上次新年就話想試下剪細通個髮型，
趁佢仲做緊呢間好試下，唔係o既話，
可能到佢無做都未試過。

講開又講用開o既髮型師都換左幾個，
1個係舊居對面有次我著文理校服去剪，
佢話佢都係讀文理o既師兄。
(其實當時我應該無讀文理好耐，
只係習慣著d唔多著開o既衫去剪髮)
仲記得果陣個洗頭妹有落開附近機舖添。
1個係兆豪介紹響灣仔上樓o既馬榮，
呢個好似只係剪過1兩次，
之後係幫襯開太古地舖o既澳雲，
果陣好似搵佢染髮電髮之類，
之後澳雲無再做。

應該有10年都未剪過咁短o既髮型啦，
好，今年1於過1個清爽o既夏天！
本來個髮型係無分界，行行下又自動分番界，
又變番似平時咁款，又睇下幾耐會再長番。

可能唔想比人搬運傢私之類刮花地版同升降機，
足足1年大堂升降機o禁掣範圍到內籠都舖晒木版，
今日終於拆版，大堂得到蛻變，真面目展現眼前。
不過無想像中好睇囉。

都知道除左M123餐果d雞之外，KFC其他期間限定雞都係伏，
指o既係以M123餐果d雞做基礎再亂整o既亞種/變種雞，
唔係其他同M123餐完全無血緣關係o既(例如：點醬雞棒)

先講薯脆雞，其實呢隻係對上1次期間限定雞，我未寫感想，
衣家補番，佢概念係外層貼滿薯片碎，就好似薯片送雞食咁，
食落完全感受唔到有薯片o既味道，而且都係1貫亞種雞味道，
即係以前果d咩泰式雞定越式雞咁，唔3唔4咸中帶甜咁o既款。
如果佢係用番M1雞，外層痴上壓碎左o既卡樂B燒烤味薯片，
或品客/利是洋蔥味薯片碎都肯定正好多！我都諗得好過佢，
都唔知KFC負責設計新菜式果班人個腦裝咩野。

再黎講趣浪雞，呢隻先係呢期上陣，巡例整番隻啦，哇！
呢隻可以係話我食過KFC以黎最難食o既亞種雞，
外皮果d野，十足我細個玩果隻玩具槍d彈藥味，是咁的，
細路果時有種左輪形狀咁o既手槍，槍口只係裝飾射唔出子彈，
子彈係6粒連住o既紅色沙砲，套落左輪個輪，每當拉雞，
1扣板機，果枝雞就會打落去整爆粒沙砲從而發出巨響，
仲會冒煙，視覺同聽覺上應該幾似開完真槍，d煙o既味道，
估唔到闊別左咁多年，居然響KFC趣浪雞回味番。
仲有d苦添，搞到直情想剝左層皮剩係食肉算數，
點解可以將舊好地地o既雞煮得咁難食架？好浪費左舊雞肉囉！

唔知有無1個月，半個月應該實有啦，總之未番新工前就已經開始，
keep住零晨兩點前訓教，衣家仲可以1點前訓得著，可能有人問，
咁都叫早訓？你有所不知啦，我敢講可能有3年未試過零晨3點前訓。

之前間公司每個月總有1兩次埋版零晨4點都唔走得，
唔想果d時間恰眼訓，所以果陣習慣平均未過零晨4點都未訓。

衣家份新工每日10點前番到，就當係1種督促自己早訓o既動力之1，
補充番d黑色素，睇下持之而行會唔會整走個黑眼袋先。

呢排番工都聽住早霸王做野，開頭又係森美發表哲理，
又真係幾有道理，不愧為森美大哥！

「讀書唔得第時反而得」以前都有人講架啦，
又話讀死書果d書蟲係悶蛋做野唔識變通之類，
今集森美引用更強力o既案例去proof呢個說法。

響公司可以上位通常都係果d古古惑惑靠把口o既，
呢d人多數細個讀書麻麻先會練到呢種口才出黎，
細個對亞媽都係靠o厄o厄tum tum之嘛，
衰仔！測驗唔合格，唔洗旨意帶你去海洋公園！
野~今年去唔到海洋公園，下年升中學又大個左，
無晒意義，趁仲係小學果陣製造多d童年回憶嘛。
如果個仔成績好，仲洗乜諗籍口姐？
唔洗講野亞媽都直接帶佢去海洋公園玩啦！
就係咁樣佢地唔會練到圓滑o既說話技巧。

仲有呢d人通常行動力好高，做事唔怕死做左先算，
咁樣唔代表1定成功但係好大機會成功，
蘇師傅掌相節目都講過，就算比你諗到好好o既idea，
諗住遲d先做啦，諗下諗下就出年都未做到，
到到真係做果陣人地都做左先啦或者件事都過晒氣啦。

讀書唔得o既人，細個就習慣失敗習慣比亞媽鬧，
膽粗粗乜都夠膽死，有時問佢地得唔得架？
佢地會答「唔得架，你敢比我做我就做架啦。」
試問佢地去會考3次有邊次係識做o既姐？
咪又係乜都唔識都照去考，佢地就係有呢種膽色。

森美話以前同亞媽駁咀駁到亞媽都唔夠佢講，明明激氣，
都要講句「第時你唔做律師真係浪費！」黎讚佢，
估唔到大個無做律師走去做電台(咪又係靠把口搵食)
但係森美又話佢自己係例外，細個讀書考全級廿幾...