些粉、OK、偉哥有kkbox儲值卡買，
不過好奇怪，同樣係90日服務o既卡，
7-11、OK賣174蚊，偉哥賣144蚊，
平30蚊不突止仲送多5日(即係95日)
有得平d邊個仲會買貴d果張呀？
我都買左張144蚊o既儲值左到7月7號。

事原老闆唔like我平時播電台節目叫我播歌，
話果d講野o既人聲滋擾到佢做唔到野，
咁我就播果d音樂節目例如1切從音樂出發，
或者廣東爆谷等果d好少講野全程播歌o既，
不過呢d節目經常播埋d娘爆o既歌，
尤其1切從音樂出發會播埋d幾十年前o既歌，
廣東爆谷都正常d但都間唔中會有雷歌。

只好去youtube播果d陳亦迅或鄭秀文演唱會，
但係呢d經常聽到中途又插廣告，煩到爆，
而且日日都陳亦迅鄭秀文咩？肯定好快厭倦，
我就問下friend叫佢地send d mp3黎，
令我有更大o既音樂庫比我夠播1個月唔洗loop，
點知個friend話無聽mp3好耐啦喎，
轉左用apple music同埋kkbox等串流音樂平台，
咁我又試join下先。

本身我用開iphone應該用apple music直接d，
但因為唔知個apple帳號有無限登錄幾多個裝置，
我已經登入過iphone兩部、macbook兩部同ipad，
pc好似都有登入過，公司部腦都登埋咪7個裝置？
如果同1個帳號可以無限登錄又無乜所謂呀，
不過咁變相比1次錢無限人共享？無理由假？
即係如果你家姐細佬妹都用同1個帳號，
夾錢買服務除番開抵到爛？會唔會block先？
陣間ipad正常運作到iphone話無權限咪煩膠？
開多個apple帳戶專係music用囉，
咁不如我直接開kkbox唔好咁煩啦。

注冊好kkbox帳號，就試下聽，真係好多歌，
可惜我聽開果d動漫歌數目好少，好唔齊，
更加唔會有網絡歌手翻唱V家歌果d，
嘛，算啦，kkbox只係for響公司播姐，
office範圍就唔炸宅系歌啦。

講開呢d串流音樂平台，平均1年都係600蚊，
所有歌任聽喎，平均1隻CD都百零2百蚊啦，
3隻CD價錢就全年幾千萬首歌無限聽，
查實衣家d音樂人仲有無錢賺架？

所以話維護開機之後果日唔好做現金交易，
尤其是大型更新果d，真係會出現回塑架！
呢次回塑o既原因好似話係商城放錯野上架，
拆卡唔洗錢，同埋登入獎勵可以無限拎，
有人仲寄信會寄失，我唔係寫程式果d工程司，
真係唔明點解會錯響呢d位，9唔答8，
呢次大型更新(算係掛)只係update伊甸2.0，
都同以上幾樣野無乜直接關係。

其實我都係收工番到屋企沖完涼11點幾先上，
見patch介面話緊急維修幾次巡例上巴哈睇睇，
先知發生咩事同埋原來有回塑(完全狀況外)
呢次回塑對我無任何影響，記得有次買貴野，
又撞正響大型更新維護後交易，果次幾驚，
駁唔過，起碼等佢維護完兩3日後先交易。

呢套無乜人留意o既原創1月番12話播完啦，
我睇開o既臉書粉專都無乜人對呢套野留言，
(相對其他作品每集留言量都十幾廿個)
但係我好鐘意呢套野，正經o既戰爭背景，
加上討好o既人設(女角)完全正中我杯茶！

不過呢套野之所以無人問津亦唔係無原因，
除左唔係咩野人氣輕小說大作改篇之外，
最關鍵o既第1話未能帶動高潮容易令人棄番，
第1話只係乳臭未乾o既細路以模擬戰同人比試，
最多只能展現到作品o既機設同戰鬥演出，
但咁樣唔足以吸引人留低，連我都吸引唔到，
我之所以會睇階因我第1下接觸o既唔係第1話，
而係look開facebook無意睇到第6話o既開頭，
槍林彈雨o既戰場後yuni受傷臥病床1幕，
令人意識到戰事o既無情，先開始從頭睇落去。

第1話王女優姬有個青梅竹馬o既男朋友約書亞，
諗住呢位疑似男主o既約書亞係王女o既守護騎士，
點知第2話就瓜左，比小圓o既學姐死得更早，
明明佢只係腰部插住粒碎片，唔似會死得人。
兩話交代出睇落和平o既兩國其實係交戰狀態，
跟住就到另1女主角stela故事線，老實講，
初接觸stela覺得佢係唔係輕度弱智果隻，
設定佢係無感情，任何事都會表露笑容，
例如佢前隊長死左佢都係望住塊墓碑笑，
我對呢d傻傻地o既角色無乜太大好感，
但後來佢展現英氣o既1面同埋慢慢有番感情，
再交代埋佢童年比後母欺凌o既過去後，
完全對佢改觀，變左全劇最有吸引力o既角色，
跟住落黎都係梅花間竹咁交代兩邊o既故事線，
王女果邊就太天真都令人睇得唔耐煩，
經常都諗住放過敵人會令對方唔再攻過黎，
你咁唔忍心開拖就唔該行開比其他人統領軍隊啦！

到12話王女去啟動1個可以廢晒d能原o既裝置，
令所有戰爭o既兵器全部失靈去停止戰爭，
去到呢集stela先至同王女正式接觸，
而不論睇OP亦或宣傳圖王女同stela好friend，
我仲好期待明明兩方敵對點發展到情同姊妹？
其實係無乜交情，只係stela無阻止王女o禁掣，
雖然戰爭結束之後仲有交代佢地再見面，
都係打聲招呼咁大把，然後就結局，
結局前有佢地內心讀白「呢個係兩個女仔o既故事」
明明係波蘭壯闊o既戰爭，死左好多角色，
講到變兩個女仔o既故事？笑左。

王女身邊o既監護人其實係stela親生娘親蕾拉，
多年前意外而失散，佢仲以為stela響意外死左，
stela就因為咁樣無家可歸先投靠敵國軍隊，
呢個舖左咁多集o既伏筆響12話兩母女重逢，
心諗唔會係stela親手殺死佢親生娘親掛？
作者未黑心到咁o既地步，重逢後天花版倒塌，
蕾拉救親生女而死，但stela都唔知果個係佢亞媽！
其實呢1幕真係全套野最美中不足o既地方！
stela認唔到佢亞媽架？就算要增加悲劇感整死蕾拉，
都唔緊要，但蕾拉死前又無表明身份，
起碼都要叫出stela個名令佢奇怪點解知佢個名丫！
連最尾都唔畫1下幕stela去拜呢個救命恩人o既墓。

整體係好淒美o既故事，但12話集數太少，
可以整長d，最少都整番兩集講王女同stela相處丫，
個OP好多誤導位，除左stela同王女o既交情之外，
仲有stela同約書亞交戰，其實應該係無交戰過。
呢套野同高達唔同，d機似乎好難爆炸，
睇戰爭場面好多時射跌架機唔係射爆架機，
理論上架機應該無乜事丫，起番身再打過囉。
不得不提o既係套野好多畫得崩壞o既位，
例如人樣啦、身形比例啦，係，套套都有崩架啦，
但呢套都好覺眼，好在focus響角色身上唔會崩，
如果角色只係企響旁邊做佈景果陣經常崩左 XD

近幾個月黎打卡打到11號就會打左去第2日果格，
即係11號打左落12號，12號打落13號如此類推，
到16號打去另1邊先恢復正常，但月尾又無事喎，
最離奇o既地方係只有我1個出現呢個問題，
其他同事無事，頭1次發生呢種事可能係張卡問題，
可能係啤得唔好但肉眼睇唔出，連續幾個月都咁，
就真係好邪，又諗過係咪我用橙色筆黎寫名，
同卡機入面認顏色系統有衝突有bug所以出錯？
階因張卡正面係藍色背面係橙色，不過諗多左，
打卡機又點會高科技到有識別顏色o既系統丫？
我估佢要認邊面係正面邊面係反面係認個角位，
右下角係兩邊唔對稱，唔會過左16號打番落1號，
而我上個月亦都專登用藍原子筆黎寫名同月份，
結果11號放完農歷假番黎打卡又係打左落12號。

到今個月終於正常打到卡啦，11號到16號都無事，
不過亦換左疊唔同牌子o既新卡，舊果疊用晒，
所以唔好賴邪唔邪釘，係物理問題。