對上1次有日式咖喱飯係2013年1月，哇都相隔3年，
再對上係2012年4月，果次果個1流！講番今次，
呢次係有日式咖喱雞同埋日式咖喱魚柳兩款，
用番2013年果個方法似大快活1哥焗豬果d石紙包住，
雖然呢次無2013年果d咁差，但又好唔過2012年果隻，
隻雞無乜加工過(唔似M2巴辣脆雞或M1果d皮咁)失敗，
不過隻吉烈魚唔錯，仲要響上面枝沙律醬係畫龍點睛，
通常我叫個咖喱魚飯都答單整多個T6巴辣雞粒，
然後就用d雞粒點沙律醬黎食，既可享受魚柳飯，
又唔會錯過KFC招牌食品~雞，況且齋叫個飯唔太飽肚，
加多個雞粒就o岩o岩好，不過有時個飯要等好耐，
呢1點又要扣分。

同師兄弟講開個語音翻譯機，IT人拎個手機apps出黎，
不出所料真係有呢種apps，不過實測過後唔多可靠咁，
試過講左句日文(日能試果句因為天氣好所以去散步)
佢顯示到完全正確o既字句(估唔到我都讀得幾準確喎)
但就load左好耐都無翻譯做中文，又試廣東話翻日文啦，
講左句「今日食左飯未呀」佢又係寫o岩晒d字，
但譯做日文時「食左飯」居然變左英文字母拼音，
我諗佢認唔到d口語好似左呀、咩呀、o既呀之類，
變左硬班班將個左右個左插左響個食字後面，譯唔到，
可能要用廣東話講書面語「今天吃飯了嗎」先翻到。

平時lunch時段呢間野座無虛席仲要外面都唔少人等緊咁，
終於等到星期6，雖然1向都唔多好食米線之類，
但見間野咁受歡迎，點都想試下係咪真係咁正，
果然今日lunch時段好疏爽大把位1人坐1檯位唔洗答檯。
(可想而知禮拜6幾多人番工丫？自己要番工諗起都陰工)

響點餐紙剔左小鍋米線走芫茜自選配料加雞肉、午餐肉、
芝士腸、火腿，等到碗野埋黎，發現唔係我想像o既米線，
而係睇落似意粉咁粗但比意粉軟o既野，食落又唔太差喎，
之前食過d米線好幼吸唔到d湯味淡貿貿，呢隻算合格，
好似d日式拉麵咁比埋隻匙根你可以1路食麵1路飲湯，
可惜個湯底酸酸地唔多吸引，但d配料煮得唔錯，
雞肉同塊餐肉都好夠味，加番分，埋單43蚊。
 

得知會有呢件產品果刻，的確有動搖到我學日文o既意慾，
萌生「有左呢部野，仲學外語做乜？」o既諗法。

不過諗深層香港人最須要用到o既日文唔係講，係聽同睇，
除非去日本旅行，唔係o既話講呢part真係最少用得著，
講比邊個聽姐？你有日本朋友咩？

聽方面，正如尋日提及，睇日劇唔通下下o禁停等部機翻咩？
除非部野可以做到同步翻譯啦，但我相信就算科技幾發達，
都無可能做到同步翻，除非發展到可以直接連繫大腦神經，
或者可以感應到腦電波之類，唔同o既語言文法次序都唔同，
就以中文同日文為例，中文o既「因為」、「雖然」擺句頭，
日文就擺句尾，有可能全句意思o既轉捩點就係最尾個字眼，
唔聽晒全句都唔能夠正確掌握到內容，又講，中文動詞擺前，
名詞行後，日文普遍相反，仲有，同1個音好多時有唔同意思，
例如聽到書展其實想講舒展根骨，聽到色心原來後面有栽陪，
跳樓後面有腰舞、過左新後面有加坡、睇佢沖涼後面有茶，
如果只聽前面就譯意思可以南轅北轍，所以同步幾乎無可能。

查實呢種技術唔係應該早就有啦咩？手機無呢d翻譯apps咩？
iphone都有析別語音o既機能啦，要做到有幾咁難？
部翻譯機結構亦唔見複雜得去邊，只要1個收音位1個播音位，
我諗最值錢係個翻譯程式姐，1直以黎d電腦翻譯系統都9唔答8，
google就係個好例子，如果佢做到自然o既翻譯，
根本整個apps裝響任何1部智能手機都搞得掂，
隨住去日本o既中國旅客激增，部野響國內市場應該好有潛力，
遲d仲可以crossover埋初音版(反正都係機械聲)之類仲吸金呀！

不過件野新出就話得意姐，如果日後真係普及左，
個個遊客都渣住部機講1句然後等佢發出d怪聲，
相信對方會覺得好煩，做呢件事亦唔會好睇得去邊，
商業上應該都唔接受用咁o既方法傾生意，好無禮貌咁，
比著我係老細都係正正經經請番個翻譯員好d。

有無諗過有部機只要對住佢講自己o既語言，
就可以即使翻譯做第d語言，以後世界再無語言隔膜，
叮噹入面亦有類似o既法寶，但呢樣野似乎真係有啦！

日本公司Logbar發佈左呢件名為ili o既產品，
就係可以對住佢講自己o既語言，即時變做其他語言，
仲搵個鬼佬拍埋條片示範講英文點樣轉日文，
然後響日本街頭周街要求同d女仔kiss...
根據片中翻譯出黎o既日文又好似幾自然，
唔似google果d9唔答8，睇黎呢個技術相當成熟，
定係google果個翻譯寫得太求其？

係幾夢幻o既科技，諗諗下，咁仲學外語做乜？
用呢部就解決晒啦，都係o既，如果呢部機面世o既話，
但聽呢？同人講你仲可以遞部野比人，
睇電視呢？電視唔等人架嘛，1句1句比你慢慢翻咩？
就當可以慢半拍咁族句翻丫，咁咪要1直聽住d機械聲？
又或者去戲院睇戲或舞台劇用呢部野就騷擾到其他人，
睇呢？睇書唔得啦掛？部野唔可以scan d字讀番出黎掛？
不過相信呢樣野係遲早o既事姐，仲有1個大問題，
響條街人多車多咁嘈部野咁細部真係聽得清楚？
有時手機響都未必聽到啦，室內用就得o既，
雖然條示範片貌似響鬧市拍o既。