洗唔洗咁hit呀？試過只係由新居行去地鐵站o既路途中，
可以數到超過10條友拎住呢個款o既手提電風扇。

其實手提電風扇呢種產品問世左好多年啦，
我細細個果陣已經有，老實講，我覺得帶出街係無用，
試問室外咁大個太陽曬住，咁細把風扇仔做得d乜？
吹得塊面吹唔到個身，仲要吸埋d熱氣吹番d熱風出黎，
唔好話d細野，就算比你帶到家用把大形風扇都無用啦，
其實1路行都會有d自然風，你估把細野夠d自然風涼？
如果係手提冷氣機就或者有d用o既，都咁多年啦，
目前o既科技水平應該做到掛？吹出d冷風已經好好多。

講番芭蕉扇，改到個名咁巴閉有乜特別？
咪又係普通手提電風扇1把，特點應該係USB叉電掛？
er~我唔信呢種技術今年先有囉，至於涼唔涼？
行過見promo放隻手埋去感受下，咪又係咁，
咁細把野可以有幾涼呀？不過真係周圍都有賣喎，
觀唐廣場啦、舊居樓下d電腦舖租碟舖啦、街邊檔啦、
個樣就差唔多啦，只係中間個logo就好多唔同款，
據說原祖o既係共田牌芭蕉扇，紅色好似塊樹葉logo，
牌子名令我諗起米田共，好易記錯米田定田共牌 XD
1個上位就個個都起勢咁抄，唉，大6d商人就係咁，
符合國情丫。

我份人好潔癖，習慣勤洗手，唔洗唔舒服果隻，
呢排用開select佳之選泡沫洗手液[清爽ver]，
用左約半樽，洗到手心爆擦甩皮，雖然不痛不癢，
不過都唔好睇架嘛，所以立即停用，
暫時用Dove沐浴乳[潤澤柔嫩配方]頂住先，
情況有好轉，無甩得咁勁。

其實目前都未肯定關唔關個洗手液事，
可能呢幾日天氣乾燥(會咩？)或者長期開冷氣，
冷氣抽濕力強令室內環境無乜水份容易乾旱？
而呢隻佳之選清爽o既洗手液之前都有用開，
起碼用過3樽，亦唔覺特別爆擦。
but下次買洗手液都係搵d有滋潤性o既比較好。

估唔到呢個入伙只有兩年理應寂寂無名o既新屋村，
繼1年前o既槍擊事件後，近日又再次變做全港焦點，
唔剩係上新聞咁簡單，facebook全個wall都係相關消息，
仲有武媚娘惡搞片，全港市民高度關注呢件事，
家下香港應該無人未聽過啟晴村啦掛？上晒位啦，
年僅兩歲可以同幾十歲o既華富村齊名，講緊係咩呢？

啟晴被爆出食水含鉛超標，起初防署話係水侯匠過失，
話佢接駁侯管果陣無慎揀物料用左d含鉛物質，
後來d人話根本全條侯管都係混合左其他金屬o既銅，
唔係純正銅，用呢d偷工減料o既次貨當然係貪平啦，
之後再爆出原來仲有其他公屋都驗出含鉛超標，
唔通果d出事o既工屋全部都係呢1位水侯匠經手？

啟晴附近1帶d食市都貼晒告示聲稱侯管乃自己舖設，
以表未受影響，查實你就咁話係自己舖我就信呀？
有乜證據先？暫停營業幾日搵人換過d水管仲好啦。

衣家食水問題人人自危，香港人真係要飲水思「鉛」，
高登發起向外國團購驗水套件，香港暫時未有呢d賣，
今日睇metro又見到有驗水公司廣告，寄樣本比佢地，
兩個工作日內會向你回報d水品質，費用係2百幾蚊。
計我話唔洗急，遲早就實有人list出有問題屋村名稱，
反正1個屋村內有幾個驗出有問題，有1個肯爆出黎，
就自然全香港都知架啦，只要1戶有事就即全座有事，
唔洗自己驗，坐等睇防署點收科啦。

2015年4月番之中係呢套率先完食，
要感謝youtube某up主提供高質素影片，
呢套野大部份集數都係響youtube睇 XD

睇劇名以為係胡鬧劇，即係好多Q版呀，
角色望鏡頭吐糟之類，不過睇落比想像中正經，
平傭男主貝爾響地下城(就當RPG果d迷宮啦)
比少女救出險境(我都想佢係女主但睇個勢唔似係)
自此暗戀呢個少女，為左唔想同佢有咁大距離，
由1無是處o既能力開掛以驚人(算係掛)速度進步...
(無錯，以上呢幾行係抄番我今年5月5號o既blog)
貝爾具備就算非禮女生塊面都唔會有兩把掌o既屬性，
又係1套唔洗用腦睇o既作品，有溫情有感動有熱血，
雖然離唔開睇男主不斷開老金，不過唔緊要丫，
睇得爽就夠啦，1個2個睇唔起貝爾o既都比佢打巢，
亦不出所料到第1季完貝爾同心儀對象都未有下文，
都係o既，咁快發展到就完結撒花啦仲洗做落去？

貝爾身邊所謂女神o既赫司緹雅對我黎講唔多討好，
雖然未到討厭程度，但感覺似電磁砲個白井黑子，
言行舉止帶有小小變態或偏激感，煩膠1名，
童顏屬性搭乳搖亦有違和感，加上打扮經常唔著鞋，
整體而言無乜氣質，唔通呢個真係女主角？ XD

行過德福d apple專門店發見新macbook，
呢個形號就咁叫macbook無分air或pro，
拎上手感覺比macbook air更細更輕(純感覺)
因為旁邊無再擺macbook air出黎比較唔到，
外型更靚，本來macbook air已經好靚架啦，
但1見新macbook後air顯得好似過晒氣，
新macbook採用類似iphone6外殼設計，
亦好似iphone6咁有黑、白、土豪金3種顏色，
加上retina mon，夠晒貴格，不過我話過，
用retina像素亦大4倍，變相加重display卡負荷，
呢d唔係掛個pro字o既系列用retina可能唔夠力，
keybroad範圍裸盡左右兩邊o既空間更貼邊位，
不過上下掣同左右掣同等高度設計d人會好唔慣，
當然價錢亦唔野少，無記錯要價約1萬左右，
比起7千幾蚊11"macbook air黎講算貴。

新macbook幾吸引都好，都唔係我黎緊o既選擇，
下1部心水筆電1定係可響mon畫畫o既surface。