好耐之前就好想認真整番部正規o既VR裝置，
礙於土地問題及價錢問題而長期打退堂鼓，
亦對VR認知不足，唔知係咪要set cam之類，
早排見facebook有廣告推廣Oculus Quest2，
(係黎自vrtogetherhk粉專)話唔洗幾千蚊，
於是出旺角8下售價，信和都唔見有得買，
去到旺電有兩間有賣，1間3千5另1間3千，
奇怪啦，同樣64Gb版同1個場點解爭5舊水？
3千5果間仲要標明係平行進口貨(即係水貨)
3千果間就話有保養，我都係簡左3千果間，
後尾再睇清楚貴5舊果間係跟埋條5米cable，
睇番價位駁電腦o既cable唔平，差唔多啦。

開箱啦，內裡都幾精美唔係就咁膠袋粒住，
好多紙片紙條要拆，撕爛左貼唔番果隻，
所以2手機要扮新機唔容易，信心保證。

之前都驚要唔要額外set cam咁麻煩，
呢部唔洗架，頭罩設有4個前置鏡頭，
就咁睇外觀好似無喇叭會唔會要另帶耳機？
其實有喇叭架，唔想嘈到人先要帶耳機，
Quest2屬於1體機，內置android平台，
即係唔洗駁電腦就咁帶住個頭罩就玩得，
當然要響機入面個平台買game啦。

第1次開機都係要設定語言，睇教學影片，
例如有3段瞳距可以調校，跟住系統更新，
仲有set埋守護神系統，咩野係守護神？
就係你指定個活動範圍，當步行出範圍外，
就會有格線提示你以及會變番穿透模式，
穿透模式就係透過頭罩鏡頭睇番現實環境，
但係黑白影像，唔知係感光元件唔支援彩色？
定係部機將顏色調到黑白？我估應該後者，
如果出配合現實環境o既AR game都玩得嘛，
不過睇穿透模式解像度偏低，未必玩得爽。

第1隻玩o既game就係VR chat，免費架！
只係呢隻都有排玩啦，其實就正如其名，
佢係個聊天室，但有好多唔同場景，
同埋小遊戲，例如有槍game(未試過)
玩玩下VR chat突然熄機，係無電，
原來無電之前係唔會提示，有d強差人意！
手機電去到20%以下都會低電量提示丫，
d電去得好快，叉滿電大約玩兩個鐘左右。

買之前都擔心屋企會唔會唔夠位玩？
洗測後，那怕企入衣櫃咁細範圍都玩到，
我o既情況係肚南前1部ipad長度有張檯，
就算set守護神mark埋落張檯度都OK，
咁都玩得到！土地問題唔洗太擔心！

近視帶開眼鏡o既都係要帶住眼鏡玩，
唔係就好似你現實唔帶眼鏡1樣濛查查，
明明插手機咁簡單o既VR箱唔洗帶眼鏡，
呢d睇落咁高科技o既產品反而要帶？

間中都有輕微甩定位o既現像，唔嚴重，
通常睇近野發生，甩左半秒左右修正番，
好過PSVR好多架啦！甩左定位唔識追番，
仲要偏離頗大，係我放置PSVR原因之1，
大堆水蛇春o既線同埋唔多game都係原因。

整體黎講Quest2都屬於滿意，但唔完美，
要改善，以我所知其實出左唔係好耐，
如果日後出Quest3，起碼電量要再加倍，
叉滿電要玩到4粒鐘，手制震動要立體d。

勞工法例規定顧主每月7號前要出上個月份糧，
出唔到其實告得o既，睇你會唔會去到咁盡姐，
我地公司都唔止1次7號前出唔切糧架啦，
不過老闆都會交代聲，而各員工亦無乜異議，
今個月都因為老闆好忙所以又遲左出糧，
上星期5就話星期1(今日)出現金票。

開初都以為係「現金鈔票」，諗住渣住1疊錢，
去ATM存錢妥入，今日出支票最快都星期3先用得，
今日放工後入銀行計聽日先入，所以係星期3，
原來現金票都係支票，同平時d支票個樣無分別，
只係無畫兩畫線，現金票可以即時去銀行拎錢，
無需1個工作天處理，但要去支票個銀行櫃位排隊，
舉例即係張票係渣打銀行就唔可以去匯豐拎，
仲要出示身份證先拎到現金，就係咁樣，哇？
櫃位果d排隊好似要排半粒鐘架喎，仲有呀，
銀行開工我開工銀行收工我都未收工，點拎呀？
結果都係用番平時個方法畫線支票去入票易入票，
星期3拎就星期3拎啦，唔爭在果幾日。

買左iphone12mini後就開始擁躍用電子貨幣，
除左先綁定8達通，然後再整埋個alipayhk，
裝埋yuu、pizzahut、麥記、大家樂apps等。

先講alipayhk，以前申請用都未用過就話違規，
上年年尾先打電話上佢客服跟進番，解番鎖，
我都有問究竟係乜事凍帳個客服都唔清楚，
算啦，用到就得啦，跟住試過買M記同大家樂，
M記apps標榜用apps買唔洗排隊，係要alipay，
響手機o禁晒你要買d咩後付費如果無alipay，
咪1樣要行埋櫃位比錢！都係要排隊架！
大家樂直情o禁晒d野埋位比錢佢話直接落單啦，
即係響手機白o禁，無alipay用黎都多餘o既！
其實用過1兩次手機點餐之後就無再用過，
主要係佢地apps介面點餐好覆雜要o禁好多野，
o禁得黎你排隊都買完啦，仲o禁黎做乜？
又無得直接買邊個餐邊個飯，1定問你加唔加配，
要額外揀唔加配先可以下1步，仲要問兩3次，
無話加即係唔加啦問黎做乜？靜係搵想要o既野，
都搵餐懞，花多眼亂，唔似平時講要邊樣就得，
無可否認M記個apps都仲有優勢，好多優惠卷，
好多時都可以比平時無用apps買o既平5蚊，
但1諗起o禁水蛇春咁多野就懶，5蚊毫比佢啦！
亦試過o禁晒咁多步埋牙先話唔支援優惠卷，
咪唔用o羅，但唔用都要由頭開始o禁過呀！
老實講，疫情未爆發前去呢d連鎖快餐店買野，
條龍排到出出面呀！果陣就好需要手機落單啦！
平時我買野由點餐到比錢全個個程10秒都搞掂，
丫唔知點解排我前面果d人買野搞10分鐘都得！
比錢仲要搵神沙慢慢數，驚死人地找錢比佢咁，
多幾個呢d友排前面條龍唔長都可能等半粒鐘，
日劇煲完仲未到我，如果果陣有用apps就好啦，
明正言順打佢地尖呀！疫情後幾乎無乜點排隊，
已經無晒用apps點餐o既必要啦。

而alipayhk最強大o既係交電費水費煤氣費！
呢d平時去些粉OK交都唔收8達通要比現金，
仲唔可以夾埋其他野要獨立比，呢d疫情期間，
盡量唔想觸摸銀紙，佢仲要唔係齊頭喎，
即係交親都找番幾個散子甚至幾亳子比你！
但係用alipayhk反而就可以直接比到，
電費煤氣費入個帳號號碼佢就會save低，
下次唔洗再入過，仲自動話你知要交幾多錢！
呢個好重要，可以核對番張單款項吻合，
唔似ATM過數咁要你自己打番個銀碼，
都驚會唔會手殘入錯帳號number架嘛，
至於水費就仲方便，掃佢個QRcode就交得！
自動出晒你個帳號number同應繳款項，
實唔會甩漏啦！唔洗落街都交到錢，正！

alipayhk話有轉數快功能，試下8591買野，
再掃佢個轉數快，係完全無效架！殘念。

8達通應該之前響iphone12mini日誌有提及，
所以就唔多講，總之就好方便。

前兩日番工路經樓下間M記門口望入去，咦？
點解好似唔見左體溫機同守門員？唔通壞左？
不以為然啦，尋日番工經過又再望多1眼，
真係無左部體溫機喎，買過部唔洗好耐下話？
無體溫機都可以淨係用守門員拎體溫槍丫嘛，
響公司附近間M記再望，有體溫機但無守門員，
轉死性？當初疫情開始最早量體溫o既機構，
就係M記同埋百老匯，衣家好多商店都量體溫，
M記居然優先帶頭唔量體溫？衣家仲係第4波，
咁勇？好！值得加許！多多幫襯！

咁係丫嘛，量體溫機根本治標唔治本！
肯定唔會準架啦，市面亦有好多隱形帶菌者，
再加上最近天氣寒冷10個有8個都量到LOW，
我都係其中1個每朝入M記必定量到LOW，
部機又係咁響，搞到職員又拎體溫槍度，
我觀察左1段時間，之後好多人都係咁響，
有d亞姐醒目，顯示LOW就講聲「得啦買野啦」
後生果d通常唔知係唔識丫定專登玩野唔放人，
其實咁做實令顧客唔耐煩根本就係趕客，
衣家唔強制量體溫咪幾好，仲慳番人手添，
疫情下食市首當其衝，想裁員都黎唔切啦，
仲要請多個人去守門口？(我知通常輪流做)
都係浪費多個人手丫，部機又係咁響麻Q煩！

同公會d友仔傾開RO黎緊會優化o既職業，
咁都制定1下之後o既計劃啦，唔係盲衝。

上個月斬首優化起飛，已經強到犯規地步，
以我有o既裝備要整套斬首裝都仲爭1半，
其實齊爾暴徒套爆傷裝果d我大致上都有，
都係銳射遊俠果d，但仲未夠，要專精d，
就要搞埋破防例如貫穿套或者魔劍卡之類，
遊俠有魔劍弓就話姐，斬首又唔用得，
仲要搞埋個戰死頭或者超時空頭附魔銳氣，
呢野都幾煩，又要精煉又盛，最怕麻煩啦，
人地斬首勁仲要雙雷腰，呢樣我就無啦，
所以斬首就skip左佢，唔特別練1隻啦，
主要唔太like佢致毒要消耗同轉屬要食肯，
而且KRO日後會nerf番斬首，心震加獨延，
增SP消耗，衣家短線爽，長遠唔值得投資。

下個起飛o既職業就係致爆盧恩，又食爆傷，
不過我無研究開，自己隻盧恩係玩龍火，
唔會再練多隻盧恩，亦唔會轉型，skip得。

跟住應該輪到殘響優化，係主要討論對像，
殘響變範圍技，攻擊倍率大增，全段matk，
我d法系裝就大派用場！我亦將會投資詩人，
有0.5秒共通延遲，秒7就要減延遲60%左右，
咁玩詩人同舞孃有乜野優缺點？先講詩人，
內建72布萊奇，亦唔憂變詠，但對我黎講，
我有雙齊爾，其實應該係玩舞孃先勁！
舞孃有月光大幅增加matk，仲有服務慳SP，
仲有埋搖擺舞要193攻速應該無乜難度！
的確舞孃係吸引好多，但係我唔想玩女角，
總結，平民小資就玩詩人，唔洗齊爾卡，
就咁幻象甲/自動甲附魔delay加件智斗，
再開埋布萊奇就可以殘響無延遲秒7，
而且布萊奇出團應該跟受隊友歡迎，
但係本身有雙齊就舞孃更屈機。

謳歌亦係深度討論對像，按照KRO排序，
下1次謳歌優化已經係4轉時期o既事，
謳歌技能倍率由衣家1030%升到2800%，
差唔多升3倍咁多，仲可以安希拉轉屬性，
實用好多，可惜丫，排到咁後期，
本來早幾日都想練起隻謳歌主教，
但1諗到佢咁遲先優化就繼續冷藏啦。