其實1d都唔新，擺左響衣櫃頂幾年o既後備煲，
上個星期用開果個電飯煲龜裂左個大窿，
本身果個位應該係防塵散熱位，有個透氣膠膜，
我有次放罐頭魚柳(應該係)落去打算1拼蒸熟，
點知山蓋果下頂到罐魚柳1野頂甩左個膠膜，
無左膠膜都仲係運作到，不過就有漏到空位囉，
可能會有寫蟲鼠蟻走到入去(灘凍左之後)
有時食剩d飯送擺入去阻隔昆蟲o既功能受質疑。

應該甩左膠膜都用左1年定年幾，直到上個星期，
d膠龜裂到碎晒，我懷疑因為無左個膠膜緩衝，
所以散熱位負荷唔到d熱力，長年累月下所引致，
嘛，是但啦，電飯煲之嘛，百零2百蚊有個啦？

呢個新電飯煲個牌子係LARETTE(完全未聽過)
第1次食，果然無飯蕉，可以安心食晒底果d飯，
響個煲蓋o既接駁位有個好奇怪o既設計，
有個透明膠兜裝住d水，個兜同入面完全無連繫，
我估計d水係水蒸氣，個兜係避免d水周圍滴？
要拆個兜都要d力，1拆入面d水就倒瀉晒，
唔拆o既話裝住d水做乜春？而且實會裝滿架啦，
結果咪又係漏番晒d水出黎？意味不明。

延續上年4月7果篇日誌，呢個係第2季頭12集，
桐人打完最高司祭之後就變左植物人，
under world入面o既黑暗勢力大舉入侵人界，
同時現實世界存放伺服器果隻艦比武裝份子潛入，
愛麗斯總算番番佢個家鄉見番佢個妹等家人，
本來呢度可以大做文章，點知1黎就交代已相認左，
喂我都想睇下姐妹重逢果種感動丫，咁草草了事？
武裝份子hack入under world，以黑暗領主登入，
率領千軍萬馬攻略人界，d統合騎士又再出番晒黎，
同各路哥布林、獸人大軍果d打打打打左67集，
到第10集亞絲娜先以創世神o既account登入，
1落地行幾步就即刻搵到桐人，有無咁求其呀？
對住班人類又自稱唔係神，有得扮下神都唔扮下？
唔覺得用神o既身份對班NPC講野有說服力d咩？
定係因為之後安排同愛麗斯爭桐人o既修羅場，
如果太高高在上就無得咁玩？愛麗斯敢同神鬥咀？
仲有呀，亞絲娜1落黎用神力放咁大範圍地圖砲，
點解無誤中統合騎士？又係要講故唔好駁故？
12集詩乃先至出場，亞絲娜同絲乃戲份少得可憐，
到尾桐人都係無醒過，做12集都唔洗配音咁滯。

拖戲仍然嚴重，可以用1集講1個配角統合騎士，
我只係想睇桐人、愛麗絲、亞絲娜等主線劇情，
d2打6輕輕帶過就得啦，12集濃縮做6集就差唔多，
唔係掛住SAO個名，呢種劇情真係會令人棄番，
之後又要等唔知幾時o既下半part啦。

響寒冬之下捐入暖粒粒o既被竇係1種小確幸，
但係呢兩年黎都無話去到真正好凍o既日子，
d被舖都係柄埋1邊，但呢1兩日就用得著啦，
不過唔係天氣真係好凍，而係我病左。

呢兩年黎只有病先可以大熱天時著件衛衣唔出汗，
仲要尖寒尖凍，加埋全身無力無胃口眼訓，
慶幸o既係病發果日係假期，可以全日訓教，
某程度黎講都係1種享受，平時訓太多都唔舒服。

只不過新年流流第1日先黎病會唔會有d唔吉利？
係1月1號朝早亞媽出門番佢屋企之後先黎發病，
我又唔覺唔吉利，以前試過好多好開始無好發展，
包括我同ex之間o既相識都係好開始，咪又分手，
上年前年1月1夠精神爽利啦，果年咪又無乜起色，
所以我反而相信唔好o既開始可能有唔錯o既表現。

RO跨年有經驗加倍，30、31號陪亞媽煲劇無練到，
加上果兩日本來就要番工，放工後都唔練得幾多，
諗住1號全日練功，點知變左幾乎全日訓教，
係11點先上線搵火3團，可惜11點40分先出到發，
而官方又鬼咁準時set番原本個經驗倍率，
只係享受到唔夠20分鐘o既加倍。

個病並無響1日之內康復，第2日帶病番工，
雖然都比1號果日精神番，但到3號仍然未痊癒，
2號放工後直接訓到第朝，呢兩日3餐變兩餐，
主要係無食晚餐，加上2號lunch老細請食飯，
大約慳番百5蚊火食費。

經常發生入睡前諗到1個好好o既idea，
但轉頭就唔記得係咩黎，只記得有諗過呢樣野，
有時係有記得少少個概念，但覺得好謊誕，
不過響前1刻係會覺得件事係理所當然，
又或者覺得個概念係1直存在o既感覺。

可能前後間只差1秒，就可以忘記個概念係乜，
又或者完全否定上1秒o既自己，
我相信能夠達到呢種程度係夢o既機能介入，
只有夢，先可以強行灌輸自己唔存在o既記憶，
蒙閉我o既理志將唔合邏輯o既野合理化，
呢種現象多數係響就快訓著前出現。

巡例寫下跨年，可能連續幾年亞媽都無陪我過，
今年亞媽有過黎我呢邊，就用投影機播劇比佢睇，
10點左右就轉播新聞直播睇下各區情況，
由於修例風波持續，今年跨年都同以往好大分別，
熱門地點包括旺角、蘭貴方、尖咀都有防暴戒備，
但仍然好多人聚集，旺角果邊已射水砲驅散人群，
無論係邊個熱門地點，d人都係叫住果d政治口號，
其實都好1面倒，唔會聽到相反政見o既口號對衡，
不過無線新聞台係無播各區實況直播。

到到就快踏正果下，1邊播住直播同時亦開tvb，
又睇下大台有乜贈慶節目，結果係完全無倒數！
居然踏正果陣仲係做緊d清談節目？有無搞錯？
咪仲衰過2016年亞視執粒果陣播舊年賀年節目？
雖然係舊o既都叫做應下節丫，tvb就完全唔理？
係唔係因為取消左維港煙花匯演就索性唔倒數？

今年難得亞媽有黎到，我都無打機跨年啦，
以前幾年都係響RO(甚至MHFO)睇下d人洗頻，
跨年果下打開窗口都聽到出面疑似放煙花聲音，
應該係市民自己放，亦聽到連續o既政治口號，
唱山歌咁維持5分鐘，旺角直播果邊都有人放煙花，
放完煙花無幾耐警方都放煙，不過係催淚煙，
40分左右我先響whatapps send新年sticker，
今年無再send比d好日都無聯絡果d朋友啦，
只係send去駱克同亙動個群組，不過無回音，
咁o既社會氣氛個個都無心情happy new year啦，
所以今年都低調d唔周圍send啦。