雖然係hea game但都可以玩到火滾，
例如d動物委托想要果d野偏偏係你無果d野，
好啦，咁去果個map採集啦，平時勁多，
到你要果陣就1隻都唔出比你，就算出map，
再入番map都係唔出比你，算，同玩家買，
個friend list睇唔晒玩玩家o既貨架，
只顯示4格，要去佢營地同佢講野先睇得晒，
去人地營地又要loading，去到又無，
又去下1個friend營地，去左好多過都係無，
咁樣來來回回就浪費左好多時間，
唔可以響frind list顯示晒咁多格同直購咩？
要隻game耐玩性高d唔係咁晒大家時間下fa？
仲有呀，每日任務指定收集d素材有時都係咁，
收集生果就無機率可言啦，係咁多就咁多，
講緊要你釣9條魚，捉9隻蟲，執9個貝殼果d。
有隻紅色狗只要好感度達到10就有跑車，
好想要架跑車所以狂谷呢隻野，
去到Lv7就會卡等，要起個對應屬性o既帳幕，
先可以解鎖等級上限到Lv10，開頭都唔知，
以為求其起個帳幕就可以解鎖等級，
原來只可以解鎖其中1個屬性o既動物，
卡左隻紅狗Lv又拿拿林去起個cool屬帳幕，
點知起帳幕又缺綿花(素材)，
我記得果陣用左綠色票去強行通過，
好啦，幾經辛苦終於升到隻紅狗Lv10啦，
咦，車呢？原來達到Lv10都係未得架！
佢應該係要超過Lv10先比你，
又要將個帳幕升級再整該帳幕派生佈景，
先可以解鎖好感上限到Lv15，早知你呢尾野，
所以響紅狗Lv7升Lv10期間不斷草綿花，
要盡量做會回禮綿花果幾隻動物d委托，
點解唔見動物都做委托？因為要壓等囉！
升得越高Lv響map會出現o既動物就會越多，
咁就更加難見到隻紅色狗，更難升好感度。
仲有，隻game好食電，做晒幾個map動物d委托，
就無左20%電，我用黎玩動森果部係iphone7，
用左1年舊電仲未退化丫，電量都可以去咁快？
|
