2015年10月番黎講，睇過高達鐵血孤兒、終結織天使第2季、
我被綁架到貴族學校當庶民樣本、對魔導學園35試驗小隊、
緋彈亞里亞AA、重裝武器、銃皇無盡法夫納、落第騎士英雄談等。

以上好多都只係睇左1兩集姐，唔深入品評，鐵血孤兒係想睇，
可惜youtube官方頻道中文字幕版居然鎖區(英文字幕可正常睇)
都係等佢做完1次過打包睇番算啦，終結織天使都係等打包啦。

銃皇無盡、庶民樣本、落第騎士、對魔35小隊係後宮番無誤，
銃皇無盡d女好似會變怪物，呢個設定唔多接受到棄番確定。

庶民樣本正如d留言咁，應改名被綁架到弱智女校當正常人樣本 XD
d女連手機、PSP都未見過，究竟邊個先係庶民？應該幾好笑o既。

落第騎士有別於1般後宮番男女主角好快就正式交往左，
唔似其他咁吊住吊住到結局果集都仲係曖昧關係，
睇落個女主，咦？新妹魔王契約者女主走錯棚呀？

對魔35小隊人設同作畫水準異常地高，不過又出現老梗，
又係男主唔小心kick親仆落女生懷抱然後隻手1定係渣住佢個波，
可唔可以唔好再出呢幕呀？睇到厭啦！

緋彈亞里亞AA係百合作品，女同學思想扭曲，
真係唔好披住萌系蘿莉個樣就可以將變態合理化丫，
呢套入面亞里亞咁o既細路女居然做人地前輩，
不過又真係幾型o既，亦都係思想最正常果個(好似係)

重裝武器係魔法禁書電磁炮作者鎌池和馬o既作品，
都算係名牌丫，睇落之後又係犯左同禁書目錄1樣o既通病，
對話中太多交待世界觀系統設定，1下子塞海量資訊比觀眾，
女主唔夠耀目，故事發展亦唔多吸引，整體黎講比較悶。

反而最近睇番之前睇左1半o既舊作絕園暴風雨(見youtube有嘛)，
估唔到救世主係個弱氣無力男，反而男主吉野只係個旁觀者，
最尾係good ending，最精彩果集係葉風番番過去搵不破愛花，
其實葉風個人設相當討好，只係戲中出現佢棚骨破壞左佢形象，
愛花o既形象就太高貴，神聖到唔可能相處到咁。

做左印刷公司1段時間，接過各式各樣o既印刷訂單，
除左單張、海報之外，仲有唔少結婚卡、月歷等，
當中負責跟進過o既其中1個喜帖相當有心思，
整同成份報紙咁，以新聞方式描述果對新人o既事績，
再整版好似副刊果d心理測驗、星座運程、IQ題咁，
有個填格仔o既文字遊戲係用新人o既名黎開頭之類。
我第時o既喜帖都要整到咁有特色 XD

又跟進過唔少私人月歷，當中有對冰島旅行o既情侶，
用影完d相黎砌左本2016年檯歷，不過計我話，
檯歷之類o既野只係用1年就無用，感覺好短暫，
唔通佢地只係拍1年拖？佢地o既關係只維持1年？
除非佢年年都整本啦(咁麻煩？)愛情應該長長久久，
唔好用年歷之類o既野黎表現愛情比較好。

當然亦有家族o既月歷甚至同學會(?)o既月歷等，
呢d感覺比較無乜所謂，但都係果句啦，
正常d月歷過左果年就掉架啦，整本相簿仲好啦，
講開又講，真係好後悔掉左正形2000年果本月歷，
裡面含有大量前衛創新o既月份表現方式，
估唔到衣家做呢間公司要設計月歷，
真係好想睇番果本野。

仲有10日就到2016，衣家仲接到好多月歷單，
我懷疑到今年年尾都仲接到...

明明已經入左寒冬狀態，點解仲有蚊架？！
d蟲唔洗冬眠咩？不過好彩呢次d蚊比較靜，
無乜嘈住人訓教。

買左番黎咁耐其實都無乜點玩過，無乜時間咁，
放工後hea1陣又差唔多要訓教，要玩o既話，
起碼要騰空半日時間先好玩，1玩就玩幾粒鐘。

呢兩日係咁耳玩下，整左全套綠龍裝，
由11防變41防，信心都大番d，可以挑戰更多野，
去搞下村2星key任之1o既沙龍王，打左5分鐘左右，
隻野就跛腳走，諗住好快搞掂啦，結果磨左半粒鐘，
好似打極都打唔死咁，半個鐘頻死狀態？
推斷佢每次番番去訓教，又出番黎打幾野又番去訓，
就咁樣重覆幾乎無限血，由於個地圖舊沙漠，
對我黎講係新沙漠，完全唔熟，唔知佢去邊區訓，
之後掟染色彈搵到佢訓教o既地方先可以消滅佢，
痴線，打隻沙龍王都咁辛苦，都唔知點打落去，
加上3DS個掣又唔舒服，卒到手指痛都似。

試過武士道風格，就係怪物攻擊果下迴避，
就可以閃到怪物身邊繼續打，睇落係幾爽，
不過個timming比我想像中難捉，好難發動到，
感覺明明玩MHFG時都好易避到架，
落到3DS難左咁多o既？查實我幾buy呢d系統，
成功避到攻擊之際可即刻反擊唔係剩係得個避字，
出到果刻好有成就感，之前P3長槍已有類似o既野，
檔o既時侯反擊到果下可以繼續吉落去，
呢類玩法MHFG反而比較少，唔係無o既，
大劍嵐之型都有下反擊斬o既，再整多d就更好玩啦。

天氣真正進入嚴寒狀態，尤其新居呢邊都比舊居更凍，
好在上個禮拜買部暖爐趕得切送到黎應付寒冬。

今次買番舊居果隻牌子，呢次呢部仲有即暖功能，
所謂o既即暖其實好兒戲，只係機身多部暖風機仔，
或者係話多部風筒都不失為過，不過有好過無o既。

唔計風筒(?)部機有兩粒主開關掣，1粒係MIN，
另1粒係MED，兩粒1齊拍就代表MAX，
上面再多1個度數之類o既轉盤，第1次用果陣，
較到5度(最多可以扭到6)再拍晒兩粒掣MAX住，
開左好似有兩粒鐘左右就自動熄左機，
點拍掣都無反應，過左陣先試下先拍得著個MED，
睇番說明書好似話過熱會自動熄機冷卻後先開得番，
唔係掛？咁就過熱啦？都未扭到最大功率。
好在試過開住MIN訓1晚訓到第朝天光，都無熄機，
平時訓醒起身果下凍最唔舒服，衣家可解決呢個問題，
可惜部機無時間掣之類(舊居買果隻形號有仲好複雜添)
所以想較定時定侯開機/熄機，訓醒前1兩粒鐘先開機，
放工番到屋企前已暖晒之類，似乎唔得，算啦，
有我都唔多會較掛？

呢次部野過千蚊，好似可以有2500W輸出，
以為可以令到全屋範圍暖粒粒，
似乎依然同想像中o既效果有出入。