響屋企食o既話通常煮1次飯就分兩餐食，
唔想煮兩次飯，咁夜晚果餐就要整番熱黎食，
響電飯煲未筆出黎o既飯都可以就咁用個煲再暖番，
不過，咁樣好易有飯焦，又硬又痴牙又唔易清洗，
有個小技巧，倒小小水，再o禁平時煮飯果個掣，
當好似o岩o岩洗完米咁煮番，咁樣煮出黎o既飯，
質感同平時煮果d差唔多，軟熟又無飯集，
補充番小小，第1餐筆飯唔好掘到空底，
即係筆飯筆面果浸，咁樣再滾熱番先至夠雲巡，
唔會有1忽又左d飯好似煮空氣咁，對個煲都好d。

響雪櫃拎出黎d隔夜炸豬扒放微波爐叮，
好容易會叮到深色左同埋變硬，無咁好食，
其實叮之前響塊豬扒表面度濕d水，
咁叮完出黎就好滋潤，呢個技巧邊度學番黎？
自己發現架，有次叮塊豬扒前唔小心跌左落地，
唔可以浪費食物架嘛，只好拎去池盤洗洗佢，
同時放埋另1塊無跌過落地(無洗過)o既豬扒叮，
出黎o既效果係有洗水o既豬扒好睇好多。

6合彩攪珠，6個中獎號碼係1、2、3、4、7、10，
特別號碼係33，你無睇錯，呢個係真o既攪珠結果，
頭獎23.5注中，每注派$2,815,140，
2獎6注中每注派$38,400，3獎1334.9注中，
每注派$19,200。

唔洗問3獎果d人肯定係買左1、2、3、4、5、6、7啦，
估唔到香港真係咁多人會買呢7個number，
唔知係咪keep住期期買，駁有1期中？
似係捐錢比馬會多d，但真係比佢地等到呢1日啦，
唔知佢地連續買左幾多期先等到個3獎呢？
開左呢set號碼啦，睇怕佢地都可以唔洗再買落去啦。

其實呢組號碼我好耐之前都有玩野咁買過，
呢期攪珠前1個星期都有同亞媽經過馬會果陣講起，
我話買6合彩啦亞媽就話無靈感唔想買，
我話緊係買電腦飛架啦懶得諗，仲講笑咁講，
要我揀7個number，我會1、2、3、4、5、6、7，
本來係1句笑話，但如果呢期有咁買就多兩皮落袋囉。

不過相對之下2獎獎金真係好少，明明中o既人比頭獎仲少，
點解中獎o既唔係整數？有23.5注，又有1334.9注？
果d應該係複式掛？

講開又講，1向我都覺得6合彩呢d野係你o既就係你o既，
係會中o既買1組電腦飛都係比你中，係唔中o既，
你買幾多點複式都唔中，我1係唔買1係只買1組電腦飛。

熱左兩個禮拜左右今日又凍番，
出街都見到d人著晒羽絨，
今次應該黎真啦掛？
日本果邊仲誇張，東京落埋雪，
好似話果度幾廿年都無落過喎，
睇佢地地d片1d都唔浪漫囉，
d雪落到地下變水，唔會舖到1地白色，
換句話講只不過係好凍o既落雨，
咁出街應該都幾唔舒服，唔落好過。
講番香港，又係好討厭o既濕凍，
個窗口起晒霧氣，d野容易發霉，
d衫好難乾，今年都係未買抽濕機。

兩個禮拜前天氣凍左1野，果陣都著多件衫，
仲諗趕住趁未再凍d剪髮，點知之後又熱番，
熱到今日，早知係咁遲d先剪髮都未遲啦，
10號果日剪髮其實都算幾凍下。

先黎講下個3文魚堡，整體黎講幾好味，
不過塊3文魚食落有d似薄左少少o既麥樂雞，
熟架唔係生架，所以1d都唔似壽司果d咁款，
d醬汁亦無違和感，值得1讚o既係有紙包住個包，
就算隻手唔乾淨都可以隔住層紙渣住個包黎食，
亦唔怕整污糟隻手，當然呢樣唔係咩野新突破，
魚柳包、至尊漢堡果d不嬲都係咁，
但亦有d包係無紙包住，例如巨無霸，
所以有紙包住o既包已經要讚1下。

到朱古力批，就好似炸餃子入面放朱古力醬咁，
個批係熱o既，外層硬內層軟，總之完全唔夾，
d朱古力醬亦無乜味，整體麻麻，要價7個半，
食左1半就唔想再食，以其食d唔好食o既朱古力，
留番d餐屎黎食d好食o既唔好？朱古力無益架嘛，
為健康著想食少d好。

同場加映和風紫菜或黑松露shake shake薯條，
老規舉啦，個餐加大先可以轉shake shake，
黑松露係新粉，我就無興趣啦，要番紫菜，
丫，點知包紫菜粉又無缺口又搣唔開，
想點？你當人人都帶交剪或界刀出街架？
結果都係無shake到就咁食d薯條，
其實d薯條本身就好好食，唔洗畫蛇添足。

同期新出仲有個3文魚牛堡，搵日都試埋佢先，
係度報導係咁多，交番比新聞部o既同事(?)