是日乃呂少大喜之日，其實有d唔想佢咁早結，
同輩o既1個2個都結左婚對自己黎講亦意味住響起警號，
以前就話佢都未結佢又未結慢慢黎都未遲丫唔洗急，
衣家同輩間未結o既都所剩無幾不得不開始著急啦。

講番婚宴，我都係夜晚7點幾到步，無參與之前o既活動，
幾年前都笑言講過唔想做兄弟，睇番佢地d花絮，
果然被女家玩得幾狼背，又要披住件肌肉道具帶豬鼻、
著草裙跳舞、又做埋d奇怪指定動作，好似玩獎門人咁(笑

諗住會見番好多以前d同學，點知得王建築師同陳生兩個，
雖然仲有艾文果d，但其實未同佢同過班，仲有亞風同大隻，
真係比想像中少，本以為剩係中學圈子都可以坐兩圍架嘛，
好多應該會黎o既都無黎，例如兆偉(飛左去日本)、黃雀等，
以前呂少有參加過佢地婚禮o既都無黎到。

自問自己都算係橫跨呂少最多圈子o既人，
中學啦、正形啦、IVE啦、珠海啦、art center啦、道教啦，
但入場簽到果度係完全生面孔(仲問我係男家定女家)
我將人情交左比佢地(見仲有位師兄弟都咁做我又跟住做)
諗諗下有d唔放心添，黃建築師同陳生就醒啦，
佢地親自遞交比呂少本人。

跟住巡例播雙方童年相片、宣誓、向雙方家長敬茶等，
然後就大家食野，今次呢間d侍應幫你畢好晒先上檯，
唔似得之前食過果d碟大野擺檯中間，然後先族個位畢，
明明每次都細細碗，仲要有幾味我都無食到，
但都食到個肚好脹，又破戒食左蝦，佢細細碗炒飯，
居然放5粒蝦，出面d茶餐廳1大碟都係大約放5粒蝦炸，
衣家都驚皮膚病又發作。

聽朝又要早番工，所以到11點左右同陳生先行告退，
佢地應該仲繼續隊酒，alan醒目，渣住條車匙，
就係最好o既免酒金牌，講起黎今個禮拜都連續出7日街，
好在黎緊禮拜3公眾假期可以好好休息 XD

又係巡例記1記啦，比自己知道隔左幾耐無剪髮。
聽日要參加老友婚禮，剪靚d個髮都好o既~
(咪又係帶帽)咁帶帽無後面長出黎都無咁整齊嘛。

今次又係同上次1樣要求剪番個髮型師個髮型，
感覺佢剷得比上次更薄，更大膽咁剃落去。

講開又講，幫襯呢間髮型店都好多年橫跨我幾份工，
無記錯o既話應該由做亙動果陣已經用開呢個師傅，
跟住做G鬆做辣椒做對上土瓜灣份工再到衣家呢份，
前前後後我都轉左5份工，其實G鬆同土瓜灣果兩份，
都做唔過3個月唔應該計埋落去 XD

台灣近期流行1個咁o既梗：長頸鹿飲熱咖啡，
當d熱咖啡流到喉嚨o既時侯已經凍晒，
你有無諗過？無啦，因為你只係諗你自己。
然後發展到你有無諗過乜野乜野(其他野代入去)
後面接番無，因為你只係識得諗你自己。
日文版：~について、考えたことある？
ないでしょう？だって、あなたは、
自分のことしか考えていないから。

個梗o既由來聽聞係出自台灣人對6客o既不滿，
話佢地埋怨得唔到同其他外國人同等待遇，
只識諗人地點對佢地唔好但又唔諗點解會咁之類。

之所以講呢句，就係諗起追我稿果位同事，
佢只係識諗我遲交貨，無諗過我手頭幾多野做，
(而多野做又唔係我接番黎，我都唔想架！)
唔止咁樣，有次公司高層同我講緊野，
佢居然又同時同我講佢單job要點點點做，
我同時間點接收兩個唔拉間o既訊息呀？
點解佢完全無下意識等人地講完佢先講？
果個仲要係佢上司都咁樣搶咀？換轉係我，
就算句野講左1兩個字，反射神經都自動煞制，
等人地講晒先再從新講過，由此證明，
佢真係完全只係識得諗佢自己only。

呢套都好耐之前，新海誠o既作品，出名神作畫，
好想睇但1直都未睇，見youtube有高清版喎，
就抽個零鐘黎拜讀下呢d大師級作品。
(youtube有o既片最好盡快睇，唔知幾時會cut)

呢套係分3個單元，講男主角由細個讀小學、
上高中、大學、出黎社會做野o既歷程，
男主有位幼馴染女友小學時期臭味相投1齊玩，
到高中時因讀書o既地方唔同而分隔兩地，
慢慢小左聯絡，出黎做野更加係各行各，完。

係呀，主線劇情就係咁簡單，仲有d小插曲o既，
高中時期有個暗戀男主o既滑浪少女，
but男主無show佢，個人認為呢part唔多重要。
可能會有人問點解叫秒速5厘米？
純粹係女主講左句「花葉飄落速度係秒速5厘米」
有咩喻意？型囉！講句懶有詩意o既野黎做戲名，
其實同套戲無乜太大關係，就算叫晚餐5碗飯、
或者叫擦膠5蚊舊都無乜分別。

睇完後，全個作品主要係帶出1樣野，就係遺憾，
兩人明明可以1齊，就係兩邊都唔肯行多步，
果段youtube片下面堆留言，個個都感觸良多，
有d話睇3次喊足3次，有d就感同身受咁，
我就唔覺有咁催淚，不過完食後係唔多愉快o既，
最尾果幕，大家天各1方你有你生活我有我忙碌，
係街上偶然撞到發現(頂，居然諗起7海個廣告)
熟悉o既身影刷身而過，電車經過後，
男主以為女主會回望佢，結果係人影都無...
唔洗下下生離死別o既劇情先令人傷感o既，
有句說話最遙遠o既距離係佢響你身邊但變陌路人。

講番呢套賣點，神作畫，雖然係幾年前o既產物，
但場景精美到就算衣家o既動畫/OVA都無得匹敵，
不過響咁靚o既背景下就顯得人樣方面有d求其，
明明光影演算都落晒味精偏偏人物就咁單調，
甚至某幾幕有d崩壞添。

鬼節過左啦(點止呀？中秋節都過左1排啦)
之前都試過係鬼節期間會有怪事發生，
巡例講番今年有無咩怪事發生？係無o既，
好事丫！我都唔想有咩怪事發生，
最近都大膽番d經常自己1個訓新居。

由2012年8月訓教醒左見到怪影至今都3年，
都持續左兩年幾經常見到怪影，後來發現，
d怪影只係將遠距離o既野局部+不規則咁，
隨機抽出黎睇到好似響眼前有如海市蜃樓咁，
科學d講係訓醒果刻大腦錯誤判定映像距離感，
只係短暫誤判，當個引擎run順左就正常番。
but第1次見到o既蜘蛛怪影仲係不解之謎...

慶幸地近呢1兩個月來呢種怪現像無乜再發生，
有d似charlotte入面d人響青春期間會激發異能，
過左青春期又會變番正常咁樣，我o既能力，
就係能夠產生(?)遠距離物件o既殘像...？
只係呢個能力係無實際作用，過1排又消失。
不過我唔係青春期啦(笑)，又或者近來早訓，
所以身體機能都健康左無乜再出現怪毛病？