亞媽話今朝發左個甩牙夢，係甩右邊門牙，
D解夢經常話甩牙係代表父母有事，
如果根據男左女右定論，右邊應該代表佢媽，
不過我媽D父母(公公、婆婆)早就過晒身，
我媽就話可能佢亞姨(都年過80)有事啦。

anyway得知此事之後都極之不安，
上網查一下，原來都好多相關資料，
有人話發甩牙夢代表佢壓力大，
有高登巴打話發過好多次都無咩事發生，
又有科學解釋點解呢個夢有代表親人有事，
通常親人有病(住院)自己緊張佢產生壓力，
有壓力就會發甩牙夢，然後親人出事，
就好似應驗左個夢咁，咦，又合理喎。

特此寫低睇下呢一兩禮拜內有無親人有事，
希望就乜事都無啦，唔希望任何人有事，
如果過左好長時間親人先有事當然唔算啦，
記得周星馳o既審死官定白面包青天有一段：
「我今日衾左你一巴80年之後你死左，
可唔可以告我謀殺？」如果今日發呢個夢，
80年之後應驗左可唔可以話個夢好靈？XD

幾乎日日都打一次吉芬大賽，打唔贏13關個BOSS，
5分鐘內要打2000萬血，平均每秒唔少過6.6萬輸出喎，
洗唔洗咁難呀？連我神裝妖打左咁多次都過唔到，
D平民裝妖仲洗玩？不過又係o既過唔到又唔係乜都無，
可以每日剩係過12關10日都可以換到盾裝備丫。

我硬係唔信邪係要過到佢，終於比我過到啦！！
雖然唔係非過不可，但過到果份滿足感令我爽大半日XD
我話晒都神裝一次都過唔到真係好對唔住套裝架。

要過呢關真係唔可以犯大錯，做漏一樣野都打定輸數，
但打左咁多次好少無出錯，要準備o既野同次序實在太多，
開場前換盾食護貝果凍HP水、開場後食天賜雞尾酒等，
完左次地領仲要搵位舖過第二次地領都好考技術，
有次順利舖好第二個地領點知手滑o禁錯地領衾左個地領，
仲要靠小小運氣，就算無出錯動貓發動唔夠密都可能唔夠力，
仲有OP聖誕帽服裝(MATK+10%)幫忙，先搞得掂，
之後趁聖誕帽未到期再打多次都係過唔番...

不過識得個高手妖用比平民裝好小小o既裝，
靠暴走魔法都穩定咁過吉芬大賽。

舊居新電腦keyboard應該買番黎到衣家未換過電(好似係...
部所謂新電腦其實都唔新，睇番blog係2012年5月入手，
咦喂？即係keyboard舊電足足用左兩年半都無換過？
眾所周知無線keyboard d電好come用，可以come成咁？
近排打打下字間中會短暫性失靈，所以先換電，
有舊電仲漏晒野出黎，用燈泡check番1舊無電1舊微弱，
mouse都試過用用下停左陣，唔爭在啦一次過換埋，
開篇blog記一下，睇下下次換電又隔幾耐~

蔥油餅就食得多，充油式暖爐就未試過，
一直都想有部暖爐可以好似冷氣咁，
開著全間屋都暖粒粒，幾年前買部暖風機，
就做唔到呢個效果，不過叫做用住先啦，
今日買左呢部就係正宗o既排骨型暖爐，
正式叫法係充油式暖爐，裡面裝住D油(?)
所以好重，拎番屋企果陣都拖住地黎行，
頂多咪拖爛個盒姐，開著左係無聲無色，
唔係著燈開左幾分鐘你都唔知佢有無開到，
哇真係好慢熱喎，15分鐘都未feel到暖，
開左兩個鐘先叫做暖DD，不過我無開窗，
個sales話要開窗有空氣比佢對流先暖，
下次再詳細測試下，熄佢果陣部機好熱，
熄左5分鐘都辣手，唔止發熱慢仲散熱慢。
sales話呢隻已經係新款式比傳統快40%，
唔係掛快左40%都仲咁慢？

用開果種發熱線暖風機(原理似風筒)，
係就係好快熱，開著唔洗1分鐘就暖啦，
但有效範圍細，長期吹住會好乾旱，
而且局部熱得滯亦都唔多舒服。
市面上仲有一種叫對衡式暖爐，
聽講對衡式都做到大範圍暖，
拎上手仲輕過鴻運扇，兩隻手指都的得起，
不過sales話功效絕對比唔上充油式，
老實講試左晚部充油式都好似無乜料到咁，
對衡式仲弱過充油式真係難以想像...

半年前都有響blog寫過他他醬o既好味之處，
唔再多講啦，可以睇番題目：Tartar Sauce

問題係一般超級市場(百佳惠康)已經無再賣，
果陣唔知點解亞媽買到，我行咁多次都未見過有，
要買就只好尋求比較專業o既超級市場。

上次響希慎廣場o既超市買過丘比牌o既沙律醬，
要五十幾蚊，醬汁偏黃色，食落有D蛋黃味，
而且唔酸，好食過亞媽買果隻卡夫牌多多聲。

呢幾日又再響city super買左兩隻唔同品牌，
一隻係Colman's牌上面仲貼住咩野1814，
唔通係係始創於1814年？哇200年前就有？
咁巴閉？就試呢隻先，食落好酸，唔好味。

再試另一隻Beneticta牌，呢隻就似丘比果隻味，
只係少左D蛋味，都好好食。

比較過4隻唔同o既他他醬，好食度排名分別係：
1.丘比 2.Beneticta 3.卡夫 4.Colman's