本來係d名人玩，不過短短呢個禮拜，
呢股風氣已經完全蔓延至身邊o既朋友，
公司同事、舊同事、舊同學、舊網友等，
有d人更變本加勵林完再林做找數王。
老實講，開頭玩果批人真係幾in幾型，
不過衣家先黎玩只係跟風同無個性，
呢種舉動已經變左質，亦發生唔少意外，
例如有人向自己d狗隻林冰水搞出狗命，
亦有家長向自己d小朋友林，咁會病架，
玩還玩唔好妄顧動物或他人健康安危。
甚至有種好似連鎖咀咒信咁樣，
比人tag左唔做正衰仔，陶傑講得好o岩，
好多人o既心態都係想睇人出醜姐，
不過今日我響plurk同facebook發表聲明，
本人唔會亦唔希望參與呢項活動，
如果有人tag我即刪好友。
我覺得咁樣仲型，做善事原意係好，
但要人威迫利誘先識捐錢咩？咁只係找數，
都唔發自內心，真心做善事又洗乜IBC？
世上仲有好多須要幫助o既人，
幫ALS之餘亦唔好忽略其他慈善團體。

應該係游完水再去剪髮然後再游水，
剪髮前到柴灣泳池游水嘗試唔帶泳帽，
果然唔得暢順，一大執頭髮遮住視野，
將d頭髮撥去後面游兩游又打回原形，
又未長到可以扎馬尾所以唔帶泳帽唔得。
剪完髮後再去游水又專登試唔帶泳帽，
咦，剪短左D就OK晒，唔會阻礙視線。
話說今次幫開我剪個師傅又唔響度，
唔理啦，求其搵第二個剪，又幾OK喎。

呢排facebook瘋傳Ice bucket challenge(簡稱IBC)，
就係拎盤冰水對自己兜頭淋，其實係一種抖M表現，
不過就好多世界級知名人事都響應呢個做法，
例如Bill Gates啦、Mavel演員啦、香港有王維基、
容祖兒、張家輝、GEM、宅男女神大埔Lu Lu等，
甚至連我公司某D同事都要玩埋一份。
查實呢個舉動背後意義係做善事，幫ALS籌款，
籍住冰水淋頭去感受肌萎縮症脊髓硬化病人o既感受。
不過呢個活動最初o既發起人arm arm跳水意外身亡，
真係天意弄人，本來佢上晒位應該可以做潮流教主，
出下潮物、做下代言人等，前途無可限量，
唉，估唔到27歲咁就玩完，R.I.P~
不過IBC熱潮依然持續落去，佢o既精神得以延續！
希望幫到更多世界上患有ALS o既病人啦。

卡樂B隻宅卡B薯條雖然好食，但貴都唔come食，
味度似麥當勞D薯條再翻炸咁樣，香濃十足，
10蚊得幾條食幾野就食晒，最近見到呢隻Jagarico，
差唔多size同樣10蚊，但拎上手覺得份量好充實，
心諗可能都係似佢另一隻路線o既雜菜薯條咁，
青色包裝果隻，平好多4個幾蚊包好come食，
不過味道爭緊D，就好似稀釋左o既宅卡B咁。
係o既一分錢一分貨，好啦開黎試食，
咦喂係宅卡B口感喎，只係幼身版宅卡B，
不過就好多條，個兜亦無宅卡B咁多空位，
真係充實好多，薯條表面仲有紅紅綠綠o既菜粒，
賣相比宅卡B更吸引，呢隻堅得！以後買呢隻啦！

今日約左王元海出黎游水，向佢請教一下游水心得，
呢位朋友自幼稚園就學游水，仲話有考救生員資格，
本來近近地去西灣河泳池，哇排晒長龍真係估佢唔到，
之後提議轉戰柴灣泳池，果度地勢較為偏僻，
果然無人排隊，換完泳褲入場，幾個池都好鬆散，
有一個1.4米池、一個1.9米池同埋一個4.4米跳池，
當時係星期六o既兩點幾，係可以由池頭游到池尾，
都唔易撞到人，咁先係游水架嘛頂你！
平時響觀塘游水，游唔夠兩步又比人頂住亂晒陣腳，
柴灣泳池以前比我o既印象係水面好多蜻蜓浮屍同落葉，
D救生員要周不時用個網撈起D野，今次無呢個現象喎！
陽光曬住黎游仲好舒服，游過呢次之後唔多想返觀塘游。
雖然已掌握到邊游邊呼吸o既基礎，但就係游得唔夠快，
今日王元海再執番正我D游泳錯誤，果然係當局者迷，
我就係等緊一個有認受性o既人比一個明確o既指引，
首先，蛙式o既動作邊個位要發力邊個位唔洗，
第二，蛙式手同腳係要同步撥出去，唔係就分散晒D力，
第三，就係要呼吸完游兩三下先上水面再呼吸，
而唔係一路游一路呼吸，呢個真係比奧運D比賽fake左，
見D選手好似係每游一步都呼吸咁。
知道左咩毛病就可以對正下藥，不過都係要D時間，
尤其手腳唔協調呢下係比較難去改。
另外又買左頂新泳帽，先知舊果頂真係擺耐左縮左水，
新果頂舒服好多。