遊俠要做戰死頭，就要5個弓魂同100個能量碎片，
d碎片呢就要用碎武壓出黎，1把壓到1~3粒不等，
d人話平均要70~80把先可以壓到夠數，
所謂碎武就係響研3或研4打怪跌果d武器，
本來都覺得要自己1個打咁多把野好似無乜可能，
都諗過就咁買算啦，1把碎武市價40萬R幣左右。

所謂唔嫖唔知身體好，開龍火落研3打下啦，
點知原來都幾穩陣，最重要係幾乎0消耗！
連黃金蟲盾都唔洗用，因為d闇魔導殺唔到我，
用左蟲盾可能SP仲經常乾添，研3研4都打過，
人地話研4易打d，但對我黎講研3好打過研4，
主要係研4有十字軍，好Q硬淨要打好耐先打得死，
咁就蝕SP啦，同樣聖屬o既研3闇神官相對快解決，
會威脅到龍火o既係有名o既闇騎領、闇神工匠，
即係小王，佢個螺旋扣特別多16萬血都比佢1下秒，
試過有名o既闇十字刺同闇神射都無乜威脅，
有名o既闇神官係聖屬4，龍火完全MISS唔洗打，
有名o既闇魔導暫時未遇過，不過換得切蟲盾o既話，
都只係1件魚腩，普通o既闇神工匠都有小小威脅，
佢會壞裝，雖然機率低但壞1下都要重走好Q煩，
同埋唔可以走入「人」群中，原來係頂唔到，
除此之外都係可以解決到。

趁住呢兩日有掉寶加倍，再食埋掉寶糖，
1口氣就刷左70幾把碎武，我都估唔到可以咁多，
平均1粒糖(半個鐘)都刷到10把以上，
仲要經常超重70%寄去分身，唔算好有效率咁刷。

同場加映，其實趁住加倍仲自己打埋另外4個弓魂，
之前同公會d人打左1粒，之後幾粒都係遊俠入口登出，
龍火都係響入口範圍捕弓係怪(闇遊俠&詩舞)
1打到有弓魂就開遊俠衝去執，順利執晒4粒。

去搵漆黑指甲(NPC個名)比200萬同埋30粒邪念，
可以入去換碎武同戰死頭o既地方，主要係無怪，
咁就換晒d碎武做碎片，大部份都係1把碎武換1粒，
1把換到3粒或者兩粒o既機率唔高，最尾剩幾把先夠數，
之前打埋頂服裝遊俠帽，諗住齊章換得戰死頭，
點知原來戰死頭唔係用遊俠帽，係另1頂兔紋披肩！
明明其他職業戰死頭同3轉送果頂帽係同1個樣，
零零丁丁係遊俠唔同？臨埋牙先黎話唔得！
都要響中央隨便買1頂服裝兔紋披肩寄比遊俠啦，
唔通又要等下次晒多200萬加30粒邪念先換咩。

1直以黎龍火都有個隱憂，就係KRO會改動作模組，
睇KRO玩家o既片未見過新動作模組後再有連噴，
擔心twro更新動作模組後龍火唔能夠再連噴，
咁就等同廢左武功，親生仔變孤兒仔。
然而問過其他龍火玩家似乎唔係太擔心呢樣野，
覺得就算改左都依然連噴(唔知響邊度黎o既自信)
事實上佢地o既呢份自信係正確o既，
要黎o既始終都係要黎，twro響呢個禮拜換新模組，
響官網有展示新技能特效，當中展示龍火o既圖，
官方亦專登示範短詠唱條消除動作延遲法連噴，
即係官方都默許呢種方法，並且釋除公眾疑慮，
官方此舉確實明智，試諗下，如果龍火唔能夠連噴，
就會有大量72或泰甲恐慌性拋售，震動市場物價，
大量龍火玩家退坑，對遊戲人流都頗大影響。

更新完，我都開龍火試下連噴，同以前無乜分別，
馬照跑舞照跳，實在係鬆左1口氣。

幾個月前(9月)響1田買過晴王香印，
都食唔晒，亞媽都食左好多粒，
試過之後就唔會再想用咁貴價錢買抽提子，
點知今個月又再破費買呢d高級提子，
因為老闆開左間生果網店，比下面都要幫襯下，
呢次個大地水滴佢聲稱係比晴王香印仲高級，
盛惠7百蚊抽，係比上次1田有盒果隻更貴。

佢個水滴係日文sizuku(漢字係雫)
又試下咩料，食落去都唔係特別鮮甜，
味道同上次o既晴王香印無乜大分別，
d皮亦唔好食，不過最勁o既地方係無核！
食左幾粒都無核，可能就係貴在呢度，
無核口感好好多，唔洗咬咬下驚咬到核，
又要用利分隔又要lur番出黎。

星期6日大家樂o既飯餐總係有驚喜，
平時禮拜1至5真係日日都係果d野，
係星期6日先會響餐牌有d平時無o既野。
米以為要乜野冰室茶記先有特色野，
呢個魚柳芝士湯飯已經夠創意，
開初睇名以為係個飯跟多碗湯，
原來係將d芝士湯浸住d飯，
平時就算林d汁落飯度其實都唔雲巡，
呢個d飯係完全吸收晒湯o既靈魂，
賣相亦吸引，除左奶黃色o既湯底，
仲有d紅羅白碎襯托加金黃色o既魚柳，
紅紅黃黃咁睇見係開胃，46蚊連可樂。

又到1年1度o既公司聖誕派對，場地我都係收左工先知，
今年響九展燒烤場搞，雖然係響商場入面但都係露天，
格局都幾靚下，不過星期5晚都好冷清，蝕租蝕死佢啦。

早兩日抽好簽知道禮物邊個送比邊個，我抽到送比sam，
本來諗住買掃地機械人，但何里活商場都無賣平d果隻，
貴d果隻就貴好多，所以轉買samsung galaxy tab A，
所謂得人恩果千年記，亞sam都幫過我講好說話，
frankie向老闆打小報告話某餐廳投訴我做o既稿唔靚，
果個係亞sam個客，佢打去問番無d咁o既事，
擺明frankie無中生有，所以呢獲又幫我解圍，
我知道佢唔係專登幫我，佢只係公道有果句講果句，
不過都係幫左我，再加上知佢坎呵o既身世，
所以送禮送份好d都係值得o既，如果係抽到新同事，
果份禮物就真係金沙啦 XD

食緊途中落雨，搞到又要臨急臨忙搬d野食去有遮位，
其實早就有落微微雨，叫職員開d遮佢地唔肯，
話咩野大風會吹跌之類，之後落大雨咪又係要開？
d職員果然唔多掂囉，唔怪得知生意唔多好啦。