本來最近新居o既爭鮮要行過天橋穿過另1個屋園，
仲要再過多條馬路行多段路落地鐵站入面先有1間，
從屋企步行過去20分鐘走唔甩，都幾麻煩下，
都幾想附近有間爭鮮，終於得嘗所望啦！
check信箱見到廣告先知開左間新店響附近，
但點解好開唔開要開響呢個武肺爆發o既時勢呢？
呢d日子邊敢食壽司丫？熟食野都唔擔保安全，
點知d菌係唔係煮熟左之後攤凍左先痴上去？
生冷野更加啦，由頭到尾都無殺菌o既過程，
起碼要等香港o既疫情得到解決之後1排先敢幫襯，
唔知間爭鮮涯唔涯到果1日都仲未執粒啦。

番呢份工咁耐，都唔係未試過home office，
當時我仲未渣鎖匙，果日公司又無其他人番，
所以老闆朝早就叫我home office啦，
理論上我渣匙後呢種情況應該唔會再出現，
點知因為武漢肺炎影響，個個人心惶惶，
老闆相當體摔民情，宣佈行home office制，
放完農歷年假後星期1番1番公司整理d野，
順便去百佳、些粉、759等入下糧食，
然後就日日響屋企工作，到今日都無出過門。

其實都幾爽，慳番去公司同番屋企o既時間，
每日起碼多左1個鐘頭，又唔洗驚遲到，
只係屋企配備相比公司電腦黎講係唔夠力，
連用photoshop開個pdf檔想轉剪裁方塊，
都load極都load唔到，索性output果陣，
set做無crop mark無留3mm出血位咁out，
另外個photoshop響特定情況下會彈出去，
已知情況係開多過1張圖，熄1張圖果陣，
好容易彈，彈左就無save到，又要再黎過，
都米話唔煩，仲有操作上都係唔夠流暢，
無計啦，做稿果部係偏弱o既macbook air，
本來仲有部pro，但果部未update作業系統，
變相好多比較新o既野都唔相容，又係煩，
又驚update左之後會撞到d工作用o既軟件，
無記錯果部亦好似無裝咁多fonts無咁完善，
而且部pro個mon壞左小小有條線都幾un眼。

用macbook做野坐姿當然唔舒服，
最起碼要買個mon，仲要有keybraod，
而且macbook個mon細都係1大問題，
變左無得1眼關7，總之就做得無咁順啦。

頭兩日home office我都日交兩份稿，
第3同第4日我就日交3份，而我下屬呢4日，
夾埋只係交左3份稿，我星期1比左8份佢，
每日交兩份就OK，但佢都做唔到，
其實我都話唔1定要佢做晒，盡做啦，
之後8份入面我都抽起3份我自己做番，
只係要佢4日交5份稿姐，好輕鬆啦？
大佬呀，你收緊人工架，做番d野出黎丫，
最低限度1日交1份叫有做過野丫，係米？
老闆無出聲，唔知係察覺唔到定係點，
不過要老闆開口件事就肉酸架啦，
我自問自己都唔係做得多架啦，
所以今日星期6我都有交貨。

目前我果邊就仲爭1間(未有字)就齊啦，
要output去印廠點都要再番公司1趟，
就算翻藍紙對稿都要再番多趟公司啦，
除非ebook對姐，對完點樣mark又係麻煩，
但今期計埋只有47間，平時6X間以上，
而且睇marketing佢地停晒手腳，
有可能唔出住，衣家咁o既環境，
休刊1期都合理o既，但睇個局勢無好轉囉，
只會越黎越差，唔敢奢望半年後可以恢復到。

所謂日有所思夜有所夢，最近有幾個都係公司夢，
夢o既內容都係同工作有關，詳細無記落黎啦，
依希記得有個係做緊稿諗緊點樣將份稿整得好d，
平時做稿o既既有程序，估唔到連訓教都要做稿，
有個夢好似係遲到，現實係自從實施遲到罰款後，
到目前為止我都未試過罰款，但都好有壓力，
驚會破左先例，呢d壓力反映番響個夢入面，
有個夢好似係新公司同舊公司某d同事混合埋，
當然夢中o既我係無察覺到呢種時空交錯啦，
以上其實唔係好肯定有無發過，印象好似有咁樣，
但發過好幾次圍繞公司o既夢就肯定架啦。

入正題，今次發o既夢係行商場撞到大can，
個商場類似吉之島咁o既規模啦，見面後打完招呼，
又各自各行，但我知道大can響後面跟住我行，
我就扮睇佢唔到，仲忍笑咁，我行出商場，
佢都仲跟住，然後唔記得點樣之後又再1齊行番，
我地又響商場睇電視機，見到個好似好薄o既電視，
好似掛時鐘咁掛響牆上面，睇真d原來係個膽機，
後面個位塞左入牆入面(個牆開左個隆塞部野入去)
其實大can同行仲有另1位男性朋友(我唔識得o既)
個夢記到o既內容大約就係咁上下，記唔到咁多，
不過唔知點解會夢到佢，都好耐無同佢聯絡過，
平時又唔會諗起佢，所以就有違日有所思原則啦。

香港目前1罩難求，未去到無帶口罩唔比答車o既，
如果發展到咁，買唔到口罩咪唔洗出街？
大6同澳門已經係，都要買得到先得假，
你話周圍都有罩賣但係佢唔買就係佢o既責任姐。

其實我覺得帶口罩只係防到30%，唔係大家想像中咁勁，
帶左主要係防止你o既飛沫散播，令你周圍o既人安全，
唔係令你變得安全，得你帶人地唔帶你都係唔安全。

睇最近好多片教人點處理用過o既口罩，
又話除罩果陣唔好掂到個口罩面，要渣箍耳仔條帶，
因為個口罩面好多菌，又話隻手觸摸完要消毒之類，
其實大家好似忘記左1個盲點，個罩佔全身比例幾多？
你d衫褲、咩住個袋、全個body都係攻擊範圍呀！
如果有菌，唔會淨係自動導航咁飛晒去塊面度架嘛，
除非有帶菌者對正你個頭打乞痴或噴口水姐，
所以話個罩面咁污糟，全身都1樣好污糟囉，
坊間又話隻菌響人體以外係不生不滅，
唔好彩痴左響件衫度1樣係會帶番屋企丫，
個口罩就有得掉左佢組，件衫呢？即棄衣物咩？
邊防到咁多假？唯1防到o既只有堵截源頭，封關。

唔係唔洗帶口罩，有足夠存貨出街當然要帶啦，
呢個係公民責任，唔係令自己安心係令其他人安心，
起碼你咳d菌都比個罩隔住90%口水先啦。

今日出街，有帶口罩o既比例係超過50%，
即係視線範圍內每10個人就有6至7個有帶口罩，
呢個比例響1罩難求o既香港黎講其實好誇張，
如果口罩供應穩定，可能條街90%人帶罩添，
所以呢次個疫情真係幾人心惶惶。

d人以為無口罩帶好危險，所以排長龍瘋狂搶購，
佢地明白個原理應該懶得帶，反正帶左都可能中，
有full gear醫生都中招啦，你估帶左滴水不沾咩？
都好o既，起碼個個帶口罩大家都安全d丫。

不知不覺今個年假又到尾聲，原定聽日開工，
不過老闆響whatapps群組宣佈左聽日唔洗番，
都係因為個疫情關係啦，可以再放埋聽日。

由於疫情肆弱，呢8日年假無出過街，
好在亞媽1早買左好多出前1丁存貨，
再加上年30收工後再響百佳掃左6包丁粉麵，
同埋4個合味道杯麵，總算足不出戶涯過年假，
當中好似連續4日定5日都淨係食出前1丁，
中間有日係煮左飯再整左罐鮮炸鯪魚，
呢次農歷新年可謂食得寒宣，以前都叫pizza，
同埋總會出下旺角行下，實會食到好西。

咁8日做左d乜？都係玩下RO睇下動畫咁囉，
出面咁嚴峻，呢響屋企係咁上架啦，可以點？
我都叫亞媽唔好過黎呢邊，避免答車人多場合，
所以今年又收唔到佢封利是，又少左錢洗，
淨係上個月22號果晚公司飯局抽果封兩百蚊，
跟住銀行又宣佈因為疫情而停業，
呢個亦係唔叫pizza原因之1，要節衣縮食，
總之衣家香港痴左線，日日響惶恐之中過日子。

見其他friend好多佢地公司話繼續放假，
本來以為原本初5啟市我有得放到初8好爽，
衣家人地下個星期都唔洗番，我就未知，
老闆話等聽日公佈安排，可能home office？
學校停課停到3月，好多巴士路線停駛，
醫護界罷工，正苦再唔封關全香港都停擺。