本來只係睇左兩集都唔想寫咩評價，
不過暫時都有好多吐糟位唔講唔舒服。

先講講個故仔，紅頭髮少女個名叫白雪，
比佢地國家o既野蠻皇子睇中要迫婚，
白雪唔制離鄉別井，得另1國家皇子伸出援手，
之後白雪就走去呢個國家生活，大致係咁。

首先，白雪係個藥劑師，幫村民執藥，
離家出走前都不忘執埋d藥比邊個村民，
我以為佢會將d藥親自送去或寄出去丫，
但竟然就咁將d藥hea響佢屋企檯面？
邊個跟進呀？以為黎捉佢o既士兵會跟進埋？
話離家出走就離家出走，點解可以咁求其？
唔洗同父母或屋企人交代咩？
或者個皇子要唔到人會威脅佢家人安危，
不過暫時唔覺呢位女主角有父母，
好似響舊石頭爆出黎咁，睇佢個款都幾乖巧，
理論上呢d乖乖女應該會向家人交帶1切嘛。
跟住個野蠻皇子都係捉走左白雪啦，
然後另1國家o既皇子連同兩個下屬(?)
直接闖入野蠻皇子個架部英雄救美，
喂？你咩野皇室黎架？咁少侍衛把守架咩？
區區3條友就可以闖入黎救人？殺埋你都得啦。
第2集啦，白雪出去採藥又比人偷襲擊暈，
捉到荒廢大宅，居然無對白雪H(算啦唔係重點)
呢位他國皇子又唔知點解可以搵到個荒廢大宅，
而且仲要單人匹馬去營救，有勇無謀。

我明，其實呢套應該算係d治癒系放閃劇，
純粹係睇美少年同美少女o既浪漫發展姐，
唔應該深究d情節合唔合符常理o既，
but堅睇唔過眼囉，咁簡單o既野都諗唔到，
如果佢係科幻/魔法題材本來就唔make sense，
我都唔會吐糟，但呢d唔涉及不思議元素作品，
好心就將d情節整得正常d唔好咁多bug位啦。

食軟飯就聽得多，泛指男人比(有錢)女人養，
其實我都鐘意食軟飯，係真係擺落口食果D喎！
軟飯點煮出黎o既呢？就係煲飯落越多水越軟，
相對地落少水(水位o岩o岩浸過d米或以下)就硬，
今次專登試下落到水位係d米o既大約兩倍高度，
出黎o既效果真係軟林林，而且d飯多左3倍 XD
煮完出黎d飯仲高過之前o既水位，突然諗到，
呢種煮法好適合3種情況：
第1.想減肥但又想享受食野o既過程，
因為都係咁多米，只係變大左，但come食好多，
脂肪攝取量應該無乜分別，頂多咪多左水份。
第2.窮/慳錢家庭，1個人o既份量可以3個人食喎。
第3.奸商食市，整1碗飯只落3份1米節省成本。

真係幾好食，口感1流，但我諗下次水份要減小d，
兩倍水位煮出黎食落都有水味，扣小小分。
以前聽人講煲飯果陣落得多水會變粥，都唔得o既，
都唔知邊個傳出黎，不過落兩倍水煮出黎都變3倍，
再落多d水我諗煮完d飯高到貼住煲蓋都得 XDD

心水清o既朋友應該都知查實呢種飯o既密度好低，
只要用磁根壓落去就可以壓扁變到好似蘿白高咁樣，
壓落去果陣加小小油可以響面頭磨滑佢，幾靚架，
仲有dd反光添，諗諗下用呢個方法整壽司都唔錯喎，
而且應該仲可以捏得實淨過普通o既壽司唔易散添。

3個禮拜前發現米缸淪陷(詳情見上個月24號篇日誌)
而亞媽話佢呢段時間內將d米倒出黎人手捉走d蟲，
其實聽完都覺得邊可能清到丫？尋日番番舊居1睇，
打開蓋係就係無乜蟲，chok兩野咪爬晒出黎囉，
咪又係1樣咁多，同上次見到o既情況根本無分別，
唔單止咁，隔左3個禮拜d米o既數量亦無分別...

於是今日買左包5公斤新米，將原本米缸d米掉晒佢，
果度估計超過8公斤o既米，真係唔想浪費食物架，
我都知粒粒階辛苦，但有蟲丫嘛無計。

目前包5公斤米亦就咁連包裝放響廳，米缸空置左，
隔1排先用掛？最驚係果d蟲真正基地唔係d米入面，
係另外唔知邊度有架部，過排佢地會走番入去，
就好似你掉左佈滿螞蟻o既餅乾，再放番塊新餅乾，
d蟻聞到陣味都1樣識得爬番去塊新餅乾度咁樣。

烹飪黎講好多概念野真係要親身試過先知咩效果，
平時食開公仔炒麵王，先倒滾水入佢地個包裝碗，
焗3分鐘，再響出水口將d滾水倒出，然後再落醬料，
搞雲食得，有類似炒麵o既口感，忽發其想(量燈擔)
如果入面唔係炒麵王o既麵而係出前1丁會點呢？
咁又唔會掉左原本舊麵餅o既，先(半)正常咁食1次，
點解半正常？因為食果陣係保持住半開個包裝蓋，
佢本來係prefer你過完水後就撕走埋張紙(蓋)
而半開蓋情況下亦較為難以撈雲d麵同醬汁，
好啦，食完就先留低個保持半開蓋o既包裝盒，
戲玉黎啦，到下1餐就將出前1丁香辣味麵餅放入去，
然後照樣灌入滾水焗3分鐘，再響出水口倒走d水，
先黎試試口感，估唔到無火烹調下麵身都能軟熟，
而且係柔軟到稍微欠缺彈性，不過唔算太差o既，
仲驚唔夠火力整林佢添，跟住再落出前1丁o既湯粉，
搞雲佢，果然比較難搞雲(本來設計就唔係比你搞)
再落埋麻油，食落其實都唔錯架，別有1番風味添。

其實以前炒麵王係用膠蓋可以正常食完再落其他麵，
甚至無限(?)巡環使用，可惜近年改左用紙蓋，
1搣走張紙個包裝就廢左武功。

結論：可能出前1丁隻麵o既質地唔拾扑呢種食法，
出黎o既效果未如理想(略嫌唔彈牙)而柔軟o既原因，
可能係因為只用滾水浸住無用火去沸騰而浸林左。
 

日文漫畫係最佳o既學日文教科書之1，
搵d自己有愛o既作品睇更加事半功倍，
點解唔講輕小說？輕小說唔係唔得o既，
只係有時睇到句日文雖然好似睇得明，
但其實唔敢肯定會唔會誤解左都唔知，
漫畫有埋情景圖片配合多1個肯定。
點解唔講game？主要係漢字通常無注音，
漫畫有注音可以用日文完整咁讀出黎，
唔洗讀到中間幾個漢字變左用中文讀 XD

心得：如果無乜特定喜好o既漫畫，
更可以去d專賣日文書o既店執平貨(重點)
通常d過期o既非單行本漫畫，
好似少年jump果d，過左期會大平賣，
(主要係因為無乜收藏價值掛？)
尋日買左本過期o既少年magazine，
只係15蚊炸！仲厚過本黃頁有排睇，
入面人氣連載都有妖精尾巴同7大罪，
買本G鬆都係咁上下價錢炸。