呢兩個月用親ie睇噗浪，只要一click開個噗，
展開後就hang左無反應，click唔到其他噗，
河道亦推唔到，幾部唔同o既電腦用ie開都係咁，
用其他瀏覽器就無事正常運作，噗浪搞邊科呀？
到衣家都未修正番？係咪打算放棄ie市場？

youtube就放棄safari市場，用safari開youtube，
佢會出句唔支援呢個瀏覽器o既公告。

乖離性？咩叫做乖離性？用字高深到唔係凡夫俗子可以理解到，
有睇開我blog o既(有D咁o既人？)一定對我吐糟百萬亞瑟唔會感到陌生，
呢隻乖離性應該係擴散性百萬亞瑟o既後續作，我無玩過，
無玩過都要吐糟？無錯！就係佢4大主角(應該係)其中之一歌姬亞瑟，
著住件粉紅色公主連身裙但正前方cut開露條底褲出黎，
即係咁，你一係索性著件比堅尼好過啦，好地地著件華麗o既裝，
露咩野底姐？好似專登揭開條裙比人睇咁，撿點D得唔得？
一個女仔會著件咁o既衫一係就比人整蠱，一係就本身弱智o既。
性感唔係咁玩架，好低裝囉，可能fashion o既野我識條鐵咩？

聽到東方不敗，第一時間會諗起邊個？林青霞？
最近呢個稱號係用黎形容香港o既超人李+誠，
據聞佢o既投資從來無失敗過，做邊樣果樣掂，
早前亞里巴巴、淘寶創辦人馬雲做左亞洲首富，
點知轉頭又比李+誠重奪首位，不愧為東方不敗。
佢靠乜野奪回寶座？就係投資左人造蛋，
即係好似食齋咁，d蛋係用唔知咩纖維製造，
食落好似真蛋(未食過唔知係咪)其實係假o既，
透過呢種技術展望可改善糧食短缺問題。

又借題講下超人的故事，佢日日keep住6點起身，
以前係靠串膠花起家...呢d就好多人都知啦，
最近佢o既同學(自稱)又透露更多detail o既事蹟，
話說當年d膠花好值錢，唔會雕謝丫嘛，
香港又無製造膠花o既技術，佢就買左張單程機票，
飛過意大利偷師，點解單程？因為不成功不回家，
果陣佢已經有老婆仔女都可以咁，可見佢o既決心，
過到去後，佢混入一間膠花廠由低做起，
當時佢渣旅遊簽證，比其他人低一半工資佢都制，
間廠亦唔敢揭發佢因為間廠請得佢都身有屎，
佢將膠花廠o既所有運作、結構全部記錄落黎，
不個d外國人都唔笨，唯獨上色技術係分開黎做，
點樣噴色令到膠花好似真花咁自然呢？
李超人就同果邊d師傅混熟，再灌醉佢地，
d師傅醉左「其實上色好簡單o既姐只係咁咁咁...」
就係咁佢就將膠花o既技術引入香港。

以上情節係唔係真就不得而知，
不過聽落...其實同大6d山寨工業好似無乜分別 XD
 

天寒地凍，搞到唔多想洗手，唔想掂凍水，
如果一扭開個水龍頭就有熱水你話幾好呢~
新居就用煤氣熱水爐，都做唔到即出熱水，
唔知只係我個爐唔得呢定本來就無爐做到？
長開個爐，每次扭熱水果邊幾秒佢先開始煲，
唔係一早就存定d滾水響入面咩？即叫即煮？
扭開比佢warn up一兩秒就有熱水我接受到，
但等十幾廿秒先出到，佢出得黎我都洗完啦，
即係要小便之前就開定咁小完便洗手就有啦，
好浪費姐？我諗洗碗洗碟會比較用得著。

話時話新居個爐本身水溫就已經有問題，
之前夏天長開熱水會辣手，無得較溫度適中，
不過衣家冬天長開住d熱水又無辣手喎。

研3研4向來係RO裡面非王級魔物強度最高o既地方，
趁o岩o岩升呢base同job都0%再次隻身闖入去試試，
之前都試過搵主教陪同入去行左1步(真係1步)就滅團，
上次都未睇清楚發生咩事，今次要去睇清楚啦，
今次一入研3即偽裝，點知即刻比個有名o既闇刺客秒殺，
唔緊要，我都知無咁簡單，再接再勵，呢次無刺客啦，
點知又比個闇騎領秒左，喂呢隻唔係小王喎普通卒黎，
翻查資料，頂，原來闇刺客同闇騎領都係惡魔種族，
唔怪得次次比佢見到啦，再次入去，今次係闇神工匠，
先放個火牆卡住再慢慢玩殘佢，終於搞掂一隻啦，
之後要再報仇，放定個火牆等闇騎領行埋黎，
咦？點解穿牆o既？原來火牆對佢無效，又比佢秒左，
睇番個傷害，7800x5，痴線架？我都161級得3萬血，
你一野打4萬？點玩呀大佬？普通怪黎炸喎，
仲要低我廿級，一下都食唔到？有無過火左D呀？
你要設定佢勁唔緊要，都無理由一下打4萬假？
你打兩萬比我頂到一下都得掛？洗唔洗去咁盡呀？
EXP又唔係多過人，火牆又卡唔住，即係唔洗打啦？