寫呢個題又唔想寫全名(太長)要加番個Re字，
事關黎緊又有套從零開始魔法書*同呢套無關係。

兩日內1口氣從從第8集睇到25集(第1季完)
能夠令我睇完1集忍唔住想睇下1集，
堅係好睇！唔怪得咁hit啦，
亦塑造左唔少爛梗，例如雷姆教、丟你雷姆等，
唔少動漫睇完1集就留聽日或下次先睇，
甚至無心機追落去，鐮池和馬o既作品就係例子，
雖然都出名，禁書目錄睇左開頭果浸就無再睇。

玩得返回過去改寫命運呢d老橋好易引人入勝，
如命運石之門、charlotte、魔法少女小圓等，
衰極都有限，之前都提及過啦，唔再講。
簡單d講，呢套男主486有死左番番過去o既能力，
仲要好似玩game咁，過左check point自動save，
再死都係響save point出番黎唔洗從頭黎過，
叫乜野從零開始？根本就從存儲點開始啦？
累積之前幾次game over經驗知道晒d怪響邊度出，
可以走最好o既路線去過關，真係好屈機。

響結交EMT之後死左幾次，去到EMT屋企又死幾次，
之後順利過關，去到王選舉後以為之後唔洗點死，
點知魔女教殺EMT全家，果度又要續幾次機先通關，
跟住打完白鯨後，486比大罪司上身又要死1次，
先贏盡全場抱得美人歸，查實呢個位結局都唔錯，
可惜仲有第2季(或者更多季)實在太多謎底未解。
老實講，我係響有劇透o既情況下都好enjoy呢套，
最起碼未睇前已經知道雷姆會愛上486，
順利討伐白鯨，甚至連第1季未有o既劇情都有，
例如沙緹拉都係愛486先賜佢無限復活之類。
真係好o既作品即使劇透都無損佢o既吸引力，
反而更加怕劇情係會往1個接受唔到o既方向走，
為免太虐唔多想睇落去(甚至唔接觸)o既作品唔少，
例如plastic memories、死囚樂園等。

講下值得討論o既地方，雖然雷姆人氣極盛，
但應該做唔到妹仔大過主人，直覺o既原因係，
佢始終虐殺過486，就算之後點都彌補唔番，
當然486o既性格係絕對原諒雷姆，但跳出動漫框架，
據聞作者係暗啞底將自己投入486身上，
所以486其實就係作者，我都係個故事創作家，
呢種心態我好明白，唔會想將殺過主角o既女做正印。
我以觀眾立場，其實都覺得486要左雷姆都唔錯，
利申，我1向係buy EMT多過雷姆，but對雷姆唔反感，
雷姆相信係個就算老公有2奶都仍然包容o既賢妻，
的確難能可貴，但真係鐘意老婆又邊洗鐘意第2個丫？
再講下EMT家滅門案，堆屍體中並無發現太監男爵，
佢應該好抽得，有佢響度應該唔會發生悲劇假？
其實呢d題材作品，係好想睇異界d人去到現實世界，
會咩反應？仲係咪識魔法？有套奇幻自衛隊就做到啦，
但果套感情線唔強，所以對角色o既表現期待度無咁高，
係好想睇零之使魔o既露易絲去日本會點，
可惜呢個原作者已經過左身，應該睇唔到呢個劇情，
(係有幕露易絲跟男主去到日本o既但只係男主發夢)
查實呢套Re從零開始Q版短片背景似係現實世界，
EMT又做便利店員，雷姆又賣同人本。 XD

*從零開始魔法書係另1本輕小說動畫化，
同Re從零開始1樣又係white fox製作，
有人以為係Re從零開始o既第2季，
負責插畫o既係艦娘島風果個畫師，
女主(應該係)同島風餅印咁樣。

補充1下TOZ中文譯名為情熱傳說，亦有人叫熱情傳奇，
TOB就緋夜傳奇，又傳奇又傳說邊個先係？是但啦。

TOZ係Tales系列20週年作品，隆重其事所以動畫化？
呢套game就風評唔多好，主要係女主角Alisha被鬼隱，
仲要額外賣女主劇情DLC，食相難睇。
究竟動畫版Alisha會唔會多番d戲份呢？
睇左1季，13集入面有兩集(第6第7集)係TOB，
女主Alisha都算相當活躍，戲份唔少，
相比下game入面搶Alisha戲o既Rose出場唔夠1半集數，
Alisha的確係散發住女主角應有o既氣質，
雖然Rose都唔太差，但論氣質輸Alisha，
靜係個樣都好路人feel，天族Lailah、Edna都好過佢，
又難怪大眾玩家杯葛佢o既。

呢套野背景設定同TOB係1脈相連，TOB並唔係續作，
睇時間點應該係TOZ前傳，TOB主角群入面o既Eizen，
係Edna個亞哥，而響TOZ入面Eizen已經變左龍，
TOB果陣仲未變龍，推斷TOB係發生響TOZ之前o既事。
不過有d搞唔清楚，Eizen應該係聖隸而唔係天族，
從TOB得知聖隸原本係人死左之後變出黎o既野(好似係)
唔通聖隸同天族其實係同1樣野？講唔通喎，
1般人係睇唔到天族，但聖隸係人人都睇得到。
另外想知TOZ係發生響TOB幾多年後呢？
響TOZ入面Edna仲係幼女？可能天族有幾百歲命掛？
又講唔通喎，男主Sorey係同好基友Mikleo係1齊長大，
有佢地仲係細個果陣1齊玩o既設定，假如天族長命過人，
咁應該衣家Sorey大個左而Mikleo仲係細路樣丫。
講開又講，TOB後期d卒個個都識得神依化咁濟，
明明係導師先識o既神技，變左亞毛都識？ XD

講左咁耐都未講故事添，就係Sorey響遺跡探險時，
發現昏迷o既Alisha，救番起佢得知世界比d污穢浸害緊，
Sorey就作為導師周圍去淨化世間o既污穢，
又撞正Alisha個國家要開戰，Sorey就武力介入(?)阻止戰爭，
呢個就係第1季o既主要劇情，進度好似仲係序盤跑得唔多遠，
到第8話(已經過1半集數)Sorey都好似仲未掌握到佢d力量，
主角群d隊友都未出齊，Rose都仲未識得神依化，
係，已經講左會出第2季，但照咁睇出3季都未必講得晒。

動畫版由ufotable操刀，作畫水準相當高，劇力亦吸引，
就算無玩過game，純當佢1部動畫黎睇都好好睇。
動畫版主題曲高潮位好激昂但前面好似格格不入咁，
game版op高潮位雖無動畫版咁強但就做到由頭到尾夠平均，
順帶1提，第6第7話有照搬TOZ同TOB遊戲版個op落去。

主力玩法系1段長時間，重力社今日突然宣佈，
下星期實裝黃金蟲卡，有如晴天霹靂。
本來想上日文堂前溫陣書，睇到呢個消息，
都變左響巴哈睇人討論相關問題。

呢張卡如果PG實裝，首當其衝係法系職業，
尤其本來已經邊緣o既咒術會變得更邊緣，
打人唔得連擾敵都唔得，真正廢晒武功，
係，總唔係人人都有黃金盾，
但開服十幾年，已經量產左唔少出黎，
就算唔係人人有，1個團隊裡面1兩個打手有，
再配合針對法系職業o既戰略，
例如帶住蟲盾衝前先消滅晒d控場妖咒都夠啦，
尤其咒術血薄話秒就秒。

之前要MDEF100防冰防石化，要湊夠100唔容易，
要全身MDEF裝，變相捨棄傷害、唱速或其他抗性等，
衣家仲咁辛苦谷MDEF做乜？1個盾搞掂晒，
配裝更自由，仲可以著埋惡波，
魔法打唔入無屬又減50%，堅過石堅，
亦唔洗再著馬克衫，可以由頭到尾塔奧保持厚血。

咁o既話應該唔少PG為主o既妖咒會退出或轉職，
然後恐慌性拋售法系裝備，係趁低吸納o既機會。
咒術真係好可憐，以前就比人GVG鎖釋放，
喬伊亞1出以為有出頭天啦，黃金蟲又黎打臉。

消息1出，下晝睇8591黃金蟲仲有1張賣緊6000T，
只係該筆交易鎖住左唔比買，
相信其他幾千T貨下唔切架都光速比人掃晒，
然後賣家要寧願比人負評都要取消交易，
呢1日應該唔少呢d事件發生 XD
上完堂番黎再查下咩價位，已升到5萬T！

估計會受呢張卡片影響價格o既有：
法系所有裝備、尤以大神官值崩最嚴重，
MATK+10%都比滅絕木乃犬取代(仲唔洗-50%SP)
MDEF裝(例如無限蝗蟲王卡)
蟻后卡(法系都變稀客仲反咩野魔？)

不過米住，根據KRO設定黃金蟲卡係PG無效，
唔知台服跟唔跟韓服設定呢？要下星期先知，
跟o既話我估黃金蟲卡會跌價1半，
其實只係用黎打副本檔王都爽啦。

我從來都唔PG，佢實唔實裝關我咩事？
關架，出於對法系職業有愛，
唔想再次見到妖咒被虐。

自原廠接手TWRO以來，轉蛋定價就由15P改做49P，
加價呢個議題巴哈都嘈左好耐，不過我覺得，
轉蛋又唔係必須品，唔轉蛋又唔係玩唔到落去，
佢要set幾多錢你吹得佢漲咩？嫌貴咪唔好轉囉。
其實睇得出原廠係想試個市場底線，你諗下，
如果無乜人轉個蛋營收失利，佢唔將蛋價下調咩？
例如會將轉蛋降價到30P，仲係唔好賣再降到15P，
不過點解接收左咁耐都無降到價呀？
咪就係因為有大把人轉，有市場囉，
賣49P都好好賣真係搵唔到理由做乜要賣15P囉，
呢d野1但降左價就無得再番轉頭架啦。

老服轉蛋頭獎1直都放正齊爾、喬伊亞、魔劍等，
具有吸引力o既卡片，但直到今日維護之後，
新服*同老服係同1粒轉蛋，頭獎係封印德古拉，
老服居然夠膽咁做仲要同樣係49P真係估佢唔到！
官方再次挑戰玩家底線？如果呢舖都好賣o既話，
相信短期內唔會再見到正常王卡放轉蛋架啦。
而夜晚上線都仍然見到呢次個蛋有人連續上廣，
開o既人又係咩心態呢？明知山有虎偏向虎山行，
駁中封印德古拉？定其實有隱藏神卡無公告出黎？

其實官方主要收入來源應該係轉蛋姐，
但今次個蛋CP值低到咁吸引唔到人買又賺乜呢？
究竟呢d係咩野商業策略呢？

*就係原廠接收TWRO之後先開o既新伺服器，
果度轉蛋1向都係次貨，頭獎都係d封印卡，
但對新服黎講咁快放神卡會影響平衡呢樣講得通，
又會變左有錢就大晒，平民只能做砲灰，
d人仲咁辛苦打d爛裝備出黎比人虐做乜？

上星期o既獵人祭又結束，我獵團少有地係勝組，
1直以黎打機運都係麻麻，睇下個倉庫，
有9個鴨仔裙5個王冠，其實應該仲有1兩屆無拎到獎，
好似果屆都係敗犬，懶得去拎獎好似比人恥笑咁，
獵人祭同個人能力無關，係睇抽唔抽到勁人多果組，
點解硬係輸多贏少呢？點解唔可以55波呢？
從呢個比例睇得出我o既勝率大約得3份1。
咁又未至於十幾屆1次都無贏過(巴哈好似有咁o既人)
打機姐，我先唔想d人品落晒響隻game度，
最重要現實好運，可惜唔見得現實好得去邊 XD

呢排蔡記都無再見佢on過line，我都少玩左MHFG，
連每日登入拎每日獎勵都懶，每月凡登入十幾日後，
拎晒前面d固定獎勵就會有隨機獎勵，
以前抽中過唔少1小時VIP之類o既野搵唔到點拎，
響武器房個額外倉庫都唔見有，以為有bug，
最近先知原來要官網登入再o禁先用得到，
而且有期限，我都唔知miss左幾多次呢d獎勵，
睇到有個1日VIP截止領取日係19號，
有食唔食罪大惡極丫嘛，今日就用左佢，
又無乜特別想做，都係打棘白整多粒白色GX4出黎，
插落賴狩人裝度，目前賴狩人先叫做整好左，
唔洗食左d珠搞到實戰裝無珠用，改埋個備註，
劍聖真3閃3豪3賴狩人歡迎使用，如果無包VIP，
我絕對比皇帝勁(應該係，除非唔係 XD)
講真整賴狩裝無乜用，純粹多個成就/獎盃o既心態。