上個月21號有寫篇日誌介紹3文魚堡同朱古力批，
仲有3文魚牛煲同埋3文魚雞肉火腿堡未寫，
總算響期間限定截止前試過另外兩隻堡啦。

先講3文魚牛堡，查實3文魚配牛肉有少少違和感，
不過食落亦無乜反感，雖然整體感覺都唔差，
但係要食牛堡都係巨無霸或至尊漢堡味道更恰當。

再講3文魚雞肉火腿堡，雞肉？好似唔見有喎，
只見到有3文魚、火腿、蛋，個火腿仲好硬，
都唔知係唔係我食果間M記亂咁整，
全部夾埋都好厚，掰大個口都唔能夠1次過咬晒，
其實齋睇字面呢個配搭我覺得OK架，
1定好過3文魚牛堡先啦，只係貨不對版，
就算3文魚、火腿、蛋都唔差，只係塊火腿煮得衰。

無記錯o既話3文魚堡餐就29蚊，另外兩個就33蚊，
個3文魚牛堡都比3文魚堡多塊牛肉丫，實貴d，
不過價錢係點都唔緊要，因為衣家已經無供應啦。

由於我習慣將iphone袋褲袋，所以袋耐左，
容易有衣物纖維走左入d叉電位同插耳機位，
之前部iphone4兩個位都塞過衣物纖維，
iphone4叉電位都算闊可以用針new番d野出黎，
但耳機個插位太細，再加上唔知情，
插個耳機落去仲奇怪點解插唔入，
係咁隊落去都彈番出黎將d纖維越隊越實，
後來改用藍牙耳機解決先至解決到(?)個問題。

iphone7果個叉電位有專稱架，叫lighting，
即係FF13女主角個名，因為iphone7無耳機位，
只係得1個叉電位要塞，叉電位亦有轉插器，
可以插耳機。

走訪多間手機配備(機套mon貼叉電線果d)店舖，
問過新舊居樓下果d話無，都係要出1趟旺角，
響星際商場問過幾間都話無，有無搞錯呀？
枉你地睇落咁專業，連呢d咁重要o既野都無賣？
唔通市面上無呢樣野？無理由我諗到人地諗唔到，
搵到有間有其他型號o既塞只係無iphone7，
拿，係有呢樣產品架！再走多陣，終於搵到啦！
有間舖賣5蚊1粒，咁平，再買多粒做士啤，
都明白點解d舖唔肯賣啦，賣1個先賺得果幾蚊，
舊野係粒好細粒o既軟膠o岩o岩好塞住個叉電位，
咁細粒都幾易整唔見，建議大家多買幾粒穩陣d，
送禮自奉階宜。

行經觀廣巡例又問下有無，原來都有，
有間就賣29蚊1個套裝包埋鏡頭貼同home掣貼，
呢d真識做生意，咁就可以1次過賺多d，
仲有1間賣10蚊，係旺角星際兩倍價錢，
但又咁諗，答車出1出旺角來回唔止10蚊啦。

買果陣個店員話呢樣野好少人問，
其實又係o既，如果只係用1兩年就換機，
基本上都唔會塞o既。

睇完FFXV順便睇埋FF13啦，雖然故事上無啦間，
都叫做知道知道上1代FF發生d咩事丫。
(FF14係online game，所以對上o既正傳係13)

FF13分左3個單元，橫誇PS3時代(響未出PS4前)
記得第1個單元差唔多係o岩o岩出PS3果陣出o既，
或者係唔少人出機o既理由(好似蔡記咁)
世界觀係講上界同下界分開兩個區域，
上界係正常人生活o既地方，繁榮o既都市，
下界係用黎流放1d污染左o既人，有如地獄，
而主角1行人就屬於呢d感染者，生人勿近，
據聞只要達成某d目標就會變做水晶，
目標係咩呢？無人知，班主角就遵從自己理念亂做，
Lighting同Snow就為左復活番變左水晶o既Sera，
Lighting係Sera家姐，而Snow係Sera未婚夫，
爆炸頭就為左救番佢個都係變左水晶o既寶貝仔，
霍普原先想向Snow報仇，因為係Snow策動o既計劃，
間接累死佢老母，但之後又同Snow做左朋友，
雲尼拿1開始就唔知咩事跟住呢班主角9唔答8，
原來佢係將Sera同爆炸仔變做水晶o既罪灰禍手，
雖然佢係無心o既，跟住中期又加入多個牙姐，
牙姐同雲尼拿跟本係1對恩愛o既女同性戀(?)
幾百年前佢地兩個係下界o既人曾1齊變過水晶，
佢地o既復活令主角覺得有望救番Sera同爆炸仔，
然後大佬話比呢班主角聽佢地o既使命，
佢地生處緊o既地方係被神遺棄o既世界，
佢地要消滅晒上界o既人，令真正o既神出現，
正義感強烈o既主角群緊係唔想執行呢個任務啦，
違抗使命同大佬死過，後尾打贏大佬啦，
上界要倒塔，雲尼拿同牙兩個化做水晶支撐住上界，
先前變左水晶o既Sera同爆炸仔都恢復番自由，
Snow就當住Lighting姐面要佢認可佢地頭婚事，
除左雲尼拿同牙之外都大團圓結局，第1集完。

第2單元Sera做主角，1開始Lighting響英靈殿，
同個男人戰鬥到不分上下然後將男主送去Sera個世界，
Sera身處響無左Lighting姐o既世界，1心想搵番家姐，
上集結局打完大佬連Lighting都唔見左，
玩家所見到果個結局係假o既(咁都得？)
實情係Lighting比女神召去英靈殿做女武神為佢戰鬥，
Sera見到男主啦，男主話帶Sera去搵Lighting，
然後就1齊走左入個時空門入面展開時光之旅，
兩個人去左好多好多唔同o既年代改寫歷史，
有去到幾百年後科技發達o既世界，
又或者去d荒無o既異世界，響唔同o既時空都見到幽兒，
幽兒係可以睇到未來o既女巫，但佢地每睇1次未來，
就會短幾年命，然後好快死，Sera都有呢方面o既天份，
連霍普都會響唔同o既時空出現，佢雖然無穿越時空能力，
但會透過膠囊冬眠法訓到去指定年代醒番，到打大佬啦，
今集大佬就係1開波同Lighting隻抽果個男人，
佢o既身份係負責守護幽兒o既使者，佢不斷擾亂時空，
目的就係唔想幽兒咁痛苦係咁死，主角緊係打低佢啦，
然後Sera都好似幽兒咁睇完未來就死埋，
Lighting就想救番Sera但救唔到，兩姐妹都無得團驟。

第3單元叫Lighting回歸，講經過唔知幾百年後，
個世界就快末日，剩番13日，神創造緊個新世界，
Lighting作為解放者o既身份為神執行任務，
響呢個世界d人係唔會老，幾百年後仲係第1集咁個樣，
但佢地1死就無辦法再投胎，只能做靈魂等運到(?)
霍普又變番細路仔樣，明明上集都做左大人啦 XD
霍普都係神o既助手，負責指揮及監視Lighting行動，
Lighting第1個要打救o既係Snow，明明係個熱血白痴，
今集變左孤高o既太守，幾百年黎都搵唔到辦法救番Sera，
所以變得自暴自棄，仲同Lighting打起上黎，
結果都聽Lighting話接受解放，中途有個神秘女子出現，
個模組擺明係Sera只係性格有d壞心眼(好似連CV都唔同)
每次走出黎搞搞陣，但又會提示Lighting點做，
跟住解救埋上集男主、爆炸頭，見番呀雲尼拿，
雲尼拿屬於某宗教組織o既聖女，佢有救贖靈魂o既能力，
Lighting又見番做左山賊首領o既牙姐，
牙姐目的係要偷某個寶物去阻止雲尼拿個儀式，
佢知道個儀式會整死雲尼拿，為左唔想雲尼拿有事，
Lighting知道真相，雲尼拿個儀式並非救贖靈魂，
而係整死d靈魂階因佢地個神唔想帶咁多靈魂去新世界，
連雲尼拿自己都唔知佢個儀式o既後果，
Lighting當然唔認同呢個做法，同牙姐1齊去阻止，
阻止完啦佢地個神都出場啦，Lighting背叛神向佢宣戰，
又比Lighting搞掂埋個神啦(連神都打得贏？XD)
Sera又復活番啦，查實個毒舌女係Lighting對妹o既思念，
幻化出黎o既分身，佢o既作用係作為容器保存Sera，
Sera復活番啦，然後就眾人奔向新世界，升字幕，
畫面1轉見到地球，旁白話呢個就係世界之前發生o既事啦，
Lighting答火車，1身潮女打扮步出車廂，完。

好，開始感想，第1集玩法1本道而曾遭劣評如潮，
不過如果係睇戲咁睇，真係氣勢磅礡好狀觀o既，
設計到咁複雜精緻o既世界無可否定製作團隊o既心血，
睇完後覺得Tales系列o既TOB應該有唔少向FF13取經，
既黑口黑面唔識笑又英姿凜凜o既女主角，
呢d女只要1溫柔起黎果種反差萌殺傷力係幾何級o既，
兩個女主同樣為左家人(FF13為妹TOB為細路)麻木地戰鬥，
而且都涉及少少教會o既形象，呢幾方面都係相似，
但論背景美工，早幾年o既FF13依然比今年o既TOB優勝，
果d有機械感o既劃時代都市係Tales做唔到出黎o既，
不過論女主角Velvet比Lighting姐略勝，
的確係嫌Lighting姐太man個面形尖長唔夠可愛，
Velvet都有番動漫少女普偏o既圓面大眼加上長髮。

其實第1集爆機都可以畫上句號，第2集好似為出而出，
格硬改寫個結局，當玩家睇o既只係幻覺，邊可以咁架？
RPG故事入面我比較唔接受o既就係d幻覺向劇情，
鐘意幾時話係幻覺就幻覺，咁幾時先唔係幻覺呀？
令玩家辛辛苦苦打左咁耐好似白做咁1場空。

第3集Lighting拯救個世界好似剩係得主角果班人咁，
得佢地d靈魂要解放，其他3唔識7由得佢地死？
Lighting專用座騎威猛o既奧丁居然變左隻雞？
佢地個神又係好簡唔簡簡Lighting咁有眼光，
個世界真係無乜人咁，然後打神又係得主角班友。

雖然3集故事都好華麗壯觀，但主角動機都亂黎，
又好似誤打誤撞咁比佢地拯救到世界，連神都照殺，
其實整體黎講故事都好混亂，當睇靚仔靚女做戲囉。

塊mon貼係買機果陣買埋，睇佢貨架上標價128蚊，
不過跟機優惠88蚊，出機最重要o既周邊係mon貼，
機殼果d都其次，階因o禁得最多o既就係個mon，
無mon貼邊可以放膽亂督？

步出豐澤無幾耐，已經發現個mon貼貼唔實，
右下角輕微屈起，就好似入左氣咁，
就用手指壓落去諗住將d氣推番出去啦，
壓完轉個頭又係咁，咁都未算，用落1兩日，
右下角屈起範圍每況越大，幾乎佔畫面6份1，
右下d掣正常o禁落去無反應，要好大力o禁先得，
嚴重影響o禁聽歌果個音符icon同埋打字，
有無搞錯呀？賣埋晒d次貨？

忍無可忍，出旺角星際換過塊mon貼，
都只係30蚊，之前果塊係厚身貼，
1向外屈就o禁唔低，為避免類似事件發生，
呢次專登買薄貼，就算塊野幾灣都唔會影響o禁掣，
起左塊舊貼出黎，都隱約見到右下係有條痕，
咁o既質素仲好意思賣88蚊(原本仲128蚊添呀)

另外想買多個膠塞用黎塞住個叉電位，
平時袋褲袋怕衣物纖維塞左入去有野頂住插唔入，
之前部iphone插耳機同插叉電個位已經塞過，
衣家iphone7個叉電位咁細要new番出黎都幾難，
不過其實未清楚市面上有無呢樣產品 XD

開發10年o既大作FF15上個月終於推出左，
咁大陣丈，唔玩都要睇下啦！
無錯，我又係響youtube睇walkthrough，
我堅係鐘意睇多過落場玩(除非全面支援VR啦)

今集畫面o既像真度、角色顏值可謂達到極致，
可惜味方隊中無乜可用女角，睇翻製作團隊合照，
幾乎全team超過1半係女，唔怪得隻game咁gay啦，
另1個令人蛋痛o既地方係勁多bug，
例如企響陸行鳥上面跑或者企響角色頭頂係咁踩。

故事講國王將王子送出去同他國公主(?)結婚，
搵埋3個好基友陪同，咁就4個小生去旅行啦，
沿途好歡樂，點知王子個國家突然比敵國攻陷左，
1下子變左落難王子，然後當然展開復仇之旅啦，
王子1路集結歷代祖先o既幻影劍同埋6神o既力量，
但響過程中，敵國都好似比個宰相亞釘收左皮，
其實真正o既復仇大計係亞釘唔係王子，
亞釘真正身份係王子o既祖先，但佢得唔到王位，
反而得到長生不老o既軀體，就向呢個國家報仇，
1開始仲引導王子得到神之力，仲幫王子開路，
其實就係要王子變做真正o既王，咁先再收佢皮，
後段亞釘就搞到世界烏煙障氣就快滅世，
過左10年，王子同亞釘決1死戰然後同歸於盡，
世界恢復光明，升字幕。

呢個劇情，簡單d講就只係亞釘o既復仇，
其實以亞釘o既能力大可以1早收王子皮，
整暈左王子又捉走王子d基友，但次次都放生，
只不過係想慢慢玩王子，根本就係小學雞心態，
隔左咁多年都仲係要報仇咁小氣，
咩野國家大事關佢屁事？個故仔就只係咁，
無乜深度可言，所謂o既女主角亦無入過隊，
中段就死左，存在感極低，無計啦，
gay情先係主導嘛。

不得不提o既係1d唔合情理o既地方，
例如帝軍起勢刮王子都刮唔到，
但送信果隻走狗居然可以輕易搵到王子，
話晒都王子丫，居然身無分文窮到要問人借錢？
佢父王洗唔洗咁度縮呀？架車壞左要王子推車，
呢d粗重功夫緊係跟班做啦，仲要王子上陣戰鬥，
完全癲福晒心目中作為王子o既應有形象囉，
王子比舊水晶吸左入去，畫面1跳就10年後，
果10年間都係咁2交待下丫，唔好咁求其好喎，
閉關練功10年響個山洞走出黎，
就有專車接送，果條友點解知道王子響果度呢？