市面上又少左1間大型連鎖店啦，其實以前都好少光顧DSC，
之前係響旺角雅欄中心上層時接觸到，叫咩野直銷中心，
好似中間無經手人咁直銷，比我1種比豐澤百老匯平o既感覺。

後來新居樓下都有間先對DSC印象深刻，新居唔少家品都響果間買，
包括床啦、電腦檯、LG42寸電視、膠櫃、多士爐、浪衫架等等。

當屋企o既家具都接近齊備後，樓下間DSC最大用處就係，
夏天放左工番屋企前可以入去嘆陣冷氣整涼小小個身，
直接行番屋企就完全「鐵木真打仔」(大汗特細汗)
中間有個位緩和下感覺舒服d，衣家無左呢個咁好o既緩衝區，
樓下商場d冷氣唔多夠力，入百佳、759或者大家樂又唔多好hea，
呢個就係DSC結業對我o既最大影響。

睇過1張名為香港人內心的世界地圖o既圖片(響google都搵到)
身為香港人認知o既地域黎講都大致認同(雖然都有d位唔多明)
當中最共鳴o既位就係指住日本「為甚麼我不是在這裡出生？」
的確，細個就幻想如果響日本出世應該好型棍好幸福之類，
到今時今日，日本都係我最理想o既居住地方，就算要做宅男，
做日本o既宅男都好過做香港o既宅男啦，無錯，我係崇日，
不過退後100步客觀d分析，其實日本響全世界眼中係咪咁勁？

首先以領導全球咁款o既美帝國黎講，佢地應該唔放日本響眼內，
美國乜都唔會比日本差啦，再講歐美人o既審美觀同東方人唔同，
日系野唔多o岩佢地胃口，所以歐美地區會崇日o既比例係好少。
(以上o既分析當然包含英國啦)

然後到南亞地區，都係覺得日系o既風格唔o岩佢地口味，
我曾經到過印尼旅行住過兩個月黎講亦唔多覺佢地有特別哈日，
再講如果有個菲律賓人著和服話係Love Liver都格格不入啦！XD
(以上o既分析包含泰國、印度、巴基斯坦等)

發展緊o既國家更加唔洗講啦，當地人民連兩餐都有問題，
根本無多餘o既閒情哈日。

好啦，講東方地區啦，先講日本，佢地洗乜崇日？自己就係 XD

韓國呢？北韓唔講啦，南韓同日本其實有不共戴天之仇，
戰國時期日本侵略朝鮮殺佢地o既人再切佢地o既耳落黎，
據聞時至今日都仲有存放當年朝鮮人o既耳o既寺廟存在...
(聽講戰國無雙、戰國basara呢d game響韓國係禁止入口)

講中國啦，又係家仇國恨啦，近10年間國家亦出力打壓日本風，
不斷拍1d抗日劇，中國人會哈日o既應該唔多。

台灣人就同日本1向friend底，日本風唔會受到咩野打壓，
所以台灣應該係香港以外最多哈日族o既國家，不過近年韓風掘起，
哈韓o既人亦多左，但亦有台灣朋友(花花英)話過佢好憎韓國，
因為韓國o既電子業(電腦零件)、手機業等都同台灣打正對台。

講番香港，尤其7、80後港人自細都飲日本奶大深受日文化影響，
呢班人童年果陣韓國都仲係唔起眼o既小國，記得當年d韓國品牌，
LG、3星等手機響我地眼中只係cheap野，邊似衣家咁變左名牌？
唔講ACG啦，剩係當年木村d日劇果種浪漫都為人津津樂道，
到到家下90後果代應該開始哈韓，韓製o既免費online game，
響呢班無乜經濟能力o既細路中已取代console遊戲o既普及率。
(查實當年80後之所以玩到咁多console game都拜翻版所賜 XD)

結論呢，其實世界各地中喜歡日本文化o既只有香港同台灣，
就算係咁，我都依然鐘意日本，鐘意就係鐘意。

題外話，歐美風我個人1向唔係咁buy，佢地d卡通人樣起晒角o既，
完全唔o岩胃口，而且睇到1大堆雞腸就眼訓。

因工作關係局住用多左illustrator，先前都講左呢隻野不受控制，
呢兩日又黎料，尋日整張野要放好多相片，巡例每張加番個粗白框，
做出懶係相片o既感覺，點知佢同我有d相加到框有d相加唔到，
喂大佬，你1係全部都加唔到我都無咁嬲，點解同樣係圖片，
有d得有d唔得先？搞到我仲晒左d時間研究，之後先轉indesign做，
即刻搞掂晒，點解連咁簡單響張相加個白框都可以咁痴線？
你唔係要我下下拉個大過張相小小o既白色地置中再group埋下話？

講起置中又係把幾火，假設兩件野1大1細置中緊係大果件做標準啦，
illustrator可以會變左細果件做標準，個大件野跟住件細o既走，
完全唔符合正常思維囉，只會有個人企響球場中間咁o既講法，
你唔會話個球場響個人中間架嘛，要對齊個物件都煩過人。

今日又黎同我傲嬌，話說做個AI檔要置入photoshop檔入去，
開頭仲好地地，之後個psd檔改左小小野再置入番就error，
好啦，我試下置入番本來置入過o既檔案，都同我error埋，
跟住我無save熄左個AI再開過，連之前好地地已置入左o既野，
都空白埋話load唔到，又發咩神經呀？做乜可以明明得變唔得架？
之後直情熄機重開機又可以置入番，咁即係唔係個psd檔問題啦？
係illustrator有問題啦？大佬呀當我求下你，short小陣好無？
做緊job架！上司坐後面望住架！個illustrator咁樣玩野，
可能又令我比人話手腳慢架啦！

新居自己間房用JHE直立式風扇，近排無乜風力，
開兩度都無乜料到，記得以前d風壓吹到頸都痕架嘛，
睇下個格塵網，好似舖左1層綿花咁又難怪o既，
其實果層綿花要追索到半年前(應該係)冬天潮濕果陣，
果排個格塵網就好似生左堆白色o既綿花出黎，
正常o既塵應該唔係咁白，果堆係發霉發出黎o既野...

拆左個隔層網響廁所用花灑較水柱(按摩)模式，
係咁射住個網射，射完正面就反轉背面咁射，
再浪1浪乾佢先裝番上去，反正都開住冷氣，
唔急住用風扇可以等佢完全乾先裝番上去。
清1清個格層網後，當堂風壓大增！

講開又講，舊居個衣瑪牌直立風扇並無格層網，
唔通佢設計得先進到唔會塞？

多年黎1直番d無定向放工時段o既工，
亙動又好、G鬆又好、辣椒又好都係放工唔定時，
再對上做夜間機舖，放工番屋企後只有hea陣訓。
導至唔可以報夜校進修，放左工又好似過左1日，
全日好似就只有番工，無乜點做過其他自己野。
衣家總算搵到份定時放工o既工(其實之前果份都係)
經過1段時間感受呢種生活節奏後，
其實放左工後都好似無乜時間做自己野，
放工食個晚飯後番到屋企都8點，沖埋個涼都9點，
然後都係得兩粒幾鐘私人時間左右，因為要早訓，
兩粒鐘做得d乜？打陣MHF睇陣動畫咁就無左啦，
衣排仲睇開日文教學片，睇兩集就唔洗做其他野，
仲有好多野想做架，兩個鐘只能是但揀1樣黎做，
有時同蔡記傾個電話都唔止兩粒鐘啦，
所以就算早左收工都唔見得多左私人時間。