大6都算積極開發動畫，呢個妖怪名單又係騰訊旗下作品，
又係以妖魔鬼怪做背景，點解講又係？之前有套王牌御史，
都係講捉邪捉鬼，不過果套根本就係賣低能同痴_線，
呢套妖怪名單相對黎講認真番d，睇得出有心走青少年路線，
有美少女有賣萌，可惜水準依然參差，動作生硬唔流暢，
人樣經常崩壞，有d情節亦睇到我不其然起晒雞皮，
睇半集都想cut唔想睇落去，不過都睇埋落去啦，
只係純綷想了解大6做到咩水平，其實個題材尚算OK丫。

故事講有樹精(?)化做美女勾引男人然後吸佢地d精氣，
毒L男主突然溝到條靚女(女主?)，但又比呢個樹精勾引，
女主(暫時先啦)走出黎救駕，同呢個樹精戰鬥，
原來女主都係妖怪仲要好抽得，其實個男主係特異體質，
吸到佢精就可能功力大增，跟住...跟住無睇落去啦 XD

人設係走日系風格，女主仲有d狼與香辛料赫蘿o既影子，
查實某幾格frame定格黎睇作畫質素都有可能o厄得下人架，
anyway，keep it on啦~做多d動畫應該會越做越好，
總好過拍咁多礦日奇俠之類o既野丫。

大家平時響屋企著咩衫？我o既宗旨係出街衫要好睇，
屋企衫好唔好睇唔重要最緊要舒服！

近排響uniqlo見到有賣起居衫褲，摸落d質地OK爽喎，
價錢又唔貴，衫平均幾十蚊件，褲都係100蚊條左右。

買左幾件試試，著左排寫番個報告：
衫係堅舒適，只係裡面腰部位置有d label要整走佢，
都唔知點解整塊label響裡面阻住晒，要整整響外面啦。

褲都1樣有lable要自己整走，有褲頭帶都唔係咁like，
唔綁又條條fing，綁左每次去廁所都要做多個解帶動作，
仲有褲腳又有整橡根修窄，搞到有條野箍住小腿咁，
but布質黎講洗左水後都算舒服o既(未洗過水略嫌太滑)

以上起居衫又好褲又好都係買XL碼，都係果句啦，
響屋企著最緊要舒服，寧願鬆身都唔可以窄身，
但XL著上身都只係o岩o岩好，喂，我算中等身型喎！
咁d肥o既都唔知點著。

如果可以將日文每個字拆解得到，就易明好多，
今次講講日文o既「可能」，唔係講可能型，
係講「かもしれない」或「かもしれません」，
例如「明日は雨が降るかもしれない」，
解作「聽日可能落雨」，咁點解後面又「ない」？
感覺好奇怪，好似否定緊前面o既意思咁，
直至有日響3聯打書釘睇1本N4日文書寫到呢句，
用左漢字「~かも知れない」即劇恍然大悟！
用番頭先果句「明日は雨が降るかもしれない」，
真正直譯應該係「明天落雨嗎也不能知道」先正宗，
「~嗎也不能知道」咁就似「可能」呢個意思啦。
族個族個字拆：
「明日は雨が降るか」=「明天落雨嗎？」
「も」係助詞解「也、亦都」
「しれ(る)」係「知る」o既可能型，能夠知道咁解，
轉左可能型後變左下1段動詞接「ない」唔洗音便。
如果1早將「しれない」寫番漢字咪1目了然囉！
不過日本人多數就咁寫ひらがな連某d教科書都係咁，
所以先唔知呢句野o既真義。

順帶講講「知らない」同「知れない」o既分別，
前者係「唔知道」，後者係「唔能夠知道」
今晚去邊度食飯用「唔知道」，但可以知道架嘛，
所以唔可以用「知れない」，下期6合彩開咩？
衣家係「唔可能知道」架嘛，就用「知れない」。
(你唔好駁咀話等下星期6合彩搞完珠咪知囉 XD)

不過仲有好多句型只係硬記意思仲未拆到背後原理，
好似「~ようにしている」解「盡量做~」
照譯係「(動詞)咁樣持續做」邊度有「盡量」意思？

或者咁o岩你又想應徵呢間公司，又上網查下公司背景，
比你搜到我呢篇網誌，或多或少可能比到你想要o既料，
不過多數對你無乜太大幫助，當係從另1角度參考下啦。

呢間公司位於新葡江，響鑽石山地鐵站河里活廣場出口，
行出去有條行人天橋，過完條天橋又1條行人隧道，
隧道出去之後似另1條村，有屋苑有學校，學校向右邊行，
就到工廠區，工廠區無乜交通燈d車亂行亂過，再行多陣，
先到果等工廠大廈，老實講行o既路程都算遙遠幾唔方便，
如果日日番工都要行咁長條路實唔多爽。

果棵工廠大廈都係舊式升降機，要自己開門果隻，
上到公司啦，都算幾企理，正想規模公司1間，
然後又係填form啦，我應徵design，同場仲有兩個填緊，
填完form就入房傾計，個女人in我，先要我自我介紹啦，
跟住佢又講解番佢公司業務啦，佢地話有接開政府job，
例如d叫人注意個人衛生o既宣傳單張小冊子之類，
但係以投標形式去競投，即係政府出條題，
就唔知幾多間呢d咁o既公司去投稿睇下政府簡邊間做，
咁咪即係政府唔揀你就等於白做囉？係架，
佢話如果你掟10件野過去全部都buy你就代表你好野，
有幾件buy你都ok啦，但10件都無下文就自己撿討下啦，
我1聽到呢種形式都覺得無乜興趣做，最憎白做架啦！
浪費d時間同心機到頭來得個吉係情何以堪？
然後又係番去等消息啦~鉛！

無錯，3個月前都開過1樣名o既topic，
因為之前個無線keybroad好多先天性缺陷：
1.print screen同home掣痴埋要用fn掣區分
2.上下掣同左右掣1樣高度唔多就手
3.F4同F5/F8同F9間無分隔開(呢個簡直係死罪
點解咁強調F4同F5要分開？玩RO用慣快速鍵，
D技能放晒響F1至F11，無理由每次出招前，
都望下個鍵盤架？1定用觸感區分快速鍵位置，
摸到左邊排掣中間個空位即刻知到呢粒係F5，
摸到右邊排掣中間個空位即刻知到呢粒係F8，
但之前個無線keybroad F1至F12都痴埋1排，
點適別呀？都唔知隻手指移到去F3定F5。

咁就出灣仔188物適另1款無線keybroad啦，
但通常齋無線keybroad都係好似之前果隻細size款，
1係正常size果d就跟埋mouse，我有mouse啦，
唔通格硬要我食多隻做後備咩？價錢又貴d，
1d彈性都無，估唔到要搵齋無線正常size鍵盤咁難，
後尾走到灣仔電腦城，終於響間叫Letsgo o既舖頭，
(其實間野招牌係Logitech算係Logitech專門店掛？)
搵到Logitech正常size o既無線剩keybroad啦！
呢隻形號叫k270價錢148蚊，原來佢個無線發射器，
係支援其他Logitech產品，例如佢d mouse，
只要無線產品底部(應該係)有橙色icon就拾扑到，
好似d keybroad mouse套餐咁唔洗霸兩個USB位，
橙色icon側邊有該產品o既S/N用黎適別唔怕撞，
不過要先上佢地官網下載番個軟件先用到。