1向都覺得只有西瓜帽最襯我o既面型，
帶左都自我感覺良好，自信心都多左。

市面上有賣帽o既服裝店舖係多，
但係好少有賣西瓜帽呢種款，就算有，
都可能係粉紅毛毛心心呢屎邊果d女裝款。
1見到有賣中性o既西瓜帽就想買，
因為可遇不可求，最近響NOP見到有賣，
1頂啡色款前面有條裝飾帶無咁單調，
仲要特價左唔洗100蚊(原價3舊幾水)
可惜只剩番陳列品，無買到，猶疑左幾日後，
放工都係去買(好彩仲響度)番去洗水，
反正咁平就算洗水變左型都無咁肉赤，
好在洗完水後都無乜違和感。
同場仲比我見到另1頂卡其色款西瓜帽，
不過無做特價，要3舊幾水，但有新貨，
殺你！咁就多左兩頂西瓜帽。

啡色果件用黎襯啡色衫專用勁match，
卡其色果件試過用黎襯灰色衫效果唔多好，
尤其是答V領果件灰色T，非常唔掂，
襯黃色衫反而意外地夾到喎，順帶1提，
頂卡其色帽帶起上黎出奇地舒適！

同illustrator都相處左1段日子，係度分享1下唔知算唔算心得o既野，
首先要了解呢個軟件o既概念就係1個AI檔案可以開好多個工作區域，
同indesign唔同，illustrator每個工作區域可以唔同大細，
1個工作區域內做你o既作品又得，分開好多工作區域做唔同作品又得，
每個工作區域可以獨立output亦可以1次過output晒全個版面，
工作區域內亦可以有幾個工作區域，總之就好自由地任你開。

最近最常用o既hotkey係alt+o、c，係，呢個好似瞬獄殺o既指令，
唔係1次過o禁alt+o+c，其實係alt+o開物件果欄再o禁c建立裁切線，
咁就即劇將個指定o既方框整個crop mark(呢間公司d同事稱為角線)
以前響辣椒做小說封面果陣唔識呢個功能，居然自己畫裁位 XDD
順帶1提個指令只適用於PC版，mac唔支援用呢種方式開上面欄野，
順帶2提，響效果果1欄都有另1個整裁位o既功能，但兩個性質有異，
後者整出黎o既裁位係連住物件唔可以獨立拆散或局部移除裁線。

另1個指令就係shift+o編輯工作區，仲有1個係無預設hotkey要自己set，
係位移複製，呢個功能係可以將你指住o既物件以指定size增減複製1個，
簡單d講你整左個2x2大o既正方形，可以用呢個+1變多個3x3正方形，
或-1變多個1x1大o既正方形等等。

原來ctrl+3隱藏功能響illustrator係咁有用，以前仲覺得呢個功能多舊魚，
要整走舊野咪直接del囉，隱藏黎做乜姐？貪得意呀？
但響illustrator經常出現上面舊野遮住下面舊野情況，呢個功能就大派用場，
可以暫時收埋舊野，做好晒下面要做o既野之後再1次過ctrl+alt+3放番出黎，
雖然開layer都可以避免咁混亂，但有時我要處理o既唔1定係自己做o既稿，
有d友仔(其實自己都係XD)懶得開咁多layer架嘛，1堆野放晒響同1層。
indesign同樣預設ctrl+3係隱藏，不過1直比我set左做框架符合內容大細，
但用indesign做左咁多年稿無呢個指令1樣用得桌桌有餘。 XD

仲有呢個同樣適用於illustrator同indesign o既常用指令就係x同/，
x就係切換物件方塊或者係外框，而/就係將物件或外框變做無顏色。

預設ctrl+d呢個指令響illustrator同indesign就完全唔同功能，
illustrator呢個指令係以慣性規律方式重覆頭先o既步驟，咁講有d難明，
實際上係例如copy左舊野，響右邊paste番出黎，再o禁多次ctrl+d後，
就會同你響再右手邊paste多舊野出黎如此類推。
以我所知indesign就無以上呢個功能，而佢o既ctrl+d係置入。
 

查實小弟有唔少日文係睇網上視頻教學自學番黎，
例如之前提及o既出口老師，but佢只教到大家的日本語進階II，
當然唔滿足，想搵d再高深o既，響youtube搵到套標準日語，
呢套野有初級、中級，1集半粒鐘，係好有系統o既教學影片，
唔係出口果d就咁對住個cam自拍，呢套搵埋演員拍埋處境戲，
每集開場仲有主題曲，不過係好多年前o既產物所以好老土 XD
睇劇入面d人髮型衣著同埋用o既電視機、電腦，
推斷出係80年代，而且好有以前讀書睇教育電視o既feel，
(唔知衣家香港仲有無etv呢？)雖然out左d，但學到野o既，
不過對我目前o既程度黎講都係幾深奧，應該有80%聽唔明，
套野d日文講得幾快，就算係講d我識o既句子都可以聽唔出，
而最奇妙o既係，呢套野居然係由中央電視台拍o既！
估唔到以前中國會拍日文教學電視劇認真難以置信！
套野仲有課文，睇睇下主持會叫大家番開課本第幾頁，
我都想要果本課本呀！有無可能買得到？

唔知獅球乜果隻獅子同家樂氏果隻老虎打交邊個贏丫拿？
以上出自某PU節目主持，不過呢個gap可能就快唔用得，
最近d家樂氏產品都比馬騮取代晒，講開家樂氏可可米，
對上1次食果次如無記錯o既話好似都未開始寫呢個blog，
以前都覺得幾好食，只係好快食完1盒覺得有d唔化算。

最近買番盒黎重溫1下，咁多年後盒面o既建議食法都係錯！
佢建議大家先將可可米倒滿半個碗然後再響上面林上鮮奶，
可能倒奶果下會有種好爽o既質感，因為奶o既衝力，
令可可米之間產生清脆o既碰撞，但係我可以肯定咁話你知，
咁o既食法除左頭兩啖好鬆脆可口之外，其餘果d肯定林晒。

個人認為真正o既食法係先倒奶落個碗度之後倒幾粒食兩啖，
再重覆倒幾粒食兩啖咁，可以盡量保持每啖都鬆脆可口，
咬落去clark clark聲，而且食幾多倒幾多都比較come食。

另外再買埋同廠o既格格脆，其實味道同可可米無乜分別，
但係每粒野太大粒，變相1啖只係食到兩3粒格格脆左右，
導致覆蓋範圍唔夠廣(?)，食落無可可米咁爽。
都係1樣啦，唔好按照官方食法，倒左奶先好倒米，
唔係就好快林晒，仲話格格脆喎，格格林就真。

雖然完左1段時間，不過衣家先黎完食，
呢套係個人認為今年4月番中最有睇o既價值o既動畫，
人設有魅力、作畫水準高，故事講吸血鬼侵略，
主角優一響吸血鬼統治下o既都市好似家畜咁供血比佢地，
有日基友米迦反抗犠牲自己令優一逃出管治範圍，
優一從軍努力習武誓要為基友報仇，點知其實米迦未死，
仲比吸血王女變埋做吸血鬼，中間劇情以優一軍校(?)生活為主，
優一慢慢從目中無人獨斷獨行態度慢慢變得會顧及隊友，
尾段就黎1個吸血鬼大規模襲擊，人類軍總動員抗戰，
優一同基友重逢，親手桶左基友幾刀，優一暴走，
然後又再同基友各散東西第1季就告1段落10月繼續。

當中王女克魯魯人設令我中槍，好期待佢o既活躍演出，
可惜出場機率係偏少，女角好感度比筱亞慢慢取代，
根本筱亞同克魯魯差唔多款，又係果種貧乳未成年女生，
但擺出1副同佢年齡唔相符o既高傲同自信神情，
只不過係換左髮型髮色，個樣幾乎都係同1個模組 XD
呢種高傲少女應該只有ACG先會出現o既設定，
能夠有咁o既態度，背後1定有傲視同群o既實力或背景，
現實中乳臭未乾o既少女邊度會有漠視1切o既實力丫？
正因為咁呢種超現實o既設定值先至咁吸引。

不過筱亞亦會有感性o既演出，見同伴有危難會顯現緊張，
其實呢種表現同佢o既設定幾格格不入，或者呢d叫做反差萌？
應該貫徹果種冷眼旁觀o既態度先符合佢o既個性嘛，
到尾段仲會顯得愛上優一，呢個展開雖然唔反感但唔多自然，
因為集數倉促，根本唔夠時間去建立呢種關係，有d格硬黎。

講下其他角色，亞朱羅丸(優一把劍)又係克魯魯果d冷傲款，
費里德又會擺出筱亞果d冷嘲熱諷態度，感覺呢套作品，
d角色性格好多都重疊，同1種台詞只係換左另1個角色去講，
有幕費里德諷刺米迦同優一o既愛，感覺係搶左筱亞台詞，
呢d對白唔係應該由筱亞黎講咩？