較早前的士司機抗議uber令呢個無人認知o既系統廣為人知，
uber其實係可以call車o既apps，call果d車俗稱白牌車，
其實性質同的士差唔多爭在無牌，當然收費肯定比的士平，
只要你有架私家車或van仔上1上佢地個call台都可以做。

普遍網民都支持白牌車，但近日政府出手打壓，
又放蛇又剩，網絡上亦出現唔少睇唔過眼o既聲音，
話做福民眾o既，只係影響的士飯碗o既就咁快做野，
影響市民健康o既食水含鉛又唔見出手咁快？
又話如果的士唔拒載唔揀客市民又洗乜揀uber呢？

客觀d分析，呢d白牌車係運輸處控制唔到o既野，
假如白牌車泛濫起上黎，可能會影響到路面情況，
平時答車5分鐘o既路程可能會塞車變左半粒鐘，
的士果d係比錢裸正牌，唔裸牌都可以做咁做的士做乜？
另外呢d白牌車無買第3者保險，無事就無事，
出起事上黎就無得賠，所以政府先咁出力打壓。
(ps : 雞記果d call車比人捉到只載人無運貨都係犯法)

做福人群o既背後雖然有咁多潛在問題，
但1行(的士)獨大亦都唔係健康o既生態，
比市民有更多選擇社會先更加進步，就講番的士，
有競爭佢地先會肯改善服務質素/態度或調低車資等。

 

KFC差唔多每月都有唔同o既期間限定食物但都無乜人講，
呢次個軍艦響社交平台就有兩個friend(佢地亙相都唔識)都講，
而且評價都唔算差，1般黎講呢d連鎖快餐食物唔會有人絕讚，
唔劣評都算偷笑，亦有網民搵出韓版KFC軍艦同港版比較，
韓版賣相完勝之類，似乎個艦比平時d期間限定意外地引人注目，
咁o既程度唔試下唔得啦(其實KFC大部份期間限定野都有試...)

1食之下堅掂！可謂KFC期間限定野食中8年難得1見o既佳作！
8年？差唔多啦？對上1個神作好似要數到壽司卷之類，
無8年都有7年啦，其實幾年前都仲有個日式咖喱雞扒飯o既，
不過略嫌無乜創意只係將舊M2雞加咖喱汁。
講番個艦，其實係兩塊M1果d雞(去骨版)
好似漢堡包咁夾住塊煙肉仲有d沙律醬，1啖咬落去係爽！
你諗下咁軟林林o既M1雞兩層咁厚比你d牙切落去o既感覺，
又唔會咬到咁上下比舊骨頂住，可以盡情咁咬，
靜係呢下都值回票價啦，仲有中間塊煙肉+沙律襯托之下，
味道夾得唔錯，令本來已經好食o既雞再上1層樓，
跟餐仲有墨西哥脆脆，全個餐整體都好高分！
 

經常都想用日文黎諗野，衣家都未到隨心所慾o既地步，
通常諗1句中文然後嘗識將句野轉做日文，
當然好多時卡住左，有好多字唔識，生字o既野有排學，
但係有d經常掛響咀邊o既句型都造唔到就好唔抵，
其中兩個常用o既副詞，幾乎搵雲全本N5~N1文法大全，
都唔覺有，唔通日文裡面無呢兩個講法？係邊兩個呢？
分別係「明明~」同埋「原來~」，明明呢兩個野好常用，
拿拿拿話口未完上1句就用左啦，點解日文唔見有架？
周杰倫d歌都有得唱啦「明明就不習慣牽手~」
「原來係咁」就「naruhodo」咁只係「原來~」點講？
無理由無架？呢d野應該係初級中級都有教架嘛。

行行下觀塘無意中發現工廠區有間算係特別o既餐廳，
叫食民營，標鎊1間食盡世界各地美食，
其實係1間好似food court或大食代之類o既野，
1間野入面有好多唔同o既廚房，有唔同o既野食，
只係通常呢類舖都係開響大型商場入面，
響工廠區仲要開得咁隱閉都算係其中1樣特別之處(?)
出奇地佔地都幾大，目測起碼有觀塘區1般茶記o既幾倍，
都幾想試下呢間野，果然不出我所料丫，
平時禮拜1至5o既lunch時段走入去係水楔不通o既，
趁今日禮拜6(都要番工)lunch走入去睇下，正，
無乜人大把位好舒服，就試點左道日本拉麵黎食，
係咖喱吉豬拉麵，因為食過自家烏冬同麵藏o既關係，
呢間野o既拉麵無論湯底、麵質都只屬次貨，
不過店面o既舒適度就加番唔少分數，響壓力o既工作中，
可以抽空坐響呢間咁闊落o既餐廳享用午膳確係小確幸(笑
只係星期6限定呀下，順帶1提平時間野收夜晚7點，
仲想話搵日帶呂少晚餐食下呢間都唔得添。

好謎o既標題呀哩？其實係講緊近期見到d怪大嬸，
先講講我衣家間公司o既清潔大嬸，
講野好有禮貌得黎充滿怨氣，我知兩樣野好矛盾，
但佢就係咁，每日都用好沉重o既聲氣講「早晨」
同你打招呼感覺好似咀咒緊你咁，非常奇怪，
好似好唔願意好委屈地好似被迫咁同人打招呼，
每句聽落都好似有個「唉~」字響前面(雖然係無)
相信佢係無心o既，或者只係天生把聲係咁，
定亦或以前被人欺凌得多搞到無晒笑容？

另1個係派傳單好大聲講「多謝多謝」o既多謝嬸，
但係佢講o既「多謝」講到好似鬧人咁，
亦係好唔願意地講，其實唔出聲咪仲好，
咁o既態度講多謝反而更趕客，比佢多謝完，
感覺就好似比人鬧完咁。