學日文發現唔少字眼後面1定要接否定形，
例如：全然∼、決ウサ∼、ウろ∼等等，
感到好規限之際，其實中文1樣有呢d野，
例如：1d都∼，咁就易明好多，
你只會見人講1d都唔靚、1d都唔好食，
1定係接否定，唔會有人講1d都好睇，
原來1向自由配答o既中文都有呢d規限文形。

不過除左1d都唔∼之外暫時諗唔到第2個，
好似：完全、絕對呢d字可接肯定同否定都得，
例如：完全正確、完全唔得、絕對無問題等，
係絕對可以o既，所以話中文自由度高就係咁。

睇晒26集啦，如果唔係對RO有情義結，
強烈建議唔好睇呢套，唔計RO原素，
呢套野各方面都唔合格。

主角1行人都唔多討好，男主轉左十字軍之後，
雖然搣甩左懦夫形像，但就懶係勁咁，
奇怪係點解呢班友好似好神咁，d城鎮有乜騷亂，
甚至連最後大佬，都只係靠呢班人解決，
個男主只係o岩o岩2轉姐，有無咁勁呀？
拯救世界o既使命就只係由呢6條友背負，
個故事世界明明仲有其他2轉喎，全部無料到架？

估唔到巴風特係忠o既，最後大佬係由佢補尾刀，
估唔到啟蒙男主開竅o既十字軍、弓手、武僧，
居然係由個好似響遊戲無出現過o既魔女扮出黎，
唔通個世界真係無幾個正常o既十字軍、武僧？
咁都真係幾可悲，男刺同騎士又基情同歸於盡，
可憐關西口音(應該係)女獵人要陀住佢個B守募，
個女商人到最尾原來都無2轉到，不過睇佢d招，
都係走鍊金路線架啦。

又有唔make sense，復活黑王o既7粒水晶(?)
係要殺死條友先整到出黎，女主係其中1粒水晶，
意味住女主應該死左啦，唔係點變到粒水晶？

ヨッシャ！もうN4試験に合格した！！
嬉しくてたまらない！
けれど、聴解があまりうまくないから、
もっと頑張らざるを得ない！

話就話正常番d，只係無凍得咁誇張，
回復正常o既冬天咁，都仲係咁凍。

經歷嚴寒洗禮，呢幾日都局住要著羽勇大褸，
件淺藍色羽勇大褸其實外形唔好睇，又難襯色，
不過又真係幾輕便，比起以前買果件Levi's軍褸。

響東廣場JHC用127蚊買左部暖風機擺公司，
呢個真係明智o既決擇，我當佢只係凍10日啦，
除番開平均都只係12蚊1日，都抵玩丫，
只係開盒後發現部機應該有比人旭過黎(退貨？)
盒明顯比人開過、包機個透明袋撕爛左、
繞電線果條帶亦無繞好條電線，but用左半日後，
未發現有問題，求其啦，百零蚊擺公司頂住先之嘛，
懷疑上1手試過開唔著而退貨，其實佢只係拎起黎開，
部機底有粒的，當部機離地無壓實粒的係著唔到，
係防推跌裝置，咁平部野都有呢d措施認真唔話得，
第2日再睇番果間野d暖風機都賣晒，好在有買到，
有部野吹住爭好遠架！不過估唔到公司都要開暖風機，
你話d天氣係咪痴左線？

聽講下個禮拜又凍番，部暖風機又有用武之地啦。

咁大個仔都未試過咁凍o既溫度，據聞係1957年以黎最凍o既1日，
仲要有落雪，仲要連銅鑼灣都有，香港都會落雪呀！係咪痴左線？

好多人上大帽山觀雪(?)，路面凍到結霜，果d人o既裝備行唔到，
睇片d人線低左，唔好話人，連車都行唔到，d人低估左個嚴重性，
結果要勞煩d消防隊救番佢地出黎。

呢d日子我當然呢響屋企開住暖爐唔多想旭，好在上個月買左暖爐，
唔係真係唔知點樣渡過，開左暖爐只係令間房變番正常o既氣溫炸，
並唔係暖好多炸，再拎埋之前申請上網贈送o既電暖墊出黎試，
開到所謂最高溫摸落去都只係微微暖炸，無乜料到喎。

唉，1諗到咁凍o既天氣聽日仲要番工就人都癲！遲唔黎早唔黎，
點解今年先黎咁凍？上年呢個時侯我唔洗番工果陣又唔見咁凍？
就算以前做辣椒都唔太驚，起碼可以訓飽養足精神下晝先出門，
呢份工要朝早唔夠訓咁趕番工，慘好多！好在第1日黎料係假日，
叫做不幸中之大幸。

教育處宣佈聽日可以停課，有網民話咁人地俄羅斯、韓國果d地方，
年年都落大雪啦，咁年年冬天都唔洗番學？香港又點同呢？
人地自細到大習慣晒呢種嚴寒有抗體，香港60年先黎1次咁凍，
除左老人家，大部份港人都未經歷過呢種日子(唔計去過外國果d)

睇到張相片，係食環處o既人噴水清洗有露宿者訓o既行人隧道，
令佢地d綿被都變濕，人地訓街都已經夠慘啦，仲要雪中送屎，
好心呢d非常日子就唔好洗啦，1d同情心都無。