響新居番工前都落樓下間金鳳餐廳食飯，
上次食果味白汁魚柳飯真係黎得好快，
落完單拎起本G鬆開始睇兩句侍應就送上黎，
只係略嫌D野食無乜味淡戊戊咁。
今日再試楊洲炒飯，由於皮膚敏感戒食蝦，
所以都會食剩D蝦，食完個飯，真係傻眼，
個碟居然只係得一隻蝦咁大把，洗唔洗咁呀？
好在我唔食蝦所以咁樣反而無咁浪費，不過，
唔係因為我o既特別習慣真係唔知間野咁度縮。
觀塘間王平記食個星米，食剩都有6~7隻蝦，
咁先叫正常架嘛。

我份人係唔鐘意同人鬥，其實真正唔鐘意o既係鬥唔贏，
每次輸比人就好激氣，諗番起對上幾次唔開心o既原因，
好多都出於比拼落敗，例如打機輸左、條女比人搶等。
所以要杜絕呢種壞心情就係唔好同人競爭，
一旦萌起鬥心，即使天時地利都處於劣勢亦唔想輸。
有時唔係我想同人鬥，而係自然局勢令我不得不鬥，
例如公司annual dinnder d遊戲環節咁，根本無得走，
有時走運無輸到，發現贏o既喜悅遠遠比唔上輸o既憤怒，
贏只係果一刻會心微笑轉頭就唔記得，輸可以恨一兩個月，
甚至乎果條刺記一世，真係贏粒糖輸間廠，鬥黎何必呢？
免得過我都唔想鬥。

落得咖喱汁無死錯人，咖喱+魚柳更加係無得輸，
所以3大連鎖快餐店：美心、大快活、大家樂，
好多野食都唔同(美心有酥皮湯、大家樂有楊洲炒飯)
但咖喱魚係3間都有，礙於公司附近無D正常大家樂，
(豐利中心果間大家樂7點就落閘，我收工佢收工)
好少食大家樂，到今日先試埋呢間o既咖喱魚，
可以黎個總結，3家咖喱魚都各有特色，
先講下大快活o既，D咖喱汁上面再審一D唔知乜脆皮，
果D脆野算係神來之筆食落又幾提神，
美心o既咖喱魚整體黎講味道最好，亦無咁辣，
佢地配o既所謂「味飯」，其實係有加工過o既飯，
比一般響電飯煲筆出黎o既飯好食D，加唔少分，
而大家樂o既咖喱汁係紅潤剔透，質感類似油咁，
查實真正o既咖喱沉殿響底，但搞雲佢都無乜變樣，
條魚亦痴住D菜(蔥？)碎，賣相贏晒。

空肚去游水邊有力氣？見泳池有間餐廳咁特別，
上個禮拜專登去試食，落左柯打都等幾耐下，
D野食一般啦，都係好奇心之下軀使我食呢間姐，
當日七點九就已經唔做生意，遲少少黎就無得食。
今個禮拜七點半黎到就已經close左，
好在我都無打算食姐，食完野即做運動唔健康嘛，
最好5點幾食定野，第D野食消化晒後7點先去游，
不過間野係咪做生意架？咁早收不如唔好開丫。

除左早兩日摺左本雜誌之外，老總今日又突然宣佈佢last day！
呢個消息相當震撼，話晒都係公司第2把交椅，除左老闆之外，
佢就係做得最耐最有份量，佢走左公司o既根基會唔會動搖呢？
不過對佢黎講又唔係壞事o既，佢響度都做左12年，都悶啦，
都想轉換下新環境，學佢話齋趁仲可以發夢就好去發下夢啦，
再做落去咁就一世啦，唔通響呢間公司做到退休咩？
換轉係我做到咁上下都要出去闖闖，咁先有機會得到更多。
呢幾日公司仿如大地震，老總走左，摺果本雜誌編輯轉部門，
主編又失去籌碼去做網頁，個記者又走埋...
響呢間公司見盡唔少同事離職，衣家做得耐過我o既人唔多，
得4個編輯、市場部3個、兩個秘書同art team3個做得比我耐。