巡例都要講下跨年，尋晚放工食完野就訓左陣，
差唔多到12點就上RO，同兔子公會o既人跨年，
不過唔記得左開電視，過左12點先開大台黎睇，
只見有類似煙花匯演o既影片，但應該係假o既，
以我所知因為疫情關係政府取消左改網上倒數，
睇條片d煙花好似key上去咁，或者播番前年o既，
舊年都因為修例風波取消維港煙花，所以前年，
條片仲有d凌空縣浮圖案，cyber punk2077咩？
今時今日o既科技肯定未做到條片果種技術囉，
倒數完1刻窗外都係好多叫聲但無晒政治口號，
唔似上年咁不斷光時呀、咩景咩全家呀果d囉，
whatsapp亦都send賀圖去駱克、亙動等group，
但無個別send比朋友，聖誕反而有。

睇facebook大隻post左條尖沙咀倒數o既影片，
唔知係佢拍定轉貼，原來都仲有人出外倒數，
尖咀都有幢大樓係會有數字倒數，踩正果下，
仲有仿煙花o既霓虹燈飾閃耀，都有少少氣氛，
不過全部人帶晒口罩，仲有架景車戒備緊。

今年新年比較舒服，因為星期5痴住星期6日，
連放3日，加上天氣寒冷，宅響屋企更幸福，
日頭都係做d例行工事，洗左兩機衣服，
食都係食些粉買果d叮飯，唔係超出預算，
尋晚應該都會毫不猶疑買兩盒pizza過年食，
無呀，只係大家樂買左3盒飯，貪佢d盒叮得，
夜晚主要就響RO練下功，趁住有經驗加倍，
另1隻604都打左兩場龍3團由136升到148。

久違多年o既真冬天呀！其實上上星期5已經黎料，
果晚收工居然要迫我著綁響腰間o既adidas外套，
雖然都未係好寒冷，但都做到番到屋企唔洗出汗，
當時就覺得呢d天氣只係壇花1現過兩日又熱番，
不出所料，上星期又暖番，想番到屋企無汗好難，
但係呢兩日又凍番，尋晚收工已經著外套都覺凍，
今朝終於拎番放響衣櫃兩年o既有帽衛衣出黎著！
係呀件野兩年無著過啦，居然仲有機會著，感動！
訓教衾被要衾兩張，衾埋張厚o既，幾耐無試過？
睇黎部暖爐可以拎番出黎用啦，唔知呢種日子，
可以持續到幾耐呢？咁先有冬天o既氣氛架嘛！

不過尋晚沖涼仲係開住抽氣扇亦唔覺特別難頂，
聽講聽日再凍d，唔知仲可唔可以開抽氣扇沖涼？
收音機話今年係咩野拉尼娜現象，厄爾尼諾個妹？
所以會凍d，真係有d料到喎，又睇下係咪咁堅先。
今朝14度，呢個14度有乜意義？往年14度都好熱，
都係同樣14度，點解1個覺得熱1個覺得凍o既？

同埋唔知點解天氣凍o既日子硬係要無太陽喎，
呢兩日lunch都係天陰陰但係全日都無落過雨，
仲諗住呢d天氣可以沐浴響陽光之下，就無陽光，
如果咁凍o既天氣行響陽光位應該幾舒服，
好似因為呢種天氣會令到陽光唔出現咁，
其實係唔係因為無陽光所以先令天氣變凍呢？

第4波疫情爆發，政府又再實施禁晚市堂食，
尋日開始生效，呢段期間又再無啖好食。

辛苦1日放工食餐舒服d算係1種小確幸，
之前禁堂食都好慘，試過響街坐長凳食，
屋企食又唔夠位鋸塊扒大力d都驚撞跌杯，
又容易整污糟驚惹甲由，就係食得唔安樂，
薯條拎番屋企都林晒啦，仲製造好多垃圾，
總之就係麻煩。

網上睇到呢幾句，跳舞群組爆發？禁堂食啦，
的士司機周圍傳播？禁堂食啦，乜都禁堂食，
特守話禁堂食係唔想見到咁多人響街走黎走去，
建制評論員屈小姐批點解d人響街走黎走去？
因為佢地要番工呀！講出左個重點啦！
呢句我撐屈小姐！你估我好想響街走黎走去？
對我呢d宅男黎講，恨不得日日呢響屋企啦！
唔洗番工呀？番工就係要走出黎架啦！
禮拜1至5響街o既人99%都係要番工！
你要阻止d人出街就禁禮拜6日堂食丫嘛！
好心特守同班高官試下答1次地鐵啦！
就明白到4人限聚令係幾咁多餘o既！
利伸我係平時唔洗答地鐵番工o既人，
只係上星期出轉荔枝角買投影機火牛答地鐵，
果陣係下晝兩3點非繁忙時間，1樣無位坐，
乜野社交距離？每卡車廂都超標限聚令幾十倍，
真係難以想像番放工時間係幾咁恐怖！

第4波爆得比之前幾波更勁，但業界無再WFH，
政府都呼籲私人機構盡量安排員工在家工作，
但d商家理得你？包括我地公司都如常番工，
1係你就立例強制在家工作！除左某d行業，
即係收銀員、侍應、送貨果d先唔洗在家工作，
總之響屋企都做到野o既顧主仲要求顧員番工，
除非有合理辯解，否則違法，罰個顧主錢！
設立舉報熱線，打工仔認為顧主無理要求番工，
就督個老細灰，呢d先係治標治本o既做法！
仲唔影響經濟！好似我咁WFH唔會比平時做少，
其實無分別，只係做老闆o既好鐘意監控員工，
係呀，唔係所有行業都可以work from home，
只要有1半行業home office條街就少1半人，
咁就可以減低病毒傳播風險。

禁乜鬼野晚市堂食？衣家條街咪1樣咁多人！
好丫，又睇下禁左堂食後確診數字有無回落，
衣家每日都平均過百單新增個案。

上個月頭唔見左個火牛到今日都未搵番，
可以放得o既位置都搵過晒，已放棄再搵，
真係好奇怪，火牛喎，唔係枝筆或卡片，
唔見枝筆就話可能碌左落d啦位睇唔到姐，
咁大舊火牛要搵野衾住都好難發現唔到。

兩星期前響投影機個官方facebook粉專問，
放低條問題果邊d客服要第2日先覆番你，
星期6日仲必定唔應機，所以周旋左好耐，
第1條問題問唔見左火牛要點處理，
跟住佢就問咩形號，答完形號之後，
佢就話問下倉務同事，然後兩日無反應，
我再追問之下，佢就答我火牛價錢，
喂，答埋去邊度可以買得到先得假！
我知幾錢呀，係咪樓下些粉買得到呀？
跟住我再追問地址順便問埋營業時間，
如果唔係佢肯定淨係講完個地址就算，
放左工上到去對住個鐵閘白走1趟果隻，
果然不出所料，佢地係早過我收工，
禮拜6日仲唔開，即係唔請假都無緣光顧。

我向公司請左個半鐘假，好在都係9龍區，
放lunch時我答的士，都答左90蚊半粒鐘，
即係就算唔食飯1來1回都無辦法唔遲到啦？
橫掂都係，咁我響果邊慢條斯理嘆番個KFC，
先再上去佢地基地，上到去仲要等佢搵野，
佢地office唔似以前去sony或canon果d咁，
要拎飛等叫number，好多櫃位招呼客人，
仲有d示範產品供大家試玩，唔係咁樣，
佢地個秘密基地得我1個上去無其他人客，
根本只係工廈貨倉，等5分鐘佢先搵到火牛，
個火牛仲要唔跟埋電線叫我去鴨聊街買，
我諗屋企應該都總有1條掛，就無追問。
講番請假，我係番番公司先再計幾多個鐘，
唔係1早講定個半鐘，我點知要用幾耐？

番到屋企搵，好多電線，兩個頭o既大把，
就係無果隻火牛須要o既米奇頭，唉，
真係1波3節，睇黎都要放工出1趟深水保，
今日lunch又去公司附近間偉倫問有無，
都唔抱期望，丫！點知佢地真係有賣喎！
我都幾驚訝，正常電器o既火牛實跟電線，
咩情況下會再買多條？條線又唔會壞丫，
除左好似我單case咁火牛離奇消失之外，
1係就有養寵物果d比貓狗咬爛條線姐，
點都好，省卻我出1趟深水保，太好啦！

當初睇呢套o既原因只係因為伊娜好靚，
就係單純比人設吸引左，咁咪睇下囉，
又係泛濫o既轉生異世界番，轉o既形式？
唔係比貨車撞(普偏)、比刀插(史萊姆)、
去完便利店買野(Re:0)、睇書(盾勇)、
而係食食下飯就轉左去做個5歲細路啦，
咁佢5歲之前o既過去呢？無，1黎就5歲，
跟住佢發現佢響呢個家庭只係排第8，
即係最細，8男呢個名就係咁黎啦。

又比佢好有魔法天份，然後名師指導，
跟住16歲報讀勇者學校，當時已經好勁，
響果度交到隊友，解決高難度討伐任務，
比皇室睇中，封佢爵位，從此要風得風，
要後宮有後宮，最尾仲取代亞哥做領主，
全個故事大浪就係咁上下。

比較意外就係作品入面o既人幾反常態，
讀書時期佢以為比人睇唔起遭到排斥，
其實相反，係佢太勁個個都想同佢組隊，
但d人又自覺高攀唔起而唔敢接近佢，
呢度估佢唔到係幾有趣，但之後就幾白痴，
不論男女個個都想痴埋去主角身邊，
主教(?)送個聖女比佢，聖女又lur飯應，
佢將條女帶入後宮團，其他女樂意接受，
無任何妒忌之情，伊娜仲自知做唔到正室，
甘願做妾，呢個心意係無比主角知道o既，
只係佢同另1後宮談吐之間透露出黎，
明明伊娜顏值係女主角level但淪落路人，
TOZ搶左女主個位o既小松未可子都有今日，
(TOZ羅潔同伊娜都係小松未可子配o既)
後來宮中大臣又送多條粉毛斧頭女比佢，
本來睇外觀都唔差，可惜性格弱智，
都係伊娜呢種正正經經o既女最高，
男主完全無主動溝過女，d女自動送上門，
作品亦帶出中世紀o既婚姻係父母決定，
亦交帶男主其他亞哥結婚前都唔識得條女。

男主個領主亞哥反而好介意男主搶佢領主，
慳d啦，人地已經過住窮奢極侈土豪生活，
會貪圖你個爛鬼村落o既領主之位？
事實上男主係無貪圖，但皇帝想佢咁做，
因為要有男主o既財華先開發到d土地，
旨意個廢柴亞哥咩？

個OP幾特別，1開始係普通話唱到歌劇咁，
唔係字幕我都聽唔出以為係德文俄文之類，
然後先係正常唱番日文，OP出現好多角色，
睇落都賊眉賊眼，原來大部份都係好人XD
OP亦透露左聖女o既正室地位(人物o既企位)
嘛，聖女唔係好差，但真係唔夠伊娜靚XD

總結，完全唔推介呢套，劇情好格硬黎，
會覺得好多舖排都係非必要性無意義存在，
例如做乜要轉生？不如直接響呢個中世紀，
講有個5歲細路好有天份黎開始咪得囉，
做乜要8男？想話佢最細3男4男都得架，
隨非每個亞哥都有表現出充份o既價值啦，
做乜送條斧頭女比主角？嫌戰鬥力不足？
其實聖女o既出現都唔係好大意義架啦，
感覺作者純粹為增添後宮而添後宮，
如果佢地經歷1段蕩氣回腸o既相遇，
之後先1齊咁就好好多。