好似係玩左咁耐playstation第1隻拎白金獎盃，
印象中之前未拎過白金(應該係，除非唔係)

前日因為個廳空間唔夠伸唔到隻手拎野而卡關，
我調較過個camera響正中間爭取最大可動空間，
game入面大部份野都掂到，仲有少少掂唔到果d，
都仲可以借助遊戲內拎住其他物件延長判定。

可以玩到白金亦證明呢隻game堅好玩，
好適合好似我呢d鐘意倒亂o既人玩 XD
其實自己玩到81%眼見仲有兩個盃未開，
去巴哈睇攻略拎埋佢，呢隻拎白金都算易，
只要正常咁玩晒佢4個職業d盃就拎得7788，
多手搞下呢樣搞下果樣亦會無意中拎埋d盃，
兩個無拎到o既盃分別係響廚房果part，
將個罐頭湯當食材(要加料)再煲過，
同辦工室將電腦mon公仔掉入碎紙機(?)搞碎。

順帶1提，完成晒4個職業o既任務之後，
就會多出新o既彈力模式同埋微重力模式，
game入面所有物品o既物理判定都產生變化，
微重力模式可以體驗太空人響太空倉o既感受，
可以將d雜物擺響半空縣浮，好過隱！
彈力模式就係d野好似個籃球咁彈黎彈去，
但效果其實唔係好覺，可以兩個模式1齊玩，
電腦版仲有第3個玩具模式PS4版唔見有。

有無諗過天文望遠鏡望到o既月亮係點o既？
同響教科書或網絡上睇果d圖片有無分別？

響太空館拎o既小冊子見到有觀星活動，
費用全免，只要指定日期內走入去就可以，
好奇心驅使之下就試下去睇睇乜料，
當然係夜間活動啦，日頭觀太陽咩？
入到太空館就詢問d職員有咩手續，
佢地話就咁上天台就得架啦，咁隨便？
上到天台，見到兩台望遠鏡同幾丁友，
望遠鏡唔係好大枝，同canon枝小白差唔多大，
裝埋腳架棟響度對住個月亮，埋去望下，
哇！好sharp！好清楚咁睇到月球表面d圓圈，
見在場有個著住避彈衣款背心o既長輩，
似足以前讀正形教我地攝影o既梁sir打扮，
1睇就知佢就係呢個活動o既教授啦，
難得有專業人事響度緊要趁機問下佢，
呢d天文望遠鏡幾錢？佢話幾千蚊就有，
可唔可以望到海王星？太遠啦，唔得，
咁可唔可以望到木星？佢話可以！
仲可以好清楚咁望到4粒木衛添，
會唔會搞活動望木星、土星？
佢話太空館天台望唔到架，
要上山頂先望到，噢，有d失望。

anyway，總算見識過天文望遠鏡o既威力啦，
不過參與活動o既人數比想像中少，
計埋我在場都係得幾個人，除左個教授外，
仲有兩個艦住證件牌o既亞嬸似乎係職員。

星期1番過舊居果邊諗住搵番細通剪髮，
8點3去到收左工，又剪唔到髮啦！

點會收8點架？你叫果d都係8點收工o既打工仔點幫襯你？
收7點半果d都幫襯唔到啦，答車都無半粒鐘。

今日又係落新居樓下間單剪專門店剪，
就係對上1次6月11號剪髮果間，其實呢間都係收8點，
只係響新居樓下貪方便，答車過舊居要好多時間，
距離上次剪髮就隔左5個月，趁天氣未咁凍剪唔洗煩。

睇個標題1頭霧水？其實係3隻PSVR遊戲黎 XD
分別係job simulator、嘉年華、噢我好神，
衣家先黎寫報告？因為呢3隻game有個共通點，
就係無move完全玩唔到。

響旺角信和買左PS3(舊版)果d蟹貨move，
269蚊枝，PS4(新版)果隻要298蚊枝，
無送USB傳輸線架，要用PS3插手掣果條，
同PS4果條唔同格式，無o既話番到去都用唔到，
所以溫提1下大家買果陣要注意1下啦，
好在我本身都有PS3。

之前玩過咁多隻VR遊戲，都無呢3隻咁投入，
因為就係爭隻手，有左move終於同VR世界有亙動啦！

先黎講job simulator，就係模疑職場o既工作，
有辦公室文員、便利店員、車房技工、廚師，
4種職業比你揀，重點其實係比你倒亂，
例如做文員，可以拎個釘書機掟前面果位同事(?)
佢個影印機唔係剩係印文件，連個杯都印得到，
咁就可以無限複製d雜物比你周圍掟 XD
做便利店員又有個放大機，只要拎得上手o既野，
乜都可以放大，又可以係咁質d垃圾比客人(?)
拎d醬汁林落客人(?)個購物籃度，自由度好高，
其他更過份o既玩法等你自己慢慢發掘 XD
只係個世界入面d人全部都係漂浮緊o既電腦mon，
而且你點搵野掟佢都係唔會有乜後果，
仲有玩呢隻game須求空間比其他game大，
有d關就因為屋企個廳唔夠位比(現實o既)牆壁卡住，
搞到game入面伸唔到隻手過去拎野而卡關 /_\
可惜畫面只係PS2高清左o既質素，PS3都比多佢，
但遊戲性極高，勁好笑，而且平，高度推薦！

再黎講嘉年華VR，就好似你走入遊樂場入面，
裡面有各式各樣o既攤位遊戲比你玩，
例如掟飛標啦、射波波果d啦甚至攀爬都有，
現實去玩呢d攤位遊戲每個都要錢會肉赤，
響呢度你就可以任玩唔嬲，拋唔中個樽唔憤氣？
唔緊要即刻再黎過，玩到爽！其實掟野都幾出力，
明明冬天都掟到出汗，玩果個攀登遊戲更係手心出汗，
咁辛苦爬到咁高1個失手跌番落去都米話唔刺激，
可惜畫面都係PS2級數，而且玩玩下判定偏左，
就好影響你掟野o既準成度啦。

到到講噢我好神啦，呢個比你體驗神o既視野，
比你管核個星球，守護呢個星球上面o既生物，
用神力幫助佢地繁殖、開枝散葉，
隔1陣又會出現d唔同o既災難，例如有隕石炸落黎，
有恐龍走出黎捕食果度d生物等，會玩到手忙腳亂，
開發引擎係unreal4同頭先兩隻PS2畫質好唔同，
石頭同水都好有質感，可惜暫時只有兩關，
好快就玩完，其他版圖都仲係comming soon，
聽講呢隻係台灣人整，玩o既教學都係講普通話。

估唔到個move叉滿3格電都幾come用架喎，
玩過以上呢3隻game都仲有兩格電。

未正式睇前仲以為im@s化，會有隊akb48咁o既野出黎，
不過只係5個姐，已經係系列最多歌姬(好似係除非唔係)
憑住girigiri愛1曲o既洗腦程度亦引起1時熱話。

男主疾風只係1個打工仔但有天份操控機械人，
可以好似踩roller咁，同女主芙雷雅相遇，
又係老情節，敵人突襲，疾風有機會坐上戰機，
才能比軍隊發掘加入部隊，芙雷雅就參加歌唱比賽入選。
跟住就當然Macross公式唱歌+飛機戰爭+愛情啦 XD

兒女私情放得太重，主角群o既1位隊長陣亡，
用左1集時間悼念佢，喂戰爭緊係會死人架啦，
死1個洗乜咁大陣丈？死100個仲得了o既？
不過主角群又真係黎黎去去得果3幾個飛機師，
唔係呀fa？咁o既軍隊陣容都學人打仗？
開公司都唔得啦，最慘敵方都係得果3幾條友呢，
睇左廿幾集都係果幾條友打黎打去 XD
亦因為咁，疾風從軍無耐o既軍階都可以3級跳，
因為池中無雨蝦做大將丫嘛，算啦，
Macross主要都係sell歌sell浪漫姐唔好咁認真。

米潔拉又無厘啦更鐘意左佢下屬疾風，
變左芙雷雅x疾風x米潔拉3角關係(好貼題)
雖然尾集有解釋佢因咩鐘意疾風但好牽強囉，
都話蜀中無大將，條女都無乜對象可以簡 XD
連深入敵陣收集情報都要派女武神，
雖然叫武神姐但無乜戰鬥力(d機師亦唔見得有)
可見人丁幾咁單薄，Lady M明顯係個無良顧主啦。
女武神睇落最成熟o既美雲，好有氣質，
不食人間煙火，頂，原來只得3歲 XD
敵軍顏值好高，點睇都唔似會全部便當，
果然最尾都同主角群聯手打大佬，
個大佬捉左美雲(星之歌手)利用佢o既歌，
去聯繫全宇宙o既思想變綜合思念體(長門有希？)
最尾1集大玩裸體聊天室另+綑綁play，
變左神話咁濟，點解d機械人片咁鐘意裸聊？