對於我呢d潔癖o既人黎講，係幾buy呢個發明，
咩原理就唔多清楚，據聞係透過2氧化鈦塗層，
吸收紫外光，再加上開山門o既動力化為能量，
為門柄o既紫外發光2極體供電達至自動消毒效果。
睇過片，個門柄係識發光，姑勿論佢消唔消到毒，
單係唔洗入電心識發光呢野做裝飾都夠潮啦。

重點係咁高科技o既發明係黎自本港o既中4學生，
仲參加埋d咩野國際科學工程賽拎埋個金獎，
真係為香港爭光，揚威海外，前途無可限量。

不過用咁高科技黎整門柄相信成本都唔平，
要普及到各大商場公廁都有似乎有d遙遠，
其實要開廁所門唔整污糟手見過有個低科技設計，
就係響門下角痴1舊硬殼套，可以比鞋頭涉入去，
用腳黎開門，咁咪解決左囉，洗乜咁複雜？ XD

做左1段時間印刷業都分享1下印刷o既小技巧，
今次就講下粉紙，粉紙有分雙粉同啞粉，
雙粉又稱光粉，顧名思義就係光面o既粉紙，
國內就叫做雙銅，印彩色係比書紙更sharp，
1般雜誌好興頭半本(通常內容比較重要)用雙粉，
後半本(通常無咁重要例如專欄)用書紙。

啞粉紙就無咁光面，但印彩色都係sharp過書紙，
留意番，其實啞粉印全彩色出黎同光粉無分別架，
印左上去o既顏料都係反晒光令立立，無意思，
見d客用啞粉印呢d都覺得佢多舊魚，不過識得玩，
用啞粉印d局部有彩色o既野效果可以類似局部UV咁，
有顏色o既位閃令令更突出，無顏色o既位就啞色，
做出強烈o既對比，又無落UV咁貴同埋咁多功夫。

可能會問，上面呢招用白地會唔會dry左d呀？
其實仲可以玩少少patten，只要唔好太深色大色地，
1樣可以做到同樣效果，作為designer，
除左graphic上o既心思之外，識巧妙咁玩下物料，
可以更上1層樓。

MHFG黎講，真3閃3豪3裝都出左，
要更上1層樓，只有秘傳技。

只要插左5粒秘傳珠，攻擊力上升1.2倍，
仲有該武器特殊效果例如穿龍棍多1格龍氣。
要有咁o既威力亦相對要負出唔少代價，
整秘傳裝要好大量魂、綬、勳，
某程度魂都仲可以課金買(秘傳結晶)
綬同勳只可做任出，所以粒粒階辛苦。

刷左唔少場，終於草齊左4個秘傳部位啦，
但係珍貴o既禮拜日好似無做過其他野，
咁就無左日假，仲諗住抽d時間溫下日文、
睇下動漫、畫下野，1樣都無旭過，
呢d咪就係所謂o既代價囉 T_T

當然，唔係今日1日內刷左4個部位，
之前打埋打埋d垃垃雜雜都草唔少魂同綬，
加上公會優先任8粒8粒咁打(有時10飛)
但勳就要3粒3粒咁硬食，有VIP先3粒炸，
無就1粒，真係鬼得閒同佢癲呀！

插4粒秘傳珠都發動到秘傳技[皆傳]
攻擊力上升1.1倍，我用穿龍棍本來攻11XX，
插左4粒之後只係變12XX，下？升得咁少炸？
有d失望囉，整得咁辛苦起碼都升到13XX啦，
點解蔡記話佢雙刀7百幾變9百幾？(好似係)
無理由穿龍棍加得咁少架？

計番條數，其實刷綬同勳o既場次差無幾，
綬中1次8粒升頂1部位要165飛要打20場，
勳中1次3粒升頂1部位要60飛都係打20場。

關於9大行星，以前小學科學有讀過下(好似係，除非唔係)
但對呢個概念更有印象o既係來自美少女戰士果 XD
不過2006年冥王星已經比mike brown踢出9大行星行列，
我地所處o既太陽系只剩番8大行星，到今年1月，
mike brown又宣佈發現新o既第9行星，
唔知呀武內直子係咪有須要改1下冥王剎那個名呢？
衣家d小學生通識考試應該答太陽系有幾多粒行星呢？

本來發現新o既天體對天文愛好者黎講係件值得開心o既事，
但nowtv引述英國太陽報引述亞肯色大學教授維特邁爾話，
呢粒新o既第9行星可能會引至古柏帶o既碎冰塊撞向地球，
懷疑6000萬年前呢粒行星就係恐龍滅亡o既罪魁禍首，
而最嚇人o既1句係有科學家話災難最快4月底就黎料！

查實維特邁爾早響1985年提出過planet X理論，
地球每2700萬年就會出現1次物種大滅絕事件，
推測係1粒未知行星每2700萬年經過古柏帶所導致，
果陣仲有另外兩個假設，1個係太陽仲有另1個姊妹星，
1個係太陽o既垂直震動，其後呢兩個推論都被否定，
淨番planet X理論。

首先，翻查過相關資料，新發現o既呢粒第9行星，
同維特邁爾形容o既planet X無論質量或公轉週期都唔吻合，
甚至維特邁爾都講過呢粒第9行星唔係planet X，
太陽報只係斷章取義將planet X理論格硬套入呢粒第9行星，
唔係未知行星就係planet X架，唔好有鬚就係老豆先得假！
第2，有科學家話最快今個月底就就黎料，邊位科學家呀？
唔講名都講下邊間學府或邊間研究所o既科學家丫！
恐龍滅絕係6000萬年前o既話，如果滅絕週期係2700萬年，
(咁即係恐龍滅絕至今之間己經再經歷過兩次物種滅絕？)
喂除唔盡喎，理論上距離下個滅絕期應該仲有2100萬年丫！
時晨有排都未到，以人類科技發展，唔好話2100萬年後，
比多人類2100年相信都有足夠o既技術去排除呢個災難啦。

mike brown亦講過呢個新o既第9行星唔會對地球有威脅，
你睇到有o既話大概你睇左蠢文章，再講丫，
planet X理論只係有認受性炸，唔代表1定正確，
我又退1步咁假設啦，就算呢粒第9行星係planet X，
只要唔係呢幾千年內有威脅，及早發現都並唔係壞事，
咁樣先可以鎖定目標對正下藥，防範於未然丫嘛，係咪先？

呢個謠言係黎自太陽報(香港東方報業旗下果個已經摺左)
查番關於呢份報章o既wiki，雖然係英國最暢銷報紙(好似係)
但編採手法被評粗糙、哇眾取寵，對象係低學識水平讀者，
所以文章唔會經過審慎檢定吹得就吹，果然呢d8掛媒體，
先至受歡迎，分分鐘呢d危言聳聽報導1個月唔知出幾次，
唔係吹到迫在眉睫話2000萬年後先出事邊引到人關注丫？

令我注意呢套野其實係facebook1個專頁叫ACGer，
放左條片，係第1話最尾果part(已經被劇透左啦)
亦比首歌吸引左。

故事主角係個現代世界平凡人響便利店買完野，
唔知咩事斬下眼入左異世界，跟住邂逅女主(?)
同女主建立左關係後就兩個1齊比人殺左，
然後主角又番番o岩o岩入異世界果part。

講白d呢套都係玩時光回溯，基本上玩呢個梗o既作品，
都好容易做到引人入勝o既效果，例如命運石之門、
charlotte、魔法少女小圓等，雖然砍掉重練之後，
往往都有未卜先知、先發制人o既優勢，
但難得建立o既關係1下子又變番陌路人，
只有主角1個roll back其實都幾孤單空虛幾虐心。

呢套係吸引到我追落去，即睇完1話忍唔住要睇第2話，
個頭係開得幾好，希望唔好變後宮番啦。

講開又講，點解凡係呢類題材作品都會覺得番番過去，
可以改變到命運甚至拯救到世界？
其實主角極其量只係改變到佢所在o既世界線之嘛，
即係只有主角自我感覺良好(好自私 XD)
試諗下，響主角原本o既世界線入面，
死左o既人都係死左，將面臨酷劫o既好友都1樣糟到酷劫，
而且仲1路吐糟主角個死仔死左去邊？ XD