繼星期3天鴿來襲後，唔夠幾日又黎多個帕卡，
仲上到8號，1個禮拜有兩個咁勁o既風都算神奇，
但係打還打，做乜打響禮拜日？遲1日打咪好囉！
就當係做下好心，施搶多1日假期啦，
今年連續5個月無勞工假呀，仲諗住有風打下，
可以平衡番d放假日數，好過d丫。

上網睇人講黎緊下星期仲有兩個風黎緊，
有無咁多呀？拿黎還黎，唔好星期6日先黎8號呀下！

出到街見最受颱風影響o既係d樹，
唔係傾斜左就係連根拔起，
有d樹根連同石磚都反晒出黎，
包圍住棵樹d鐵架都斜埋，
咁堅固o既樹都吹到咁o既樣，
如果當時係個人企響果度會點？
肯定變空中飛人都似，
呢d日子如果要出街真係會搞出人命！
聽講呢次個風打唔正，算係好彩，
打得正o既話後果不堪設想。

澳門災情更嚴重，停水停電不突止，
水浸到全個街道都變威尼斯人。

其實尋日就已經話今日打硬風傳到好恆，
我都係抱觀望態度，通常都失望收場架啦，
又話午夜掛8號，打6個鐘乜風都打完啦，
不過尋日都買定幾盒龍鳳茶樓陽栦炒飯以防萬1，
今朝起身開電視睇，咦？打得成喎！
而且唔止8號，仲9號添，10點上埋10號，
果份喜悅係比星期5收工放禮拜6日開心幾倍，
雖然未確定下晝洗唔洗番，點都賺左半日先，
係，想放假可以遞form申請有薪/無薪/事假，
不過呢種唔洗刻意強求同突如其來o既假期，
好似出糧收錢同中左六合彩安慰獎o既分別，
出糧即使比安慰獎得到更多，都無驚喜，
中左獎就算得少少錢都係會yeah左出黎。

10點收到老細whatapps話如果2點半前未落波，
可以放全日，簡直雙重喜悅，多謝佛心老細！
不過都無放心享用假期，不時留意風暴消息，
睇下個風撐唔撐到兩點半，兩點半都仲10號緊，
總算鬆左1口氣，可以去訓個教，今次個風堅，
就算到下晝風勢減弱都只係跌到8號，
去到5點先改發3號，我諗唔單止我，
全港好多打工仔都賺足1整日假期，
放6點果d總唔會要人5點半番工番半個鐘掛？

不過有人歡喜有人愁，10號o既破壞力唔野少，
facebook好多人瘋傳幾條片，1個係杏花村巨浪，
d浪衾埋黎兩3層樓咁高，打落旁邊大廈o既窗口，
唔知d玻璃頂唔頂得住呢？d海浪有垃圾就難講，
1條片係地下停車場水浸浸到上地面d車變潛艇，
呢個都唔慘o既，d車壞左咪去保險clam番錢囉，
燕疏就係要黎咁用架啦，唔係買黎做乜？
跟住呢條片就慘啦，1架清洗大廈外牆o既吊船，
比d風吹到變流星錘係咁撞擊住戶撞爆窗門，
本來咁惡劣天氣應該流守家中最安全，
呢幾個單位就唔同講法啦，玻璃碎亂咁飛射，
客廳都變影牢，仲有下面d路人同車輛都好危，
電影死神來了果d情節隨時發生。

其實我第1次體驗VR係自己屋企部PSVR，
真係好震撼，果陣係玩drive club，
自己好似坐左入車廂入面，望到側邊車門，
詳情唔講啦，上年10月網誌都講左唔少，
又其實PSVR未推出前就已經有手機VR，
但礙於當時仲係用緊iphone4唔支援VR，
又係o既，VR須要高靈敏度o既畫面轉向處理，
以iphone4機能黎講係應付唔到，
我個人又潔癖唔想試出面咩人都戴過o既VR頭套，
所以PSVR先成為到我o既VR初體驗。

不過嫌開PSVR麻煩，要搞1大論野減少玩o既意慾，
衣家換左iphone7所以嘗試下手機VR，
經開旺角見到電擊雜誌出左本萌王VR送VR眼鏡，
咁就買本試下，個眼鏡結構好簡單，
單純得兩個放大鏡(?)夾住部電話，
無任何野粒響個頭，變左1邊睇1邊要用手拎住，
好破壞氣氛，而第1次用手機睇VR影片亦頗失望，
畫質好模糊起晒格不凸止，仲要無沉浸感，
只係比你可以360度咁睇晒唔同角度，
同PSVR無得比，跟住試下隻妃13學園，
呢個係響日本雜誌封底d廣告見到o既手機game，
話支援VR所以先down黎玩，我1向都無玩開手遊，
然後試下佢個VR卡拉OK，咦，沉浸感出番晒黎，
果然係3D game先可以發揮出VR應有o既效果，
呢隻game無課過金都可以體驗到唔少VR野，
除左VR卡拉OK外，仲有VR溫泉同VR劇情，唔錯！

為左更認真(?)享受妃13學園o既VR部份，
我買左個比較正式o既手機用VR眼罩，
叫VR SHINECON(應該係大6出)都係百零蚊左右，
有條帶箍響個頭度唔洗用手拎住咁麻煩，
之前尤疑左好耐無買到係因為佢個罩位唔夠大，
響店舖試過陳列品個size眼鏡會頂住吸唔實，
諗住屋企用開o既眼鏡框位比較細應該套得入，
但買到番去都係唔多入到，唉~濛d都無辦法啦，
好過用手拎住，點知原來1d都唔濛睇得好清楚！
點解PSVR唔帶眼鏡又真係近視咁濛？
呢個手機用VR眼罩又無事呢？初步推斷，
就係個放大鏡片同個(手機)螢幕距離問題，
PSVR入面個螢幕肯定同個鏡片距離遠左所以濛晒。

但始終手機VR只係做到比你原位360度上下左右視野，
無辦法感應到你個人o既座標移動，簡單d講，
VR畫面入面有個角色企你面前，你將個頭向前傾，
並唔會拉近同該角色o既距離，你將個頭向後移，
會有角色向你傾前o既錯覺，其實你同角色距離無變，
要解決呢個問題1定要有定位系統去測量你o既位置，
例如PSVR靠個camera去捕捉頭罩o既光點，
手機要做到o既話可能要靠後鏡頭去detect前面o既障礙，
從而去模疑你個頭o既移動幅度，或者將特定AR卡貼牆，
另外手機無手掣，玩VR操作只能靠你望指定位置，
雖然可以用額外買o既藍芽控掣器，但好似無game支援，
希望手機o既VR技術再進步d啦，將VR更普及化。

搵左兩間些粉都無龍鳳茶樓o既楊洲炒飯，
仲有其他龍鳳茶樓o既飯，不過菜式唔多o岩胃口，
今次就試下滋味選o既泰式魚柳炒薯粉，
睇個封面好似OK喎，不過咩係薯粉？
係唔係用薯仔整o既麵？叮黎試下乜料，
隻薯粉粗幼同意大利粉差唔多，有少少透明，
1d薯味都無，好有彈性，好難想像薯仔可以整到咁彈，
味道其實同麵粉整出黎o既麵條無太大分別，
d汁有少少酸，整體唔算好食亦唔算好難食，
未有足夠o既吸引力令我買第2次薯粉系列。

補充番少少，對番包裝果個紙套，
會發現滋味選同龍鳳茶樓都係同1間牛奶公司出品，
打開包裝都係有送把膠刀無其他餐具，
都係果句，如果我有餐具o既程況下會唔會缺你把刀？
係送就送木筷或膠叉啦，送把刀比我托咩？
你唔係要我用刀黎進食呀fa？