o岩o岩上左兩堂(1星期得1堂)巡例寫下感想，
讀邊間唔開名住，讀得好好o既話第時會再開名，
先講下教左d乜，我係由中級班開始上，
第1堂介紹動詞，動詞有4種兩類，4種分別係：
5段動詞、1段動詞、sa行變格、ka行變格，
兩類分別係自動詞同他動詞，呢d基本上我都知o既，
呢堂對我黎講o既得著係清楚自動同他動詞性質，
簡單d講，自動詞係用響自然現像或名詞o既狀況，
他動詞就係用響人為情況、5官5感等o既動詞。
例如「窗口打開左」呢個「開」係用自動詞版，
如果「佢將窗口打開」呢個「開」係用他動詞版，
(當然中文係無分自動詞同他動詞版1樣係「開」字)
之前自學都唔太清楚咩情況要用自動幾時用他動。
動詞辭書形最尾1定係u段音，但有5個音係唔會出現，
分別係fu、yu、zu、du、pu，呢d算係文法冷知識掛？
以我所知日能試唔會考呢樣野，不過知道無壞。
第2堂主要教5段動詞音變公式，呢樣我亦都已識，
再上埋呢堂更加鞏固，其實上呢兩堂最大得著，
係將我o既基礎打得更穩，之前學過都係好快帶過，
無好好咁消化吸收，如果比試題問起可能會猶疑果隻。
老師send左d note比我地，主要係d動詞、抽象名詞表，
動詞o既自動詞版同他動詞版、副詞等等，
動詞果份note基本上我未睇前本身都已經記左80%左右，
抽象名詞果份大部份可齋睇漢字唔睇平假名都識讀得出，
加上我仲有記note以外o既動詞，其實我都識幾多 XD
呢間主張同其他日文班教法唔同，唔跟課本教，
(心水清可能已經知講緊邊間)動詞1黎就教辭書形，
唔用masu形，話日本正常場合根本唔會用masu形，
個個學晒masu形搞到睇日劇都唔知佢地up乜。
雖然我本身都masu形學起，但暫時都幾buy佢個教學系統，
佢係先要大家搞清楚動詞o既屬性先黎開波，
其他果d應該1黎就教飲masu呀、食masu呀果d動詞，
你都唔知咩事就袋左先，後期先再解畫話番比你知咩事。
如果1黎就學辭書形，5段動詞記法就同masu形唔同，
masu形係要額外記部份睇落似5段其實係上1段動詞，
出口老師就list左6個比較常用o既上1段動詞出黎。
學左辭書形先呢，就要額外記部份睇落應該係1段動詞，
其實係判左比5段動詞，所以學邊樣先都係有d字例外。
當然我都唔否定坊間教課書原用開o既系統，
始終出左咁多年都咁教1定有佢o既方便之處，
起碼暫時已知o既例如動詞接tai就將masu形唔要masu接tai，
動詞接sugi就將masu形唔要masu接sugi，
咁樣記某程度好似幾方便o既，暫時我上果班未教到呢d，
唔知第時教到果陣老師會用咩野方式去教呢？
|
