咒術仲剩番幾點技能點未點，煩緊點乜好，
計過唔夠點滿4屬旋渦，毀滅慧星又唔想用，
出1次要兩粒紅石，1向都唔like用消耗品，
仲要勁多SP，而且又無柯耳冷卻好q耐。

但又無乜野好加，睇過片見白監盾王神技，
目前開白監落自己度大約只係5秒，
睇技能說明話監禁(?)時間隨技能等級上升，
不過監完之後會指定扣o既血亦隨等級上升，
不如點滿白監啦！監耐d盾得安全d丫嘛，
盾1次王減少施展次數，就算扣多左血，
都好過技能與技能之間空檔位比王咬多左丫，
先點到Lv3試下，監完扣血量係多左呀，
但係自監時間並無多呀呀！1樣係5秒！
即係高Lv左無任何優點只有缺點咁搵笨？
算啦本來都諗住洗技能點，衣家更果斷啦！

白監對非自身對象隨等級上升成功率提高，
Lv5有90%，妖，如果呢招唔係有獨立延遲，
我都會點滿，o禁到全畫面都白監幾壯觀 XD

咒術都幾多無意義技能，例如屬性球咁樣，
點Lv1就夠，點滿都唔會影響4屬旋渦傷害，
仲有魔法省悟又係，點高d持續時間係長d，
但冷卻亦相對變長，仲要死左都唔重置番，
Lv1至Lv5都係要等到就快完先可以補buff，
完全無吸引力令人點高囉！

玩左咁耐RO都甚少爬塔，主要係CD太耐，
好似要1個星期先可以再爬，搞到懶得爬，
以前同腐海公會爬過1定兩次未能破塔，
好似唔係卡響火王就卡響巴姐度，
見叛逆公會又公告星期6晚8點爬塔，
公會搞活動點都要撐下場，我d打手入面，
得隻妖術無exp，只能夠用妖術出席。

頭幾十層都1個自然波清晒d小怪算係爽，
爬到打d弱王，未睇清楚隻野就比人食左，
然後爬到打d勁王，自問自己d裝都唔差，
而且帶左貝思波，諗住可以好好發揮下，
點知長期比人放地領，根本派唔上用場，
又係o既，唔放地領就係咁比王炸，
果然妖術都係唔太適合爬塔，要咒術，
放左地領都可以靈爆連鎖電擊丫。

呢team人都唔弱，雖然都死好多次，
但都爬到100(定101層？)食埋隻觸角魔，
之後影張大合照，齊齊字消做表情，
but影極都唔齊，好啦再上多層打夜聖魔，
點知我o禁落條光柱度踢左我番艾爾貝塔，
同行o既仲有兩個人都出左黎，我問點解？
原來第1次破100(定101層？)唔可以上去，
原來我隻妖術係第1次爬到咁高。

上年o既動畫，同平時睇開果d王道設定唔同，
既唔係異世界勇者類，亦唔係校園青春類，
而係以職場為題材，講主角入到game公司打工，
但睇起上黎好多位都有共鳴甚至勾起唔少回憶，
雖然我做o既係出版社唔係game公司，
但係為大眾製造媒體呢方面屬性相似，
我亦曾經響1間公司同d同事好friend底，
唔係剩係工作上o既交談，大家智趣相投，
好開心，因為有傳媒用o既免費優先場戲飛，
去睇戲其實另1位同事都係現場呢樣野亦試過，
因為趕工而響公司訓教亦試過，雖然係辛苦，
但亦好熱血，上司係軍事廚兼嚴肅呢樣亦試過，
雖然睇落唔友善但其實好好人呢樣野亦1致，
劇入面個總監造型及性格亦同辣椒老闆娘好似。
不過有兩大情節無經歷過，分別係驗身打針，
同埋尾集o既慶工宴，雜誌有乜好慶祝丫？
仲有大家有無留意到咁多集1個男角都無出過？
有o既，佢地開發隻game入面d勇者戰士囉 XD
睇呢套劇感觸良多，之前同事推介我睇白箱，
佢亦話好多共鳴，嗯，我都相信，但搵唔番，
anyway，做自己鐘意o既工作係開心o既。

new game亦宣佈真係出game，好似係出落PSV度，
比較在意o既係動畫入面刻意將PS寫做PZ果d位，
會唔會響game入面出番真正logo呢？ XD

1向都覺無乜精鍊運o既我，今日又黎精鍊，
主要係+9長長貓耳想精到+10方便計數，
因為+10就o岩o岩好做到無視魔防20%，
之前無視19%唔係齊頭數，咁先買10粒祝防，
1次過開晒佢(無得再交易)果斷用晒佢，
丫點知頭幾粒就衝到+10，仲剩番幾粒，
唔怕，我大把野要精，再精+8封齊遊行帽，
都想精到+10又係好計數，丫又1下精到+9！
再精落去啦，之後果幾粒就衰晒，
其實好好架啦，10粒祝防1頂+9上到+10，
1頂+8精到+9，見好要識收，好話唔好聽，
可以10粒都食白果，之前又唔係未試過，
上年7月+8蛇皮上+9都用左廿粒。

今日係朝早7點幾鐘精，貪呢個鐘數無乜人，
咁就唔洗比隔離果位精爆d聲影響心情啦，
仲有趁官方搞消費集利活動，響呢段期間，
用夠2050P又有附魔石同服裝頭飾送，
雖然送d野無乜吸引力，咁點都好過無o既，
個活動到3月13號炸，衣家只買左10粒祝防，
夾埋都未夠1000P，得提要經驗倍增書12本。

亞媽好豪話請我食飯，我話食壽司佢都話無所謂，
係咪呀？咁我唔客氣啦，就食康怡廣場元氣壽司，
兩點幾無乜人就咁行入去就有位唔洗響門口等飛，
其實我都無乜食元氣壽司(都唔記得有無食過添)
仲諗住係迴旋壽司有條運輸帶運1碟碟野黎，
睇o岩就拎落黎食，族碟計，價錢係跟碟o既款式，
有d貴有d平d，係就係有運輸位啦不過無運作o既，
有部好似ipad咁上下o既野比你督mon點餐，
點完隔1陣就會響個運輸軌道見到有架火車走埋黎，
將野食運過黎，架車設計似日本d子彈火車咁，
又幾過癮喎，不過d野食勁貴，雖然話亞媽出錢，
我都唔捨得叫，兩舊3文魚壽司要14蚊，
1碟3文魚刺身(大約5舊厚肉)要40蚊，
就咁食左兩舊3文魚壽司兩碟3文魚刺身就過百蚊，
當然唔飽啦，埋單啦，之後再諗下食d乜好過啦。