讀書時期幾鐘意食雞肉味果隻公仔碗麵，
仲跟埋豆辦醬(其實類似泰式辣醬)，
no埋黎食好惹味，不過呢隻型號已經搵唔番，
以前仲送埋膠叉，又有個透明膠蓋比你吸實，
好周到，衣家食親都要搵叉又要搵野擇蓋。

前兩個禮拜買港式食品寄台灣朋友果陣，
買左盒公仔五香肉丁碗麵，點知太大盒，
塞落去擺唔得幾多野，所以就無寄到碗麵。

今日自已品嘗一下有幾五香肉丁先，
點知只係得D菜碎同醬料，一舊肉丁都無，
睇清楚個包裝，係五香肉丁「味」呀，
咪就得個味囉，正如雞肉味薯片邊有雞肉？

搵番以前拆露台個師傅黎整窗，都係7千5，
哇！比之前驗窗條友報2萬5足足平3倍有突！
不過呢個師傅有前科，做d野都搞到一獲泡，
詳情怒正處2010年o既blog有提及唔再多講啦。
可能1分錢1分貨，呢個師傅唔包報上屋宇署，
貪平就要博一舖，有機會重滔覆轍整完又整。

我媽諗諗下都係加多個簷逢落雨無咁易撇入黎，
再加3千，都係比之前驗窗友平一半有突，
反正搭左棚緊係順便整埋唔洗再煩啦，
d工人漏左口風第時先整要再比多千5搭棚啦，
咦乜原來只係千5炸？不過上天台睇佢地個棚，
哇只係搵d水喉管同鄰居o既冷氣枝架黎借力？
雖然都好似有鑽一兩個鐵架黎托住，
但諗落都幾唔穩陣，見d工人走出個棚做野，
又無扣好安全帶，難聽d講句叉錯腳咁就一世，
佢地用電鋸鋸甩舊窗框時好似d手提煙花咁，
花火四濺，而d工人完全無帶眼罩連眼鏡都無，
唔驚d花火射到眼咩？真係懷疑佢地係咪合資格。

講開佢地個電鋸，原來果塊刀片係即棄消耗品，
又係o既咁鋸法磨都磨到滑晒啦。
 

西港島線通車，我就無去參觀，不過睇到條片，
訪問個乘客「你點睇八達通買車飛呢個功能？」
乘客答「咪好似太陽能電筒囉」真係妙問妙答！
有八達通仲洗乜買車飛？直接o都入閘咪得囉XD

其實RO仲有大把人氣，有好多仲分散晒響私服，
以前玩過D私服人數都keep到長期800以上，
如果呢D人都走去玩正服，新_線就更好賺啦！
只係新_線唔識做，其實大把方法可以做得更好，
以下係我諗到o既一D小小設定上o既變動，
盡量唔影響現有平衡，又可以更親民，例如：

1.商城果D箱可以堆疊，D人先可以放心轉蛋，
衣家一轉100粒就製造100個空間煩惱，
好多雞筋轉蛋物食之無味棄之又惜。
(轉蛋近期已經改左可以堆疊放店無咁阻訂)

2.原因同上啦，增加玩家存放空間，
就算要比錢買大個倉庫都好丫，又多條財路，
搞到轉唔寶好大懲罰咁，想唔想多D人轉蛋丫？

3.呢個好多人都想要好耐，增大露店擺賣金額，
如果改善呢樣，我諗唔止中央連其他鎮都商店林立。

4.多D染服顏色選擇，RO已經同職業無得換衫，
顏色黎黎去去都得果兩隻，睇都睇到厭啦，
技術上明明唔難，私服都幾百種色絕不撞衫。

5.銀卡唔好話搜尋資料太多無法顯示啦，
顯示多幾頁洗死咩？

6.調高部份魔物EXP，增加可練功地點，
例如研3 EXP比夢魘浪人高幾倍，吸引D人去練，
目前研3強度同EXP根本唔正比，重賞下必有勇夫，
咁多地圖整左出黎無乜人去唔浪費咩？
衣家D練功團黎黎去去得果幾度，比較乏味。
 
7.遺失檔案咪頂多整個驚告視窗通知聲囉，
唔洗彈窗呀fa？個patch系統1向都虧虧地，
工程師要修復patch系統就話要好高技術姐，
都已經唔期望你地修復到，只係唔好彈game，
無果舊野咪唔好顯示囉，洗死咩？
打打下浪人突然跳書真係有機會唔見5%架！
唔知幾多新玩家或回鍋唔知頭唔知路係咁跳窗，
懶得更進直接棄坑，咁又損失幾個玩家啦。
(目前小部份缺檔野都唔跳窗，明明就可以咁)

基本上改到以上7點RO就更完美，其實仲有好多，
例如某d地圖lag、外掛等，不過如果新_線改到呢D，
晨早改左啦，唉，都唔洗指望架啦。

一套講述刺殺不寒領袖o既戲，電影官網又話比黑客入侵，
又話恐怖襲擊上映戲院，一度停播，事件驚動到國家層面，
不過越係唔比D人就越想要，隔幾日又話會上映番，
當然全院滿座，咁震撼o既電影連我都想睇。

老老實實，我其實都覺得塑妮電影呢次真係過份左D，
玩還玩都無理由拎人地個總統黎玩架嘛，西方國家開放姐，
你玩歐美D總統都無乜所謂，但每個國家o既價值觀唔同，
例如泰國咁，就算旅客同印有太王o既海報合照表現輕挑，
都會比警察拉，無理由用你地o既心態套入人地果度。
正如你唔信天主教姐，都唔可以隨便拎耶穌黎玩架！
我都支持思想開放百無禁忌，不過人地唔係咁諗，
要玩用化名影射咪算囉，何必名刀名槍畫畫畫出腸？

今次因為塑妮一間公司令到國際局勢緊張，都算威囉，
如果引發恐襲甚至戰爭，呢個責任你間公司咩唔咩得起？

而不寒外交部雖然譴責塑妮呢個行為但否認任何行動，
換個角度去諗，會唔會其實全件事都係塑妮一手佈局？
自己入侵自己又扮不寒發恐嚇信警告各大院線，
家下廣告都唔洗賣全世界都想睇，仲唔係最強宣傳手法？