ずっと日本語でブログを書きたい、だからやってみる。
もちろん文法がおかしいはず、それはまだ下手から、笑うな。
きのうはどこも行かなかった，大体いえでアニメをみた、
ところで、パソコンで日本語の入れることについて、
小さいな字の入れ方が知っている？
例えば「ずっと」の平仮名は「zu tu to」が、
もし「zututo」を入れたら、「ずつと」出すだけ、意味ない。
正しい入れ方は「zuxtuto」、小さい字の前に「x」を入れる。
でも、「x」を入れなくでもいい場合もある、
例えば「今日(きょう)」は「kyou」入れるだけ。

搵笨係指價錢，普偏超市賣緊19蚊左右，得16粒，
只係獨立包裝左，睇落好似好多粒好come食，
其實份量只係平時兩包，1包普通裝繽紛樂都8粒啦。
超市有賣3條同綑版繽紛樂，記得好似都係19蚊左右，
即係咁上下價錢仲少左8粒添。

另外順便講下同廠o既朱古力康脆麥(4包裝賣約17蚊)
標榜好有營養有牛奶有5種穀物對象for小朋友，
比起繽紛樂味道確係次1等，不過用黎補充營養，
可以考慮o既，平時就咁食應該唔係太差掛，
唔好食完繽紛樂再食康脆麥就無咁覺 XD

自細對日本就有情義結，讀書時期亦同呂少報過兩次日文班，
1次係富士，1次係東亞，但唔知點解讀黎讀去都仲係初班，
後來都斷斷續續咁買書自學，近年多得youtube出口老師o既影片，
買埋大家的日本語進階I同II跟住佢咁上堂，自己學都係無咁肯定，
尤其是d讀音，總之有個人講埋出聲咁教就穩陣同印象深刻好多，
天下無便宜午餐o既，佢個教學只係教到進階II，中級無教落去。
我當然唔會滿意目前呢個程度啦，把心1橫搵間日文學校報讀，
當然我唔想再由平假名片假名開始學起(都讀過兩次初班啦)
想1報就報中級，睇過好幾間日文課程，都要求有讀過幾多個鐘，
又或者要pass左N5先比報之類，眼見我打算報呢間好似幾彈性，
可以隨便插班，甚至有得試堂，鐘意比住1個月學費先上4堂都得，
而且睇落地段都方便，好，就直接搵上門睇下乜料啦。

地址原來係正我前公司(未搬前)o既對面，真係同呢條街好有緣，
心諗如果我初入辣椒果陣報埋呢間，話唔定到今日都pass埋N1啦。
走到上門，度門鎖實喎，有位(擬似)學生幫我o禁門鐘有人黎開門，
入到去得d課室之類o既野，我想搵個接待處之類o既問下詳情，
睇下有無d課程單張，或者報名手續之類，無架喎！
跟住招呼我o既就已經係1位亞sir，佢講解佢地課程同出面幾唔同，
仲比佢考我「唔飲」o既日文點講，我居然1時口快答錯左，
唔記得將個mi音轉a段，其實我係認知呢個道理架，只係無實戰過，
平時唔多講先會犯呢d錯，試問平時講得多靠自然反應都唔會錯啦，
最重要o既係，我只係想諗住搵個reception傾下，完全無備而戰，
佢又唔考我「唔食」點講喎，呢個唔洗轉基本上唔會錯啦。

anyway啦，我就同佢講左會報讀，問有乜手續，乜手續都無，
只要下次上堂果陣交錢就可以，夠爽快，就咁決定啦 XD
下個再下個禮拜先上堂，趁呢段時間自己惡補1下唔洗到時咁樣衰，
but唔知佢所謂o既中級又係點樣o既中級呢？間間中級定議都唔同，
大家的日本語中級就聲稱N3程度。

想讀日文真係只出於情義結，比你考到個N2有無得搵食？應該無，
香港太多人識日文，上勞工處搜過N2程度o既工，居然得1兩份，
仲要係上個月貼到衣家(如果搜設計平均1日都有5份左右)
人工仲同洗碗無乜分別，算啦，我只係覺得有機會學到上另1層次，
有d skill就算幾有前境都好，唔入腦都係無用，學唔到就係學唔到，
我只係諗，識多樣日文點都好過唔識日文，咁就夠，
如果衣家唔讀，又係原地踏步，今年年尾打算試考N4，
考到就等同1個check point，下次唔洗砍掉重練。

踏入夏天好1段時間衣家先黎遊水，前往斧山道泳池，
1邊行到大間入閘機1邊心諗「泳池~我來啦~」
比個職員勸止，話衣家個大池維修中，得個兒童池，
要到16號先維修完，佢做手勢水深只係去到失頭哥，
咁咪連坐低都浸唔到上胸部？

但係撻著左副計帶齊裝備，無理由就咁折返咁掃興假？
就答地鐵到觀塘泳池，雖然以前遊親呢個池都係中伏，
多人到遊幾步就撞到人，不過當時係下晝4點，
話晒都番工/番學時段，仲未放暑假，應該無咁多人掛？

結果，雖然無夜晚遊(7點到10點)果個時段咁人迫人，
但都係多人到無辦法盡情暢泳，主要都係浸水咁，
都有遊過半個池o既距離o既，技術都無乜生疏，
日頭黎呢度都係第1次，經烈日暴曬o既露天池好舒服，
然後番去室內池d水凍好多，唔知係咪因為咁冷親，
遊完水後個人都有小小病病地。

做左咁多年出版，都無正式用過illustrator個output配套，
基本上indesign搞掂晒illustrator根本派唔上用場，
係之前d小說封面會用ai出，封面底書脊連書扉1個檔，
d裁位都係自己拉條線上去，仲有拉埋條虛線表示摺位，
另外有d特別形狀o既好似襟章呀、書角套果d都用ai。
做上1間公司果陣發現佢地砌書居然係用ai，
原來1樣有1次過output多頁o既配套，唔洗1頁1個ai，
響ai區分頁數o既就係叫工作區域，要做多過1頁，
就要響文件設定果度揀編輯工作區域，
然後畫面就會變暗剩番你個工作區域係光o既，
跟住只要揀你個區域o禁實alt就可以拉出另1個區域出黎，
如此類推，到output pdf果陣1樣可以1次過out好多版，
亦可設定自動附埋裁位出血位之類。

雖然ai都可以排書，但個人認位點都無indesign咁方便，
始終ai仲可以用黎繪向量圖，indesign只係針對排書。