數字差距單係DPS都輸左條街，
審判套已經時淚左，或者比低課人事玩下囉。

1向都投資法系o既我，呢次新謳裝完全放棄，
之前都仲話搬部份咒術裝落去主教度用下，
呢獲新謳裝廢晒我最強法系裝果幾個部位，
唔單止咁，仲要由頭到腳買過晒1套新裝，
所以懶得換啦，自從謳歌技能改版後，
服系職業強制洗技能點，我都未點番3轉技能，
仲尤疑緊好唔好點謳歌方向定做番全職讚美。

就算換過套新謳裝，都唔會強得過咒術，
亦唔見得有能力單刷戰死(要低消耗果隻)
做唔到呢個目標可以唔洗再科水投資落去。

衣家只寄望黎緊開放504轉職604(獵靈士)
可以用得番咒術裝備o既話就值得1玩，
單睇關於604技能介紹，好似有得做永動機，
套凱可以每次比人打回千血啦，
然後又有類似妖術o既SP轉換黎補SP，
做到HP同SP自給自足，練功零消耗係無難度，
但目標係單刷戰死o既話好似仲未足夠，
唔計夠唔夠力推倒闇3轉，回千血亦唔夠用，
比戰死怪打閒閒地都扣幾千甚至上萬血，
如果604有能力高速自補上萬o既話先有機會，
而且睇巴哈話604技能公式仲要等2度優化，
唔係都係廢職業，睇KRO片優化後o既604，
閒閒地出1招都破百萬仲可以連續咁出，
優化後應該係幾可靠o既萬能打手(全屬通殺)