食飯時無意中睇到箭檯張報紙o既文章，
記載左1單鐵齒銅牙紀曉嵐o既事蹟，
須知和申向來同紀曉嵐爭鋒相對，
話說有日紀曉嵐同御史到和申府中作客，
門外有隻狗經過，和申想借機取笑紀曉嵐，
就講左句「咦，你們瞧那是狼是狗？」
(是狼同紀曉嵐官職侍郎同音，
呢句野係想嘲笑「侍郎是狗」)
紀曉嵐答「是狗」，和申同御史都響度笑，
紀曉嵐又講「要分辨是狼是狗看尾巴，
尾巴下垂的是狼，上豎是狗。」
(上豎同和申官職尚書同音，
呢句野還擊番「尚書是狗」)
紀曉嵐再講「還有另1種分辨方法，
狼是只吃肉，狗是遇肉吃肉，遇屎吃屎」
(遇屎同御史同音，即係「御史吃屎」)

好1篇妙問妙答，不過我就唔信真有其事啦，
有無咁好轉數？又有無咁巧合呀？
1隻狗可以串晒待郎、尚書、御史3個官職，
多數係後人借古人來作故仔啦。

1直堅決涉獵手機市場o既老任今日(應該係)都宣告失守啦，
意味住家用機同手提遊戲機距離bye得又近左1大步。

幾咁唔想認同都好無可否認手機已經係最大遊戲市場，
當你答車見到D老人家都渣住部iphone轉緊珠，
或者做得我亞媽o既師奶響度玩緊candy crush，
可想而知手機遊戲已經打入埋傳統遊戲打唔入o既市場。

好多低成本製作都可以賺大錢，就算大熱如P&D，
都只係定格硬照立繪同埋出d數字，連配音都無，
個人認為呢個係1個極唔健康o既發展，
黎到2015年遊戲表現質數居然回歸超任年代，再咁落去，
仲邊有人開發GTA V或刺客教條呢D如睇電影o既game？

就以電影黎比喻，同樣幾十蚊戲飛，
睇葉念深搵方力申鄧麗欣拍左4日o既十分愛丫，
定亦或睇拍左3年耗資幾千萬o既魔戒會覺得值回票價？
社會就往往否定努力o既成果，鼓吹本小利大o既投資。

因此家用/手提機市場萎縮，console玩家選擇變得越黎少，
作為傳統玩家真係唔希望見到呢個局面囉。

真正機迷唔會接受虛擬控桿黎玩如芒亨o既動作game掛？
都可以插個外置周邊手掣落iphone o既，
但有幾多有質素o既動作/格鬥game可以玩呢？
 

新居無裝固網電話，都係用手機傾電話，
呢排同蔡記1邊打芒亨1邊煲電話粥，
尋日收到帳單當堂嚇左1跳，要583蚊！
足足係平時o既4倍(用開140蚊月費)
傾左1633分鐘，咁又係有幾次傾到無電，
我諗同佢打1次芒亨o既通話費貴過vip費，
咁傾落去唔係辦法，明明可以用RC，
蔡記係都唔買咪，電話費仲貴過咪。

新居房間窗簾目前係左右兩塊唔同款用住先，
唔單止顏色唔同連長度都唔同仲唔夠闊添，
對於完美主義(?)o既我黎講係幾un眼。
諗住去附近間DSC買塊窗簾布換左佢啦，
行雲全間都唔覺有，問職員居然話無，
去附近街市問，個亞嬸話窗簾果條鐵就有賣，
搞錯呀？得條鐵無塊布有叉用？不如唔好賣！
之後又落日本城、吉之島等，都係無...
唔係掛？浴簾床單被袋都有賣，
窗簾居然無賣？喂？乜窗簾唔係家品咩？
你地唔賣仲有邊個會賣？D人點整窗簾架？

尋日只係薯片送飯同餅乾，
今日午餐食伊麵王咖喱味，
晚餐食餅乾牛奶送麥片，
又連續兩日無肉類落肚，
嘿我覺得真係好健康喎~ XD