1向對Tales系列人設有好感，但咁多集都無乜完食，
係得TOA睇晒動畫版，之後玩得最多就係TOX2。

今年最新系列Tales of Berseeria就睇walkthrough，
終於算係睇晒全隻Game，點解算係睇晒唔係睇晒？
因為d行地圖行迷宮同戰鬥畫面好多都跳過飛住咁睇。

故事講女主角Velvet個細佬比佢姐父所殺，
為左復仇而踏上征圖，路途中發現聖寮o既陰謀，
由純綷報仇變左阻止聖寮禍害蒼生，
原來佢細佬無死到，仲變左敵陣營添，
Velvet最後大義滅親同細佬同歸於盡拯救世界。

對上1集TOZ就劣評如潮，主要係因為女主角變路人，
仲要將女主o既劇情放DLC賣，做得好難睇，
呢集吸收左上次o既教訓，主角群唔會離隊太耐，
總算故事完整有頭有尾，TOZ未完食暫時比較唔到。
呢集特色係1反以往主角正氣凜然o既形象，
Velvet係個睇落有惡魔特徵(手)o既反派外形，
而佢o既仇人係救世主，即係操作魔王打倒勇者，
雖然Velvet唔友善經常黑面但其實心地算係善良，
有d時侯仲表現親切，呢種反差萌其實更凸出，
不過呢集我最感興趣o既係Eleanor，佢本來係敵方，
1開始就係最想睇佢點解會加入我方陣營，
強敵(?)加入黎o既感覺係唔同d，
而且佢正直純潔o既外表，混入班爛仔堆，
咁先產生唔錯o既化學作用。
Magilou就古古惑惑，感覺佢會背叛同伴，
呢個係唯1唔洗打而加入o既隊友，
好在睇到尾佢都無出賣伙伴，都算係個好隊友。
講開又講，d隊友同味方角色真係不打不相識，
除左Magilou全部都係打番黎o既。

睇開o既實況主搵路都算係快，
唔洗太兜大圈遊花園(雖然都skip)就推進到劇情，
奇怪在佢無乜點打野生怪，都夠打大佬唔卡關，
即係唔洗太花時間去煲Level啦？

Tales系列比較反感o既係換裝系統，
換埋d9唔答8o既衫真係好影響氣氛，
唔計DLC果d，響game入手到o既都好囧，
明明劇情好悲壯，但粒住個叮噹頭只會哭笑不得。

各議員無事夏迎春，臨近選舉期就大力拉票，
d宣傳單張塞爆信箱，新居樓下個信箱附近，
設置1個膠桶專比住客隨手棄置廣告單張，
但今年d選舉單張比較古惑，有埋住戶名同住址，
有私隱，唔可以隨便處置，比不法之徒執到，
佢最低限度有果1戶o既人名同埋地址資料，
呢d有個資o既單張我就唔會隨手丟落個膠桶度，
但望下個膠桶，堆滿晒呢d咁o既單張，
估唔到衣家d市民咁無危機意識o既。

究竟我地對身處o既太陽系有幾多認知呢？
以前小學讀科果陣或許有基本o既概念，
例如地球圍住太陽轉，仲有9大行星等等，
而1套美少女戰士加深左對行星o既印象，
最近翻查開有關外太空資料o既wiki，
原來好多野都唔知，只識d好表面o既事，
睇下以下o既野你地又知唔知？

恆星同行星
用廣東話教呢樣都幾混亂，恆同行同音，
行星係圍住恆星轉(聽落即係邊個圍邊個？)
地球、水星、金星、海王星等o既就係行星，
太陽就係恆星。

天文單位同近日點
1個天文單位即地日距離(地球同太陽o既距離)
通常天文學會用呢個單位黎講天體o既距離，
例如土星就係距離太陽10個天文單位。
近日點即係天體最接近太陽o既點，
有近日當然亦有相反o既遠日點啦，
天體並唔係以太陽為正中心黎公轉，
有d近日點同遠日點可以差好遠，
地球算係差唔遠，近日果陣就係夏天，
遠日果陣就係冬天。

小行星帶、柯柏帶同歐特星雲
小行星帶係火星同木星之間o既碎石區域，
柯柏帶就係位於海王星以外o既碎石區域，
d碎石包含冰塊，柯柏係發現果1帶o既人名，
所以果度就以佢個名黎名命。
曾經有人以為柯柏帶就係太陽系o既盡頭，
非也，柯柏帶之外仲有個歐特星雲帶，
都係1堆碎石區域啦，範圍大約有2光年，
果度先係太陽系o既盡頭，
亦即係太陽引力所影響度o既範圍。

彗星同衛星
1直都將個彗字讀左做胃(有邊讀邊嘛 XD)
其實係讀睡，查翻日文發音都係讀sui，
如果唔係又多個同音就更混亂，
衛星就係圍住行星轉o既(例如月球)
其他行星o既衛星通常都用番個行星名字頭，
再加個衛字同數字，例如木星第2粒衛星，
叫做木衛2，土星第3粒衛星叫土衛3咁樣。
彗星就係1舊石塊或冰塊，有極多粒，
來沿係古柏帶或者歐特星雲o既碎粒，
當中出名o既係哈雷彗星，公轉約76年，
其軌道到近日點果陣響地球可用肉眼睇到，
遠日點o既時侯遠到去海王星果邊，
對上造訪地球係1986年，下次係2061年。
彗星無固定體積，事關佢飛(?)近太陽果陣，
會比太陽蒸發左d，亦因為咁可以好短命。

黃道面同赤道面
黃道面即係圍住太陽轉o既軌道平面，
8大行星幾乎都係響同1個水平面公轉，
並唔係1個打橫1個打斜1個打直咁轉，
(之前以為係咁，其至以為斜度會變添 XD)
赤道面就係以地球為軸心自轉o既平面，
赤道面同黃道面並唔係同1個水平，
係打斜o既。

矮星同矮行星
雖然太陽係恆星，但亦屬於矮星類別，
矮星仲有分好多唔同顏色o既種類，
例如紅矮星、棕矮星、黃矮星、白矮星等，
矮星唔1定做到主序星(太陽就係主序星)
例如棕矮星就屬於質量太低o既次恆星。
矮行星只係果d唔夠資格做行星o既天體，
但都有1定份量，稱之為矮行星，
之前冥王星曾歸類為9大行星之1，
到2006年比人降格左做矮行星。

系外行星同類地系星
所謂系外行星就係太陽系以外o既行星，
類地行星就係類似地球o既行星，
d人相信類地行星有可能孕育生命，
有機會有外星人/生物或者適合人類居住，
目前發現其中1個系外類地行星，
係距離我地約4光年以外遠。
光年咁遠，人類有無機會觸及到呢？
聽講目前已經研發出光帆o既飛行技術，
原理係靠光力去推動帆布咁上下o既野，
可達到20%光速咁話喎，有機有機。

太陽系同銀河
我地o既太陽系只係響銀河入面o既1角，
銀河入面仲有好多其他太陽系，
銀河外面仲有好多其他銀河系，
人類係幾咁渺小？人外有人天外有天。

整套賴狩人裝係玩MHFG其中1個目標，
雖然對自己無乜用，不過當係1種成就啦，
就好似PS3果d金盃銀盃咁，都係無用架，
but有滿足感，另外可以叫蔡記簽我籟狩，
咁佢打任我又順便賺到d公會點數，
不過蔡記都好似有兩個月無上過線啦。

今日包VIP將全身劍聖秘傳FX裝衝到Lv7，
(d部位唔Lv7插唔到3粒珠硬要迫人升頂)
然後插番平時打怪用開o既GX珠，
輕易出齊劍聖真3閃3豪3看破4藥仙人等，
以為功德完滿，1著番平時打怪用o既裝，
咦？點解少緊d野，睇番d珠位空左，
原來賴狩裝唔可以同任務裝共用d珠架！
唉，即係又要再農過d珠啦。

好在衣家都只係爭4粒白色GX4姐，
其他都插多左出黎o既珠，河水不犯井水，
距離達標都唔係想像中咁遙遠。

全新環節，專講近期hit d乜，
1講就講幾樣唔洗開多幾日日誌啦。
講番topic呢個名由來，
以前做果間出版社話要開本新雜誌叫咩名好，
我就提議叫潮流吹勢丫，簡稱潮吹 XDD
呢個名夠爆呀，可惜公司無錄用到。

pokemon go
唔洗講啦，未響香港上架前已經大熱，
1上架facebook充斥住大量相關資訊o既洗版。

雞全部都係雞
源於高登(好似係)，將經典音樂夢中的婚禮，
格硬(真係好格硬)砌左雞全部都係雞o既歌詞，
由頭到尾都只得1句係咁loop，
再配上反斗奇兵巴斯光年同胡迪講野影片，
口型好夾歌詞，就唔知點解1夜間爆紅，
跟住就好多亞種作品出現，例如加速版、
完整(?)歌詞版、連盤菜瑩子都黎個自彈鋼琴盤唱，
(其實呢首歌幾年前我就可以用結他solo)
老實講，好好笑咩？我覺得麻麻地炸喎，
衣家d人o既笑點真係難以理解。

極樂淨土
呢個就留意開ACG界宅野o既先會知道，
係1首開頭節拍強勁o既歌，
開頭段音樂配合個舞步係幾好睇，
睇落亦幾難跳，好似左右腳要做唔同o既複雜動作，
跟住好多雷姆呀、EMT呀、蝶祈呀、
初音呀甚至噴火龍等等o既MMD公仔跳呢首歌，
其實跳得好睇過真人o既原唱MV版，
唔多唔少係分鏡o既功勞掛？原唱版無運鏡。