新居部HP電腦由入伙到衣家都應該用左5年以上，
直到尋晚玩RO響中央行行下突然LAG到停左，
我又好手痕咁開下桌面某張圖片檔，發現開唔到，
然後就彈出藍畫面，再重開機都係出藍畫面，
去到呢下先識驚，平時restart過通常都正常番，
唉，whatsapp比我上司話電腦壞左請定假先，
然後去沖左個涼，番黎又再試下開機，咦？
開得番機喎！入番熟識�H桌面，心諗虛驚1場，
其實好耐之前都試過1獲，開唔番windows，
好似佢叫我插張USB比佢setup boot disk之類，
過程都run左好耐，卒之都恢復正常用到尋日，
都即刻插個external HD back up工作文件先，
跟住再熄機，其他野遲d先算，比部機再抖順d，
我好後悔呢個決定，今朝開機都仲入到windows，
不過hang左，心諗部野唔穩定，都要買部新o既，
再開機又係藍畫面，隔多陣再開都係藍畫面，
至此之後未試過入番windows啦，應該判得死刑。
即係尋晚錯過左最後1次back up其他資料o既機會，
其實對我黎講部野最珍貴�H係幾年以黎o既日誌，
雖然仲草埋好多圖片，但係果d日後可能仲搵得番，
但係過左去o既1點1滴，好難再憑記憶寫番晒出黎，
如果無backup到d日誌就好似白活左果幾年咁樣，
慶幸o既其實部份日誌我係有放上qooza果度，
可惜放o既比例可能唔夠3份1，大部份都無放上去，
有時我見果個月寫得唔夠10篇就索性唔放上去咁。
不幸中之大幸係HP電腦用左佢最後1口氣回光反照，
比我back up左home office o既工作資料，
雖然其實唔多，但係要我再重做番真係百上加斤，
要重做過d明明已經做完o既稿都米話唔心灰。
不過既然尋晚藍完畫面都仲入得番windows，
我相信部野或者仲有機會再正常開得番機，
d資料仲有可能可以再back up過。
|
