估唔到1個禮拜內響apm3聯敗左3本日文教課書分別係：
[1]專門替華人寫之圖解日語慣用句$126
[2]不出國，跟日本中小學生一起上課學口語$61
[3]從文法掌握N4日語能力試驗$107
好在3本加埋都高唔過我1日人工，唔係幾驚賺埋都唔夠蝕 XD
當然無咁快睇晒啦，睇左d都寫下感想當係比大家參考。

先講[1]呢本，以慣用句為主，即係好似我地中文4字成語、
或者俗語咁，用1d巧妙o既比喻去形容某d程況，
有d日文慣用句o既比喻同中文大致1樣，例如：
不痛不癢、恩將仇報、厚面皮、花心、口甜、心動、心散
有d雖然同中文唔同但好快理解到，有d就真係估佢唔到，
全書有328句，我諗記到1半都好夠用，之所以揀呢本書，
係對呢d慣用句好有興趣，順便可以學埋生字1舉兩得，
但老實講呢本野其實唔多好，首先成本字典咁厚兼大本，
攜帶唔方便只會響屋企讀，1頁只係介紹得果1句，
雖然佢聲稱用圖像令讀者易入腦，不過d公仔麻麻地，
亦唔覺易入腦，只覺得o厄版位，其實1頁介紹10句都得，
好話唔好聽其實頭幾版個目錄已經係本書o既全部內容 XD
(佢個目錄就係日文慣用句同埋中文意思，1頁幾廿句)
而且佢其實可再詳細講下句野o既由來或解釋下點解咁用，
例如咬唇代表忍住怒氣，形容下嬲果陣咬住唇之類都得姐，
不過池中無魚蝦做大將，都無第2本講慣用語，局住呢本。

[2]呢本係寫簡體字，通常呢d簡體書都比正體字果d平好多，
有碟有盛都係61蚊，貪佢夠平，另外佢o既重點係口語，
呢方面係好多跟課本學日文o既人都比較少機會接觸，
諗住學好d口語用日文講野(諗野)都唔洗咁書面語丫。

[3]又係大新書局出版，即係大家的日本語果間出版社，
呢間野都出幾多日文教課書喎，之所以買呢本，
主要針對番兩個月後要考o既N4日能試，
1向睇睇埋埋好多N4以外o既野例如：大家的日本語(中級)、
N5~N1文法大全(睇N3文型多)、標準日本語中級(youtube)，
再包括上文介紹果兩本書，脫離左N4軌道，
所以要趁考試前惡補1下。

戒食蝦都差唔多兩年，加上近排換左新起居服，
時至今日皮膚病情況確實有明顯好轉，
首先手臂關節位就咁睇已經大致正常番無傷口，
雖然仲有d痕癢間中都有R下，仲未完全清得晒，
但真係比起早幾年經常R損晒黎講係好好多。

上次呢個topic分類係慄正局，今次係怒正處，
是咁的，新居經常有蚊，明明日日都山埋門窗，
d蚊真係從何而來呢？不過呢排d蚊唔嘈，
唔會間唔中耳邊聽到有戰機飛過咁煩，
真係d風扇聲衾左蚊聲定呢d蚊唔同品種呢？

以前廣告話d積水會姿生蚊蟲，都專登保持廚房無水，
唯1有水o既地方得兩個，1係廁所果d水，
不過衝1次廁所水應該咩卵都無晒丫，
2係飲用果d食水(雖然衾埋蓋但都仲有出水口)
而亞媽就話果d蚊來源係開抽氣扇果d出風位，
咁雕轉都飛得入黎？but有時d出風位都衾唔實就真，
無開抽氣扇時山大門都好似會chok到d出風位咁。

近排平均每幾日殺1隻蚊，殺極都有o既？
究竟響邊度走出/入黎？

呢年農曆7月前後都發生唔少天災人禍，例如天津大爆炸、
東莞地陷、泰國廟宇恐襲、沙特亞拉伯清真寺吊臂倒塌等，
有人話係另類鬼門關開法(天津同東莞果單係7月前1兩日發生)
後面兩單都涉及宗教建築物，係令人意外，
理論上神應該唔容許響佢o既地頭發生大災害丫，
例如泰國果單，應該唔會比兇徒得呈，響發動襲擊前，
因某d原因而比人識破之類丫嘛，但好似至今兇徒仍消遙法外...
希望兇徒快d比人捉到接受應得o既懲罰啦，
話說聽日就踏入農曆8月，希望唔好再有咩天災人禍發生啦。

其實尋日已經向總經理講左要辭職，不過同佢傾左好耐，
就無遞到信，我亦再好好考慮1下好唔好辭職。
日日都有辭職念頭，之前就不如再做耐d睇下情況有無好轉，
又或者某d人未走唔方便遞信住之類o既原因，總係遞唔到信，
就講今個禮拜丫，禮拜1雖然環境好適合遞信但放工要學日文，
可能會傾耐左影響上堂時間，講到1半話要上堂打斷晒就唔好啦，
而且上堂前仲要食晚飯，禮拜2就收到月餅卷，
無理由呢頭收完人餅卷多謝完人果頭就即刻遞信假？
禮拜3就因為關鍵人物之1響度遲遲唔肯走只好打消念頭，
到尋日先講出口，而總經理同老闆娘都好友善地探討我個情況，
考慮左1晚，既然都開左口就1不做2不休，今日點都要遞信，
而下晝老細亦叫左我入房傾計，又講下做人道理，
又講佢後生果陣打工點處理問題，其實我真係幾感動，
居然會對1個做左唔夠兩個月就話唔做o既員工浪費咁多唇舌，
我知佢地唔係留我要留都留唔到，but佢地都認為我唔應該辭職，
呢間公司o既高層同老細都好有人情味，搞到我都相當唔好意思，
張辭職信明明只係1張紙o既重量，估唔到居然會變得咁沉重。

但係認真考慮，長做落去的確有問題，又唔係唔做呢份工要乞食，
既然有得選擇o既情況下，點解唔試下會唔會搵到更好o既工？
避重就輕都唔係錯架，盡量令生活更開心同舒適就係我o既座右銘，
唔係話唔捱得或唔受得苦，但無謂專登選擇1條困難o既路丫？
上天比人類有選擇o既能力，都要走條辛苦路果d叫抖M。