唔洗寫含唔含劇透啦，呢套都翻拍左N咁多次，
我1路睇1路都知道之後大約發生咩野事，
好睇o既野有無劇透都1樣睇得津津樂道，
唔好睇o既你劇透左我更加要多謝你添，
可免被廢劇情虐到，所以向來唔介意人劇透。

呢套野其中1個話題性係以前飾演周止若o既周海媚，
衣家飾演滅絕師太，周止若老左果然變滅絕 XD
另外睇普通話版(唔係睇TVB)主題曲係刀劍若夢，
亦即係當年周海媚版周止若o既倚天主題曲。

套野有50集，細路版張無忌就佔左12集劇情，
飾演張無忌o既唔計BB仔都換左3個人，
第1個細路版係有d包包面，第2個少年版就尖面d，
之後第3個大人版先至去到50集結局，
明明細路版張無忌都聰明令利，大個左又蠢番，
講緊係個演員比人感覺係有少少愚頓。

6大門派除左武當外其他都低智商唔理志，
個個話要交出屠龍刀號令天下，比無忌講幾句，
金毛獅王有屠龍刀亦落得如此下場先當頭棒喝，
話晒都長門級人馬1代宗師啦，思想咁幼稚？
黑化左o既周止若響眾人面前洗出9陰白骨爪，
其他門派唔質疑點解佢洗出呢種咁邪o既武功？
連佢d俄媚弟子都唔覺唔對路？(定唔敢出聲？)
習武之人有1定修維應該唔難察覺到丫？
中途出現懶係世外高人o既神秘仙女下凡武力介入，
d武功比6大門派甚至比張無忌更勁，
到到結局都無交待果條女係乜水。

支線劇情應該有唔少改動過，記得以前睇個版本，
周止若係用9陰白骨爪將佢串咀o既大師姐化骨，
呢度大師姐係抗元兵戰死沙場，居然咁英雄式死法，
算係1個好收場，記得周止若好似最尾都身敗名列，
呢度o既周止若係有洗白，最尾放下執念做番好人，
唔排除係我記錯，無專登睇番其他版本，唔肯定。

改得o既話，我幾想睇係周止若同張無忌結到婚，
無比趙敏破壞婚事，周止若亦無黑化，應該仲好，
雖然最尾趙敏都係同無忌1齊，可以o既話，
無忌應該放棄討伐元兵跟趙敏番蒙古，
而唔係等到打贏仗先去蒙古搵趙敏咁無誠意，
趙敏唔係話果下唔跟佢走就同佢絕交咩？
邊有得咁茅又軀除韃虜又同韃虜1齊？
不過呢d都係主線劇情，改左可能比人炎上。

呢套我係響youtube睇o既，出奇地居然有晒咁多集，
仲要進度條無黃色(廣告)睇得舒舒服服，點解o既？
可能係國內電視台要向其他地區華人展示軟實力掛？
始終免費o既唔知幾時會cut有得睇就快d睇晒佢。

前幾日實裝新職業獵靈士，適逢51勞動假，
就搶先體驗下，將放置左幾年o既悟靈士轉職，
由於我o既法系裝大部份可以派上用場，
1開波就有1定o既強度，呢d叫贏在起跑線。
仲諗住有假放可以比台灣玩家行前多幾步，
原來台灣都1樣放，無乜特別優勢。

講番個職業，未轉前悟靈士取其諧音504，
轉獵靈士後取其諧音604，起初都抱有頗大期望，
因為佢全屬性通殺，又可以自套凱，幾實用，
真正玩落之後就相當失望，技能倍率低之餘，
出招仲要扣氣球，無晒氣球就出唔到招變廢人，
d氣球又草得慢，唔能夠隨心所慾咁出招，
都算，過map換分流d氣又唔見晒要重新草過。

我假假地都叫有1堆法系猛裝，搬去604果邊，
打120週末副本無視魔防克埋屬居然都秒唔到怪，
陰公，前境1片黑暗，半放棄狀態。

獵靈士有待第2階段改進，要等開放185之後，
睇KRO獵靈士超勁，隨便1招艾斯帕就破百萬，
心諗，台服未改技能公式頂多都只係差1半，
人地KRO打到百萬，我都應該打到50萬丫，
結果只係打5萬，傷害都差左100倍。

不過即使第2階段改進，血量低亦係硬傷，
睇KRO獵靈刷戰死片，唔見得比我咒術爽好多，
係針對屬性殺怪，我咒術頂多打某幾隻比佢慢，
而兩大問題仍未解決，1係消耗問題，
獵靈無乜高速補血補魔手段，2係秒殺問題，
唔係你秒怪就怪秒你，都係企得唔穩陣。

不嬲唔關心娛樂圈o既野，覺得呢單野好閒o既姐，
所謂「安心」就係指許志安同王心穎偷食，
d傳媒好叻玩呢d藝人名食字，之前霆鋒同柏芝，
就叫「鋒芝戀」，同王菲就叫「王鋒戀」，
講番安心，尋日流出許志安同王心穎衣泣o既片，
佢地答緊唔知uber定的士響度攬攬錫錫仲摷野，
過程比車cam拍低晒，聽講司機40萬賣左比蘋果，
其實我覺得響娛樂圈黎講呢d事無乜野丫，
君不見期期8掛雜誌封面都有邊個藝人同邊個有路，
比狗仔隊偷拍影到佢地1齊行入咩酒店之類o既野，
唔知點解呢單野引起全城熱話，facebook洗版面，
各大機構甚至政府部門都抽水，講波都要抽水，
房署話「我係1棟壞左o既樓」引用許志安記招句野，
9巴話響車廂偷食唔o岩，gogovan話保障客人私隱，
連恐怖在線潘生都要問個嘉賓要唔要講呢單野 XD

聽d同事話呢單野同平時果d咩藝人偷食最大分別係，
許志安已經同鄭秀文結婚，王心穎食o既係有婦之夫，
如果男未婚女未嫁都唔會惹黎太大o既道德公審，
順帶1提，王心穎同馬國明拍緊拖。

不過好唔理解公眾人物點解蠢到響第3者面前搞野？
要搞都入酒店搞啦，最多比人影到佢地1齊上房姐，
影唔到搞野，佢鐘意話上酒店傾公事都得架啦，
忍多陣都唔得咩？

呢味算係大家樂新上架o既菜色，上年都唔見有，
只係因為皮膚敏感唔食蝦就1直都無叫黎試，
不過最近破戒食左蝦，尋日公司去茶樓飲茶，
都無乜野o岩食，唯有係咁夾d蝦餃、蝦燒賣黎食，
今日lunch又被迫食左個星米，果間d星米又多蝦，
點解被迫？本身ABCD餐想食個C餐點知話C賣晒，
坐左入去又唔好意思起身走人咪轉個B餐星米囉，
橫店都係囉，就食多餐蝦之後先再守番戒。

呢個波菜鮮蝦煎蛋，原來下面有幾塊豆腐廌底，
所以撇除豆腐其實份量唔多，而最扣分o既係，
d蛋入面仲夾雜住我好憎o既磨菇，new走d菇，
粉量更少，所以呢道菜可以black list。

聽個名完全唔知咩黎，仲覺得唔方係d正常野，
本住1睇無妨o既心情試下，其實又唔差，
只係關子賣太多，睇幾集都仲係黑人問號，
唔知想點，不過人設頗為討好，所以繼續睇。

先聲明，寫呢篇野時只係睇到第9話，
呢1話算係告1個小段落，回收左前段d伏線仔，
未整個新o既縣疑位黎吊觀眾癮，
因為套野唔止12話(衣家更新到18話)
比佢吊癮會有d唔舒服，又要等下星期咁，
所以會等佢出晒24集先再睇埋落去。

呢套野圍繞住1堆神秘野，又外星人又超能力，
主角不吉波普亦係謎之女生，平時係正常人，
有起事上黎就會精神分裂變身做死神(?)
變左身好抽得，仲幾乎知道晒敵方o既秘密，
變番正常人後無晒變死神o既記憶完全唔知情，
雖然上段話回收伏線仔，但主角o既謎呢d無解，
外星人黎地球觀察，又分裂身左食人魔出黎，
周圍食人，不吉波普出場做低呢隻食人魔，
跟住又有個老師擁有操控人心o既超能力，
又有另1個神秘組織又有操控人心o既能力，
兩邊又鬥起上黎，老師贏左，企圖征服國家(?)
不吉波普又出黎又解決埋個老師，
以上就係到第9話o既大崗啦。

總之就有好多異於常人o既勢力出現搞事，
到到危急關頭不吉波普就出黎打完場咁樣，
話係主角，但好少出場，有時1集都無出過咁，
就算出黎都係講幾句對白，出場o既路人好多，
路人o既戲份亦好多，搞到好無向心力，
我睇劇1向比較集中想睇主角果邊o既發展多d。

雖然主角有愛情線，但非常薄弱(頭1兩集)
之後就隻字不提，所謂女主條仔都無再出過場，
反而閒雜人等果邊o既愛情線描寫得更重手，
不過明顯套野都都唔係賣愛情。

不得不提OP同ED都幾好聽，1聽OP個風格，
就認得出係Re:從零開始異世界唱ED果個唱o既，
嘛，整套野o既方向、表達手法都好有特色，
睇厭時下王道穿越異世界、開後宮或魔法少女果d，
想睇d另類野，呢套不失為可以考慮o既選擇。