全新環節，介紹下近期食過o既零食~
有d些粉OK肯入1d特別小小o既零食，
唔1定得759或者為食kitty果d先有，
以下介紹o既呢幾款都係些粉OK貨。
kagi
唔係講尾裕貴，佢個a字上面有兩點(唔識打)
係1隻朱古力威化餅，朱古力味交足貨，
1包好多條幾come食，最重要係獨立包裝，
唔洗1開封就局住要好快食晒佢。
樂天誘惑resipi
包裝個resipi其實係以日文平假名寫出黎，
不過為免有d瀏覽器或系統出唔到日文字，
1個半個日文盡量我都以英文拼音寫，
resipi係黎自英文recipe，解作食譜或秘方，
所以呢隻野叫誘惑秘方，目前見過兩隻版本，
1個係威化，包裝賣相係幾誘惑o既，
實物都維持到水準，好食，另1個扁橢圓身，
呢個本身都無前者咁好睇，實物更加殘念，
好似d泥土包舊唔知咩野咁，味度亦麻麻，
兩隻都無獨立包裝，唔方便擺響公司食，
會食到隻手污糟又要去洗。
森永mini choco chocochips
係朱古力查落曲奇度，1盒入面有兩包，
1包有唔記得幾多塊，呢d亦唔算獨立包裝。
bourbon arufuxo-to
鑲響朱古力上面o既餅乾，咬落去果下，
感受到d牙先切落軟熟o既朱古力，
然後再壓碎較硬淨o既餅乾，同時有軟硬口感，
目前見過兩隻版本，1隻黑朱古力鑲白餅乾，
另1隻白朱古力鑲黑餅乾，兩隻都各自各精彩，
朱古力質素絕無欺場，上面刻有帆船圖案，
唔知帆船關朱古力或餅乾乜事，唔理啦，
又係獨立包裝，自由方便。
|
