多得1個叫做墮天使YOHANE(日文)o既facebook群組，
睇左好多今年o既1月新番(頭1兩集)，係咁2講下啦。

人渣的本懷
單戀男教師o既女學生同單戀女教師o既男學生拍拖，
雙方都知道對方心目中另有其人自己只係替代品，
只係籍住同對方打車輪幻想同緊心儀o既人kiss咁，
之後會點發展唔知，會唔會由偽戀變左真感情呢？
只係想用1個字形容呢套野，cool！女主角勁cool，
深深比佢o既cool吸引左，就連做咸濕野都好cool。

政宗君的復仇
細個o既政宗又肥又矮(似足加速世界有田春雪咁樣)
向愛姬表白受到恨恨o既拒絕仲起左個花名叫豬蹄，
政宗閉關修練到中學變得又高又靚仔仲要成績好，
改埋名入讀愛姬間學校誓要溝到愛姬之後即飛報仇，
其實之前睇過呢本漫畫o既介紹都覺得故事幾吸引，
究竟政宗溝唔溝到愛姬呢？溝到後又會唔會動真情呢？

清戀
睇d人設同校服令我諗起多年前1套叫聖誕之吻o既野，
而且模式都似足聖誕之吻，又係幾集溝1個女仔，
然後洗白從新溝過第個女仔(並非移情別戀或開後宮)
不過我唔多鐘意咁o既手法，難得開始對個女仔有感覺，
又要從新適應第2件，當之前個女仔唔存在？好唔舒服。

風夏
講男主同風夏相識，風夏o既偶像歌手係男主兒時玩伴，
呢位兒時玩伴似乎又好鐘意男主，風夏又鐘意左男主，
睇住風夏響唔知情之下約男主去睇佢情敵o既演唱會，
然後仲目睹男主同果個女歌手幽會，既係偶像又係情敵，
呢個展開都幾有趣，不過男主真係大好人，
風夏第1集掟爛佢部手機屈佢偷拍，都可以既往不究，
男主呢種性格都有少少令人火滾。

秋葉原之旅
之前響PS3出過o既除衫殺喪屍game改篇做動畫，
有日男主捨命相救吸血鬼女主(應該算係女主掛？)
女主就令男主復活做埋吸血鬼，男主好有除衫天份，
咁就同女主再同幾個伙伴1齊對抗壞o既吸血鬼，
守護秋葉原，d角色傻傻地做事動機都幾9唔答8，
整體結構都有d胡鬧，當笑片輕鬆睇。

Hand Shakers
睇劇照畫風獨特但係人物比例頭大身細有d違和感，
但睇動畫其實唔係好覺有問題，只係d乳搖得唔自然，
做乜可以個身唔旭靜係對波旭？隨意肌咩？
故事講平凡o既男主觸碰臥病在床o既女主隻手之後，
就突然做左hand shaker得到特殊o既能力，
亦捲入1場同其他hand shaker廝殺o既戰爭，
其實男主同女主拖住手情侶搭檔咁作戰幾浪漫，
睇到有d熱血沸騰，只係女主o既無口屬性亦太過無口，
如果女主性格突出d應該更加好睇。

Urara迷路帖
和式古風+蘿莉賣萌o既輕鬆小品(唔會3集後黑化呀fa?)
古代版k-on，故事圍繞住4個想做占卜師o既女仔日常，
究竟佢地可唔可以畢業成為獨當1面o既占卜師呢？

廢天使加百列
原本睇落乘巧o既天使模範生加百列，要落凡間修行，
但因為沉迷遊戲(仲重課金)然後就自甘墜落變宅女，
仲要壞心眼串串貢，佢身邊o既惡魔女同學，
反而勤奮認真，仲督促加百列番學、執屋之類，
仲有個白痴惡魔撒旦妮亞同學係咁比另1位腹黑天使玩，
癲倒天使同惡魔o既定位，笑片1套。

鎖鍊戰記
世嘉旗下手遊動畫化，其實以前都出過1次簡略版，
係咁耳交待下各個角色，係咁耳打1兩場無乜故事，
呢次就認真d舖排劇情，好似某雜誌話無玩過原作o既話，
就睇唔明可以skip左呢套，計我話睇唔睇得明唔重要，
只係睇1班帥哥美女響戰場上奮勇殺敵已經大飽眼福，
不過身為義勇軍隊長o既男主(?)衣著真係太路人feel，
藍色頭髮o既女主(?)都係好平民樣，其他配角更搶眼，
but呢套動畫版主角好似係新入隊入世未深o既o靚仔，
隊長只係手遊o既主角，第1集就講主角群戰敗，
世界會墜入黑暗，要重整軍勢再次討伐魔王(?)

One Room
全程以第1身視點同女主(學生妹)鄰居亙動o既泡麵番，
男主無樣無對白，因為主角正正就係作為觀眾o既你，
似足PSVR夏日課程咁，你做女主o既補習老師，
女主望鏡頭同空氣(你)講野，等多陣(你回應)又講多句，
撇除第1身視點其實又係上季月曜tawawa咁o既紳士番，
情節都係少少咸，學日文黎講呢套幾適合N4~N3程度，
講d野唔深奧，都係d日常野，無錯，為左學日文先睇。

上星期改版最大o既變動就係新增新種族貓星人，
另外創角色可以選擇性別，唔1定要跟帳號，
目前台版RO進度已經近貼韓版，超越日服，
不愧為原廠直營。

本來無諗住玩貓，之前d忍者、反叛者都無玩啦，
不過上線見好多人開貓，咁就係咁2玩下啦，
用最速o既手段開火蜥蜴衝等，頭3日已經90up，
1玩之下停唔到手，再發掘貓o既可塑性，
升到100級後可以換100級裝備，傷害翻倍，
嘗試將法系裝插果d卡用王水瓶拆出黎插落貓裝度，
用左大半日解神殿任務為左試下100級貓打神殿，
打起黎綽綽有餘，但係即使著平民裝，
都係可以安全炸神殿，明明係120級o既地方，
100頭o既普通貓都可以輕鬆單練，堅屈機，
甚至誇張到101級就走去試打考古，都夠力打喎！
只係招出多左SP用多左好快乾無乜續戰力。

又拍左好多貓片連心得貼上巴哈，
呢d野緊係打鐵趁熱，過左淡氣就無咁大討論價值，
其實唔想用咁多時間打機，只係忍唔到手，
搞到幾日投資晒落RO度無乜溫過日文，
唔得啦，點都要忍下手，停1停低腳步，
不過都無諗過將隻貓升上去，暫時停響呢個Lv就夠，
就係呢個咁o既等級居然可以越級先至夠驚嚇 XD

每逢公會戰差唔多完場果5至10分鐘就會大Lag，
尋晚響火2練貓都大Lag機滅團而導致散團，
今日又係臨完場停晒響度，只係我響中央散步，
然後廣頻就大堆人響度嘈，果d打緊副本o既仲慘，
仲有d做緊每日任務Lag死左又係等於白做。

好多人都話係某d公會用唔知咩外掛定內掛搞鬼，
我都認為呢個可能性好高，但又有d人出黎反駁，
話咁樣害人o既話連自己同隊友都會糟映，
其實心水清o既都諗到整Lag動機在於守而唔係攻，
只要霸佔左城池臨完場令人地無辦法攻得入咁樣，
又有人講唔關公會戰事，唔好玩啦，
早唔Lag遲唔Lag係要臨埋牙果陣先黎Lag？
仲要完場之後就恢復番正常無再Lag，
1次半次都仲可以話巧合丫，次次都係咁，
仲要好準時，你話同GVG無關？搵鬼信呀？

又有人話因為第2階段身份認證搞到外掛無啖好食，
所以DDDOS黎發洩，而且大Lag並唔係1個server，
而係全部server，唔似係某d公會所為，
都講得通o既，不過講到DDDOS好似o禁個掣咁輕鬆，
想幾時Lag就幾時Lag。

anyway總之果晚有城戰臨完場前半粒鐘就米鬼團練，
更加唔好入副本，咁就無事啦。

唔好誤會日清又出左新o既產品(之前都出過杯飯)
其實只係我研究出1種嶄新o既煮飯方法，
見出面d海南雞飯跟果碗飯係黃色，賣相吸引，
食落都開胃d，比左我靈感，就試下不如煮飯果陣，
洗好晒d米放落電飯煲煮之前，將d麵o既湯粉倒入去，
再搞雲佢先o禁掣煮，出黎o既效果d飯就變左啡色，
亦有少少果隻麵o既湯汁味，的確係唔濃旭架喎，
成包粉倒晒落去都唔係影響到d飯好多，
我仲有落埋包麻油，但發現係no唔雲，
煮完出黎唔平均，有d會走左去個邊位有d位無麻油咁，
不過咁煮法係幾特別，間中1餐半餐玩下野都唔錯，
大家不妨都試下啦~ :D

點解我有d麵o既湯粉？是咁的，間中煮麵無落湯粉，
剩係倒左d滖水就咁食，其實都好好食(仲健康d添)
咁就多出左1包湯粉(同麻油)我都草起佢，
等第時煮麵想d汁濃旭d果陣再用。

雖然條題寫麻油，但其實係用出前1丁辣麵果隻汁，
之所以用麻油做題係因為麻油出名(廣告都有賣)
反而我無乜食開佢隻麻油味，辣麵好食d。

係咪對d借貸、美容、問卷o既電話束手無策呢？
雖然坊間有唔少apps黎block呢d騷擾電話，
例如小熊來電之類，但係道高1尺魔高7丈，
呢d電話不斷改號碼，你block1個佢出多7個，
春風吹又生，根本就block極都block唔晒，
只好見到d陌生號碼或者3字頭果d都唔接聽啦，
諗落都激氣，明明電話係比朋友或屋企人搵架嘛，
結果垃圾來電o既比例多出好幾倍，
我比台費唔係用黎接呢d電話架！

ios用戶有福啦，1個勿擾模式解決晒！
開住呢個mode只有電話簿入面o既號碼先打得入！
包括無來電顯示o既電話，早就應該要有呢樣野啦！
開頭見logo係月亮，以為只係訓教時間唔比佢響，
咁咪要下下朝早起身果陣熄番佢囉？
原來係有得自由設定邊d電話可以打入黎，
衣家長期開住勿擾模式，真係無晒d煩膠電話，
都仲會睇到有未接來電，只係無聲無色咁。

不過做某d行業要比客人隨時打黎果d，
又或者見工面試等消息之類，
就唔開得呢個功能啦。