就係先放粒純朱古力響口，稍微咬碎佢，
唔好吞住，含住佢溶響口度，
再放花生1齊咬，可以持續放多幾粒花生，
朱古力+花生味道係夾過夾band。
(不過我食開o既花生有煎過o既)
相信花生換果仁or杏仁應該都very good。

曾幾何時樓下間麵包舖賣過朱古力花生，
將朱古力混入幾粒花生咁痴埋1舊，
裝埋幾塊呢D放落個透明膠兜，
好似賣5蚊，超好食，但之後唔見再有賣。

而1般市面上有賣o既朱古力果仁，
價錢都偏貴，廿幾蚊盒得果幾粒，
幾野就食晒，唔抵食。

而今次混花生用o既朱古力係Pernigotti，
其實係亞媽買o既我都唔知幾錢包，
不過亞媽買得o既朱古力1定唔會貴 XD
1包有好多粒純朱古力，好come食，
其實識煮野都可以自己煮，
but呢次教o既方法係唔洗另外煮，
都有等同食朱古力花生o既口感 XD
識得食，1定係咁食！

將舊居房間部份物件搬左去新居後空間大左，
可以放張檯用黎繪畫或者用macbook都好，
不過長期攤開張檯都係好阻訂，最好用摺檯，
唔用果陣可以摺起騰出空間感。

今日買左18"x24"摺檯238蚊，仲有24"x24"，
賣185蚊仲平d添，唔係任何野大就1定好o既，
響住屋空間唔多夠o既香港地，家居夠用就好，
(堅後悔新居張床買左接近雙人床size咁大張)
衣家呢個18"檯放房間o岩o岩好，用電腦果陣，
攤開張檯都唔會頂住晒，天氣仲涼未擺風扇，
擺埋風扇間房可能又好似以前咁無乜空位。

呢次買張淺木色木紋，個人非常buy呢個款，
果陣新居買摺檯都係想搵純色或者呢D木紋，
偏偏就無，得D花呢花碌款好唔like。

加拿大有位籃球新星冒出，佢姓fuck，
(全名Guilherme Carabagiale Fuck)
本來都無乜野，隨住佢慢慢有名氣，
要見報上電視，佢個姓氏就引起爭議，
呢個名唔係玩野，因為佢祖籍巴西，
巴西真係有呢個姓氏，而且響當地，
呢個字唔係粗口，係解作狐狸，
即係等同英文fox咁，有人叫佢改名，
佢拒絕，咁又係，呢個又唔係佢o既錯，
做乜為左遷就他國文化而要自己改名？
其實有個咁特別o既姓氏更易揚名啦，
起碼D人即刻記得佢先 XD

大陸亦有1個奇怪姓氏要面臨絕種，
就係姓雞，不過現今只剩番兩個傳人，
兩個都係無結婚無子無孫o既老人家，
所以要搵人過繼，唔係就滅族啦。

香港藝人黎芷珊佢真名都係奇怪姓氏，
佢係葡國人，真正o既姓氏係叫尿兜，
以上資料係梁思浩講o既 XD

天氣開始回暖，D蚊又出動，
又比D「戰機聲」嘈到無教好訓，
前晚點埋上次用剩果D蚊香，
尋晚零晨3點又開餅新o既黎點，
點到今朝12點左右燒剩個起點位，
不過都仲係紅緊應該未燒完，
過多陣就無再紅真係熄左啦，
咦估唔到都幾come點下喎，
1餅野足足點到9粒鐘(應該有掛？
今次1砲過燒晒1餅無剩，
燒完地下1堆香灰殘骸幾肉酸下。
下次都真係買番電蚊香啦，
唔用果陣應該有開關製整熄佢掛？

有研究指出，同1個人講唔同o既語言就有唔同o既人格，
呢個我認同，1黎果樣語言唔係你母語，講果陣唔自然，
就住就住又驚講錯唔夠放，講句野都慢D斯文D細聲D啦，
2黎唔同o既語言都有唔同o既風格，有D語言發音都好搞笑，
好似台山話咁，唔理內容有幾正經但聽到都想笑，
諗下以前港產片最佳拍檔果個麥家咁。有D語言係好cool，
我自己都覺得我講起日文上黎都木村咁款，型好多。
真係會變左第2個人，日文又係1種好有氣質o既語言。
3黎，學語言o既時候(例如英文、日文)都係學書面語/敬語，
就算比你好惡咁去講敬語都惡唔出樣啦。