好彩間中都有寫低發過d咩夢，從而得知d夢變真事程度之低，
又發左個唔吉利o既夢，其實前段夢境係乜或者有無夢境已經唔記得，
只係收到兩個訊息，第1個，份工做唔長，第2個，命唔長。
最近每日都諗住遞辭職信，所以第1個訊息就算變真1d都唔出奇！
即係假如夢見自己食飯，果日都係食飯，有乜咁出奇？日日都食架啦。
但第2個訊息就感到相當討厭，好似1種詛咒咁，不過命唔長姐，
點為之命長？唔過100歲可能都可以叫唔長命架，仲有，邊個命唔長？
查實過往都發過親人宣佈離世或出席親人喪禮之類o既唔吉利夢，
唔知幾多年前發過，凡親發呢d夢印象都好深唔會過1排就唔記得左，
好在到目前呢d夢境都無變真事。

雖然1向唔認為自己d夢會變真，唔排除有d人係有預知夢o既能力，
只係我1向都無，但發左個咁o既夢唔多唔少都好影響呢1日o既心情，
而呢1日都係因為某d情況(某關鍵人物未走)而無遞到辭職信。

個夢仲有後段，就係好似響1個大廈天台或平頂屋頂咁o既地方，
踩落個屋頂地版度踩穿左，舊石好似跌左落下面個單位咁o既映像，
然後醒左，的確係好9唔答8o既畫面。

12月o既日能試要衣家報名，報考o既門檻比想像中高，
講緊純粹報炸，唔係考，如果去日本語教育研究會報名，
又唔收現金只收支票，都無支票戶口邊度搵張支票比佢？
網上報名去OK便利店或偉哥比錢又要print佢張野出黎，
如果屋企又無printer咁可以點？只好用PPS繳費靈，
早幾日申請左個PPS帳戶，用電話繳費，入佢個機構編號，
再入考生編號同埋要繳o既款項$450，跟住要等工作天，
戶口過數，總算解決左報名費問題。

填表格果度又1個難關，地址果欄唔係1大行空位任寫，
而係1格寫街號、1格寫屋園、1格寫大廈、1格寫座數等，
問題係，我住果等大廈住左咁耐都無聽過係屬於咩屋園，
都唔知填乜只好漏空佢，都唔知到時張準考證寄唔寄到黎。

填報考時亦有問卷調查，例如問你o既日文邊度派上用場，
日劇啦、動漫啦、公司啦之類，又問響邊間日文學校學，
又問之前有無考過同埋pass唔pass等。

唔知有無把握考得到，純粹感受下久違o既試場氣氛都唔錯，
況且距離考試仲有兩個幾月衣家起勢咁溫未必唔得o既 XD

未食過好出奇咩？茶餐廳咁多味送我唔信1般人樣樣都食過晒，
其實好耐之前都知有呢味菜，只係聽個名有咸魚所以無乜興趣，
但答檯或見隔離檯d人叫呢個，賣相好吸引，就叫黎試下。

第1次食咸魚雞粒炒飯係觀塘萬家樂茶餐廳，奇怪啦，
咸魚呢？目測亦睇唔到有咸魚，果d肉應該只係雞粒，
食落發現有d好似花生碎o既橙黃色物體硬硬地，咬落去好咸，
為數唔多，唔通呢d碎粒就係所謂o既咸魚？對整體味覺影響唔大。

食後感：唔錯，以後去茶記叫野又多1個選擇，
如果可以走埋咸魚粒就更perfect，不過呢個評價只係萬家樂版，
呢間野本身d野食水準都比其他高，唔排除其他茶記果d唔好食。

以前番工答地鐵都會拎本G鬆睇，最近可以話戒左，
轉左讀N5~N1文法大全，唔止答車，連食lunch，
搵到位坐叫左野等上菜前都會刨下本文法大全。
尤其響KFC排隊更加係必備良品，如無記錯，
呢個習慣應該由我番衣家呢份工就已經開始左，
最少都起碼維持左大約1個月或以上。

雖然無特別死記好多睇完都唔記得，但係軟性洗腦，
睇1次唔記得，第2次唔記得但有印象，到睇第3次，
就自然會記到，可能比起死背，呢個方法會慢左d，
但係同樣學習到o既話都唔差丫。
 

衣家份工係行長短週，有時星期6要番有時唔洗，
8月有5個禮拜6，除唔盡，1係3個禮拜6要番兩個唔洗，
1係3個放假兩個要番，今個月我就番左3個禮拜6，
9月得4個禮拜6，應該兩個禮拜6要番兩個唔洗丫，
但睇到張更表無言，做乜有3個禮拜6要番？！
唔止我，基本上d職位比較低d o既同事都係番3個，
高層d果d只係番兩個，喂！唔公平喎！搵笨o既！
禮拜6只係早放兩個鐘，同平時番工分別唔大，
好想搵番d5日制o既工呀，4日制更好~ XD